Наставничка по географија од едно скопско основно училиште тргувала со човечки органи

Наставничка по географија од едно скопско основно училиште самата во полиција се пријавила дека препродава органи, дека откопува гробови и дека преработува месо од починати во ќебапи.

Ваква службена белешка надлежниот полициски службеник од единицата за имотни деликти и малолетничка деликвенција поднел во полициската станица во Чаир на 22ри, минатиот месец.

Во службената белешка до која Press24 стигна преку свои извори во полицијата стои дека истиот ден, околу 10 часот наутро во полициската станица во Чаир дошла жена, чиј идентитет нема да го откриеме, но и е познат на редакцијата и  почнала да зборува нелогични работи.

„Од моја страна беше прашана за што сака да разговара при што истата појасни дека работи како наставник по географија и дека сака да појасни дека истата потекнува од индијанско племе од Невада и дека како мала е донесена од нејзиниот сегашен татко кој е човеколик мајмун и заедно со директорот на училиштето во кое што работи, кој исто така е човеколики мајмун се занимаваат со разни кривични дела (продавање на органи, откопување на мртви од гробишта и преработка на месото во ќебапчиња, организирање на атентати по нарачка и прикривање на лица кои се водат умрени а сеиви, за што наведе пример дека Тоше Проески го кријат во училиштето каде го претставуваат како ... и работи како наставник по физичко.“ стои меѓу другото во записникот.

По ова, полицискиот службеник ја прашал наставничката која има близу 50 години дали е при здрава свест и дали има проблеми со здравјето по што таа појаснила дека Нема никакви проблеми со здравјето.

По ова, надлежниот полициски службеник констатирал дека таа не пријавува кривични дела од неговата област на имотни деликти, го повикал сменоводителот и му го препуштил случајот.

И целата приказна ќе изгледаше неверојатна, ако нашиот извор не ни ја доставеше и службената белешка за овој разговор.

Каков епилог имал овој случај немаме се уште информација, па не можеме да потврдиме дали споменатата наставничка навистина е вклучена во образовниот процес и доколку е, какво знаење им пренесува на децата.

Од друга страна, ваквите случаи само покажуваат дека не е лесна ниту работата на полицијата, која мора да се справува и со вакви случаи.

Стотина ловци и граѓани ја продолжија потрагата по исчезната Марија Брзакова од Босилово

Стотина ловци и граѓани во координација со полицијата утрово ја продолжија потрагата по исчезната Марија Брзакова (28) од Босилово, која исчезна на 18-ти овој месец. Собраните граѓани заедно со полицијата денеска ги пребаруваат речните корита и канали во регионот, а покрај ловците од Босилово во акцијата за пребарување на теренот се вклучени и ловци од Ново Село и Струмица.

-Во координација со СВР-Струмица се распоредивме по течението на реката Турија, реката Струмица, канали, по целото поле, дури и по браните на Дрвош и Иловица, Монспитовско блато, значи целиот терен ќе се пребарува, рече Војо Прцевски, претседател на Ловно друштво „Гоце Делчев“ од Босилово.

Додаде дека потрагата и утре ќе продолжи доколку денеска не ја пронајде исчезната жена.

Дваесет и осумгодишната Марија Брзакова исчезна во утринските часови на 18-ти овој месец. Била облечена во тренерки во темна боја, на нозете имала патики или влечки, со себе не носела ташна, мобилен или каков било документ. Висока е околу 160 сантиметри, средна градба, со долга костенлива коса. Исчезнувањето во полицијата го пријавил нејзиниот сопруг. Од полицијата апелираат до граѓаните доколку ја забележат исчезнатата Марија Брзакова да се јават на телефонскиот број 192.

Со стакло од скршено огледало сакал да ја заколе малолетната кираџика

Основното јавно обвинителство Скопје поведе постапка против лице за кое постои основано сомнение дека извршило кривично дело – Насилство од член 386 став 3 во врска со став 1 од Кривичниот законик.

Осомничениот 64-годишник грубо навредувал, малтретирал и извршил физичко насилство врз дете на возраст од 14 години. Имено, оштетената со нејзиното семејство биле потстанари во куќа во сопственост на осомничениот во Аеродром. На 23 јануари, девојчето скршило огледало во куќата, па сопственикот започнал најпрвин да ја навредува, а потоа и да ја удира со тупаници и со стап по главата и телото. Во еден  момент зел парче од скршеното огледало и започнал да ја сече од задната страна на вратот. Оштетената се обидела да избега и да повика помош, но тој продолжил да ја тепа и во дворот на куќата. За време на настанот во куќата била и сопругата на братот на оштетената со нејзините две деца на возраст од три месеци и 1.5 година, која не успеала да му помогне на девојчето.

Имајќи го предвид видот и тежината на кривичното дело што му се става на товар, предвидената казна, опасноста и степенот на загрозување од вакви кривични дела, како и фактот дека се работи за насилство врз 14-годишно дете, надлежниот јавен обвинител процени дека постојат околности кои укажуваат опасност од бегство на осомничениот. Од тие причини, јавниот обвинител до Основниот кривичен суд Скопје достави Предлог за определување мерка притвор за осомниченото лице. Притоа, јавниот обвинител го ценеше и фактот што се работи за кривично дело против јавниот ред и што осомничениот е лице кое е претходно осудувано и кое би можело да го повтори кривичното дело.​

ФОТО: Ова е убавата воспитувачка која полицаецот од Стара Пазова ја разнесе во автомобил со рачна бомба

Павле (31) од Стара Пазова, Србија најверојатно поради нерачистени љубовни сметки со Марина (28), активирал рачна бомба во автомобил и заедно со себе ја одвел и неа во смрт.

Што точно се случило пред да ја активира бомбата знаат само тие двајца, а таа тајна со себе ќе ја однесат во гроб.

Марина работела како воспитувачка во гардинка во која оделе и децата на Павле, па се претпосртавува и дека тука се запознале. Според зборовите на своите блиски, Марина изненада го напуштил работното место и заминала да работи во родното место.

Неофицијално во Нова Пазова најпрвин се вработила во локалната градинка, во која работела 4 месеци, а потоа во другар градинка близу нејзината куќа каде работела кобното утро.

Според нејзините најблиски таа го напуштила работното место за да не го гледа веќе Павле кој често ги ноосел децата во градинка.

Наводно Марина го оставила своето долгогодишно ммче поради Павле, но тој не сакал да се разведе од сопругата, па затоа таа решила да го прекине контактот со него и да се врати на старата љубов за да може да си основа свое семејство. Сепак пријателите на Марина негираат дека таа го терала Павле да се разведе.

Колегите на Павле, кој бил полицаец се затечени од ваквата вест, посебно зошто оставал впечаток дека е сеемен и посветен човек. Инаку тој во јавноста бил познат бидејќи изработувал икони. Двајцата ќе бидат погребани утре во 13 часот.

Популарно