Антонио Милошоски-Македонија добива зелено светло од Холандија

На својот Твитер профил пратеникот на ВМРО-ДПМНЕ Антонио Милошоски вечерва напиша дека Македонија добива зелено светло од Холандија без дополнителни услови, додека Албанија добива црвено светло за старт за преговорите со ЕУ.

Соња е пронајдена жива и здрава

Соња е пронајдена жива и здрава после 24 часови потрага, семејството објави дека 34 годишната жена е пронајдена утрово околу 10.30.

Информацијата ја потврди и полицијата. Од СВР Струмица велат дека повеќе тимови биле вклучени во потрагата по Соња.

Вчера по полициската станица нејзиниот татко Д.А. (60)  од Дабиље пријавил дека од домот се оддалечила неговата ќерка С.А (34), лице со здравствени проблеми, која и претходно во неколку наврати се оддалечувала од домот и е враќана назад.

Уште едно лице побегна од домашен притвор

Во текот на вчерашниот ден  полицајци отишле во домот на Драганчо Стојменов познат и како Дацо Белски за да проверат дали ја издржува мерката домашен притвор,  меѓутоа истите констаттирале дека лицето не  може да го најдат.  Дацо Белски еден период беше  телохранител на Сашо Мијалков.

Од МВР потврдија дека тој сега има статус на бегалец.

-Судот му одредил мерка куќен притвор, и според надлежноста полицијата неколку пати во текот на денот прави проверки. При последната проверката извршена вчера е констатирано дека лицето не е дома односно не ја почитува мерката на судот и за тоа веднаш е известен судот. По наредба на судот веднаш се преземени мерки и активности за пронаоѓање на лицето, велат од прес службата на МВР.

Драганчо Стоименов попознат и како Дацо Белски лани учествуваше во престрелка пред угостителски објект Аква во Кочани. Во тоа време Белски беше телохранител на екс директорот на УБК, Сашо Мијалков и често го придружуваше во судниците својот шеф кој беше обвинет во повеќе предмети на СЈО.

По инцидентот во кој рани човек, Белски избега и бегството го заврши со предавање на надлежните по што беше сместен во Шутка во април. На крајот на летото, кочанскиот суд му определил домашен притвор, а Белски во петокот го немало дома по што истиот суд утврди дека избегал.

Вработените во СЈО два месеца се без плата

Веќе два месеца вработените во СЈО не добиваат плата. Институцијата не ги плаќа ни даноците, а во последно време од ангажман е отстранета и компанијата која беше договорена за да ја одржува.

Наспроти овие 90 лица кои останаа без месечните плати, околу 20 истражители кои се ангажирани од СЈО плата земаат од Министерството за внатрешни работи. Поради притворот на Катица Јанева, плаќањата во оваа институција не можат да се реализираат. Јанева нема ни заменик, бидејќи поранешните специјални обвинители се веќе распоредени низ редовните јавни обвинителства.

извор АлсатМ

Популарно