Прогласена епидемија на варичела во Крива Паланка и Ранковце

Според податоците за пријавени случаи на лица заболени од овчи сипаници од Подрачната единица на Центарот за јавно здравје Крива Паланка, прогласена епидемија на ова високозаразно заболување на подрачјето на општините Крива Паланка и Ранковце.

Следејќи го пријавувањето на овчите сипаници на ниво на општина последните два месеца, се бележи зголемување на бројот на заболени лица. Почнувајќи од месец септември 2019, заклучно со 31 октомври регистрирани се вкупно 73 заболени лица, што е алармантна бројка споредено со истиот период минатата година, кога не е регистриран ниту еден случај на заболени од варичела, информира докторката Елена Крстевска-Ивановска, од ПЕ на Хигиено-епидемиолошка служба Центар за јавно здравје, Крива Паланка.

И во 2016 година во истоветниот период била прогласена епричела на ниво на општина Крива Паланка и Ранковце, што покажува дека станува збор за заразно заболување кое се јавува циклично.

Од вкупно 73 заболени, 55 се регистрирани кај деца од предучилишна возраст, дечиња до пет годинки, кои посетуваат или не посетуваат предучилишни установи, а останатите се на возраст од 6 до 19 години, ученици во основните училишта во градот. Како резултат на зголемениот број заболени во училиштата и градинките се доставени информации за начинот на пренесување на ова заразно заболување и превземањето превентивни мерки со кои би се спречила опасноста од понатамошно ширење на болеста, додаде Крстевска-Ивановска.

Од вкупниот број регистрирани заболени од варичела, 51 лице е од град, додека 22 заболени се од руралните подрачја. Во однос на полот, заболени се 38 момчиња и 35 девојчиња.

Од ПЕ на ХЕС Центар за јавно здравје Крива Паланка посочија дека како превентивна мерка дадени се препораки до установите и извршена е едукација на населението со цел да се спречи понатамошна појава на ширење на заболувањето, а епидемиолошката состојба на подрачеј на општините во реонот се следи постојано.

Ако „Медена земја“ ја добие наградата ќе донесе најмногу пари

Обложувалница „Моцарт“ ги објави квотите за овогодинешниот Оскар. Оваа година настанот е посебно интересен и за македонската јавност затоа што за првпат имаме филм кој е номиниран во две категории.

Откако во 1995 година филмот „Пред дождот“ на Милчо Манчевски не успеа да го добие Оскарот, оваа година се надеваме на историски успех со „Медена земја“ (Honeyland) кој е номиниран за престижната награда во две категории: најдобар документарен филм и најдобар странски филм (квота 25). Најголема конкуренција на нашиот филм во трката за главната награда е јужнокорејскиот „Паразит“ кој ги освои речиси сите награди во Азија, а квотата за да земе Оскар е 1.05!

Во најинтересната конкуренција за најдобар филм борбата ќе биде голема. „Џокер“ (квота 8.00) има најмногу номинации – 11, но под квотите на обложувалницата во категоријата најдобар филм е остварувањето на Квентин Тарантино „Беше еднаш во Холивуд“, во кој улогите ги толкуваат Бред Пит и Леонардо ди Каприо. Според Моцарт и букмејкерите, најблиску до признанието е филмот 1917 (квота 3.00), односно за вложени 1.000 денари, доколку овој филм ја освои златната статуетка, исплатата е 3.000 денари.

Во пролет ќе стигнат нови животни - во крајна фаза е изградбата на живеалиштата за фламингата и пингвините

Нови животни оваа пролет ќе пристигнат во Зоолошката градина. Станува збор за фламинго и за пингвини. 

Нивните живеалишта се уште се во изградба, меѓутоа се во завршна фаза, 

Живеалиштето за фламингото треба да е готово до март, а веќе во април се очекува да пристигнат и пингвините. 

Од Зоолошката градина сметаат дека претходната година била многу успешна со реализирани многу нови проекти, а очекуваат 2020 да биде уште подобра. 

Заев: Ја зголемивме минималната плата за 5.500 денари

Над 35 милиони евра државна помош се доделени на 200 приватни компании. На 45.000 вработени минатиот месец покачена им е платата преку мерката за субвенционирање на придонесите.

Ова вечерва го напиша Заев на Фејсбук.

- За 5.500 денари е зголемена минималната плата од почетокот на мандатот на Владата предводена од СДСМ. За СДСМ сите граѓани се важни. Граѓаните ги препознаваат политиките кои значат подобра иднина за сите, напиша тој.

Популарно