Од денеска почнува вакцинацијата кај децата со две нови вакцини

Од денеска почнува вакцинацијата кај децата со две нови вакцини – вакцина против рота-вирусот и пневмококна вакцина, што министерот за здравство ги најави пред неколку месеци.

Од Министерството велат дека со вакцината против рота-вирусот се заштитени најголем процент од децата кои ја примиле, односно 9 од 10 деца. Вакцинацијата се спроведува со орална ротавирусна вакцина во три дози со ставање капки во устата на детето, на возраст од шест недели до 32 недели. Првата доза од вакцината треба да се даде пред детето да наполни 15 недели, додека сите три дози на вакцината треба да бидат примени пред да наполни осум месеци. Од Министерството истакнаа дека повеќето бебиња кои примиле ротавирусна вакцина немаат несакани ефекти од вакцината, а милиони бебиња од 94 земји во светот безбедно ја имаат примено оваа вакцина.

Пневмококната вакцина се дава интрамускулно. Се користи пневмококна вакцина, која штити од повеќе серотипови пневмокок, кои се поврзуваат со тешки инфекции кај децата. Детето може да прими од една до четири дози, во зависност од возраста на детето во моментот кога е почнато со вакцинација.

Од Министерството истакнаа дека третманот на пневмококни инфекции со антибиотици не е толку ефикасен, поради големата отпорност на бактеријата кон антибиотиците, што ја прави вакцинацијата уште поважна превентивна мерка.

„Вакцините не само што ја штитат единката, туку ја штитат и заедницата со создавање колективен имунитет. Тие се исклучително квалитетни и проверени вакцини од европски производител. Опфатот на вакцинација мора да биде во просек околу 95 отсто за сите вакцини. Вакцинацијата е фундаментална за постигнување на целите за одржлив развој на здраво население“, велат од Министерството за здравство.

ФОТО: Направете професионално белеење на забите во една сеанса

Процесот на белење на забите претставува осветлување на природната боја на забите, па токму затоа денес белењето на забите е тренд. Белата боја на забите естетски многу влијае на убавата насмевка и секогаш асоцира на здрави заби, Водород пероксид (H 2 O 2 ) е активна состојка која најчесто се користи во производите за белење и агенсот се испорачува како водород пероксид или карбамид пероксид. За да може белењето на забите да биде успешно, треба професионално и правилно да се дијагностицира видот, интензитетот и локализацијата за промена на бојата на забите.

Посакуваната белина на забите зависи од времето на изложеност и концентрацијата на избелувачкиот агенс. За таа намена најправилно е да се користат специјални клучеви за боја со кои се мери и одредува бојата на забите пред и по белењето. Овие нијанси ја одредуваат ефективноста на постапката за белење, која може да варира по градација од две до седум нијанси. Резултатите од белењето се квалитетни само со правилен протокол на постапката без притоа да се прескокнуваат фазите на работа. Ефектите може да траат повеќе месеци, но постои опција да варираат во зависност од начинот и темпото на животот на пациентот. Конзумирањето на храна која ги пигментира забите или пак пијалоци кои имаат силна боја може да ја загрозат ефективноста на третманот. Тука влегуваат храна и пијалоци кои содржат танини како што се: густо кафе, темен чај, црвенo винo, кари итн.

Во процедурите за белење по протокол се користи ефикасен заштитен слој кој се нанесува на гингивата (непцата) за да се намали ризикот од хемиски изгореници на меките ткива.

Агенсот за белење е карбамид пероксид, кој се распаѓа во устата за да се формира водород пероксид, или самиот водород пероксид. Гелот за белење обично содржи помеѓу 10% и 44% карбамид пероксид, што е приближно еднакво на концентрација од 3% до 16% водороден пероксид.

Се подготвува за 15 минути

Ви претставуваме рецепт  со кој можете лесно и брзо да направите вкусен домашен леб што ќе ве натера да заборавите на продавниците засекогаш.

Потребни состојки за подготовка на овој леб се:

150 грама интегрално брашно 

150 грама бело брашно 

10 грама сув квасец 

180 милилитри минерална вода 

3 лажици маслиново масло 

лажица ленено семе 

лажица сончогледова 

сол Малку 

Начин на подготовка: 

Загрејте ја рерната на 250 степени пред сè. Ставете го белото и интегралното брашно во сад и промешајте. Додадете квасец, сол и семе. Промешајте. 

Ставете минерална вода и три лажици маслиново масло во сувите состојки. Промешајте ги состојките добро додека  смесата не се соедини смесата. Поделете ја на два дела.

Тестото формирајте го во кружни парчиња леб. Ставете го тестото во плех за печење наредени со хартија за печење. Посипете  го со семе. Печете 15 минути додека лебот не добие златеста боја.

Препознајте ги симптомите на мозочниот удар

Брзото делување во случај на мозочниот удар може да Ве спаси од тешките оштетувања, па дури и од смртта. Кај ваквите ситуации битна е секоја минута.

Со секои 15 минути порано одење на доктор, се намалува ризикот од тешките последици и смртта за 4%, се наведува во една студија која е спроведена на повеќе од 58.300 пациенти со мозочен удар, која е објавена во весникот Journal of American Medical Association.

Тие 15 минути порано одење на доктор влијае и на времето на напуштањето од болницата. За 4% е зголемена и веројатноста за отпуштање од болницата, а за 3% шанса да Ве пуштат дома и да не Ве пуштат на рехабилитациски центар или дом за стари лица затоа што повеќе самостојно не можете да живеете.

Мозочниот удар е состојба на намалената циркулација на крвта во мозокот, поради што доаѓа до ненадејното губење на мозочните функции. Тоа е еден од водечките причинители за смртта во голем дел од развиените земји, а повеќе од половина преживеени луѓе кои се постари од 65 години по ударот ја губи способноста за одење.

Секоја минута која ќе помине без лекување, се губат  два милиони неурони. Колку е брзината важна покажува податокот дека дури 15 минутно доцнење со почетокот на лекувањето, оставаат последици. Доколку постојат проблеми со лицето, со функцијата на раката или говорот, не чекајте, реагирајте на време!

Како да ги препознаете симптомите?

Лицето – олабавеност      

Дали едната страна на лицето не реагира? Кажете и на личноста да се насмее. Дали е насмевката е неуедначена?

Рацете – слабост   

Дали една рака е послаба или во неа нема осет? Речете и на личноста да ги крени двете раце. Дали и паѓа едната рака?

Тешкотии при зборувањето 

Дали е зборувањето нејасно? Личноста не може да зборува или е тешко да ја разберете? Замолете ја личноста да ја кажи едноставна реченица и дали ќе ја кажи како што треба?

Време – повикајте итна помош   

Доколку некој покажува било кој од овие симптоми, дури и ако симптомите ќе се повлечат повикајте итна помош или што побрзо однесете ја личноста во болница.

Најчести симптоми на мозочен удар се:    

-здрвеност, слабост или укоченост на лицето, рацете нозете или целата половина на телото.

– Пореметување во говорот, неразбирливо и отежано зборување или потполна неможност за зборување.

– Ненадејно замаглување на видното поле во целост или делумно, или губење на видот најчесто на едното око.

-Ненадејна силна главоболка пратена со повраќање без јасна  причина.

-вртоглавици, губење на рамнотежа поврзано со другите симптоми.

– пролазни симптоми – сите наведени симптоми, со пократок интензитет се нарекуваат транзиторни исхемички атакци ( ТИА), можат да бидат предупредувачки знак за мозочен удар, па е неопходна неуролошка обработка.

Популарно