ВИДЕО: Адем и Бајруша живеат под мост во Аеродром, ги издржува синот кој продава пластични шишиња

Животот за еден е мајка, за друг макеа. За Адем и Бајруша за жал животот е макеа. Покрај судбината, со нив се поигруваат и институциите. Адем четири месеци добивал социјална помош, но му ја укинале бидејќи, како што раскажува тој, требало двајцата со Бајруша секој месец да се пријавуваат во Завод за вработување, што за Бајруша е проблем поради нејзината болест.

Под мостот „Близнак“ во Аеродром веќе два месеца живеат Адем и Бајруша со нивниот 30 годишен син. Тука се откако газдите на куќата во која престојувале под кирија, ги избркале, иако редовно ги подмирувале сметките. Единствен кој се спасил од животот под мост е најмалиот син, кој се оженил со ќерката на сопственикот на куќата.

Бајруша токму под овој мост доживеала мозочен удар, по што има потешкотии во говорот. За неа се грижи Адем, кој исто така е болен, од астма. Единствен кој е работоспособен во семејството е синот кој се занимава со собирање пластични шишиња, но би сакал да најде постојана работа. Образование нема, но е вреден и чесен, вели Адем.

Покрај судбината, со нив се поигруваат и институциите. Адем четири месеци добивал социјална помош, но му ја укинале бидејќи, како што раскажува тој, требало двајцата со Бајруша секој месец да се пријавуваат во Завод за вработување, што за Бајруша е проблем поради нејзината болест.


Нема полициски час ама за тоа има некултура и вандализам

Има ли некој свесен или храбар, или доволно способен во власта, централна и локална, што конечно ќе стави крај на ваквото однесување на голем број жители на Македонија?

Вака изгледаше Средно Водно, реагираат љубители на оваа планина, но и рекреативно место.

Фотографиите се преземени од ФБ профил на нашата оперска певица Весна Гиновска Илкова

Цела држава е претворена во депонија. Нема педа каде што поминал или живее човек да не е уништено, извалкано или покриено со енормни количини ѓубре.

Невоспитувањето и некултурата на голем дел од населението е застрашувачка.

Но, тоа е потхранувано секој ден од надлежните државни институции, почнувајќи од локалните самоуправи, градоначалници, па до врвот на пирамидата, централната власт.

Зошто? Затоа што мува не ги лази иако и самите гледаат дека се гушиме во ѓубре. Насекаде. По паркови, низ град , во центар, во населбите, планините, покрај патиштата, секаде!

Луѓето фрлаат каде ќе стасаат и никој не ги казнува! Никој! Неказнивоста го унишува ова општество во секоја негова пора. Владее безвластие, анархија.

Може да се кладиме дека и по две, три, 5 години, патот кон Охрид, ако тргнете од Скопје, ќе го најдете во иста состојба.

Со депонии на секој чекор, секое стојалиште, долина, ливада, на дрвјата, на Стража каде се тепаат луѓето да изедат мекица повеќе.

Секаде!

До кога?!

Емилија Лазаревска за Ako.mk

(ВИДЕО) Жители на Чаир играат оро за време на полициски час

Денеска припадниците на испамската вероисповед го празнуваат Рамазан Бајрам, па по тој повод полицискиот час започна во 11 часот и ќе трае до вторник до 5 часот наутро.

Според најновата статистика на новозаболени од Ковид-19, Чаир спаѓа во скопските населби со најмногу заболени.

Претходно, Министерството за здравство соопшти дека во изминатото деноноќие се регистирании 37 нови случаи на коронаворус во Македонија.

Вкупната бројка на ковид дијагностицирани во нашата земја од почетокот на епидемијата изнесува 1.978, бројката на оздравени пациенти е 1.422, на починати е 113, а во моментов бројот на активни случаи во земјата изнесува 443.

ФОТО: Тешка сообраќајна несреќа во Кисела Вода

Во скопската населба Кисела Вода, на улицата „Димо Хаџи Димов“ пред малку се случи тешка сообраќајна несреќа во која учествувале две возила.

На местото на настанот има возило на брзата медицинска помош бидејќи најверојатно има и повредени. 

Извор: Вечер.мк

Популарно