За газда Саво работникот е закон: Наместо 250 евра, кај мене заработуваат и до 2.500 евра

Живот

на 12.2019

Саво Ковачевиќ е успешен Босанец во Германија. Тој е сопственик на компанијата Kovacevic Strassenbau којашто се занимава со одржување и реновирање на патишта и тротоари. Според него, во оваа дејност неговата компанија е најдобра во цела Германија.

Тој вели дека неговата компанија годишно заработува околу шест милиони евра, а има 64 вработени. Ако се земат и вработените од останатите компании кои сезонски работат за неговата компанија, тој број се зголемува на 120. Со гордост истакнува дека над 80 од вработените доаѓаат од БиХ.

Вредни и чесни

Секој кој одлучува да дојде во Германија и сака да работи во мојата компанија, веднаш му обезбедувам виза за влез и работа бидејќи јас сум многу задоволен од нив. Исто така, сакам да потенцирам дека моите најдобри вработени доаѓаат од Тузланскиот кантон и тие се многу вредни, точни, прецизни и искрени. Досега сум немал никаков проблем со нив, а нашите германски партнери се крајно задоволни од работата што ја вршат. И тие се задоволни со мене како работодавач бидејќи досега не се случило ниту еден вработен да ме напушти, а на голем дел од нив им се насмевна среќата и останаа да живеат во Германија, вели Ковачевиќ.

Доаѓаат со семејствата

Иако на многумина им дал леб во рака, тој не крие дека одредени луѓе го мразат од дното на душата бидејќи извезува работна сила од БиХ.

Овие луѓе работеле таму за месечна плата од 250 евра, а кога дојдоа кај мене, тие заработуваат 2.500 евра. Имам три куќи, апартмани и ги оставам да престојуваат таму додека не се снајдат. Некои доаѓаат во комплет со своете семејства, а потоа се одвојуваат изнајмувајќи сопствени станови и започнуваат со нов живот. Ова е најголемиот доказ дека ја правам вистинската работа за моите луѓе и мојот народ, заклучува Ковачевиќ.

Босанец во срцето и душата

Иако е роден во Германија, Ковачевиќ не го заборавил местото од каде што потекнуваат неговите родители. “Без оглед на тоа што сум роден во Германија, јас сум во Босанец во срцето и душтата“, вели тој.

Хуманист

Иако за тоа не сака да зборува, Ковачевиќ е исто така голем хуманист. Тој вели дека секогаш е тука кога на некој му треба помош. Особено е чувствителен за крајот од каде што потекнува па затоа им помага со пари кога и да треба да се изгради некоја црква или џамија.

Почина млада српска пејачка

Живот

пред 3 дена

Српската пејачка Хариета Симиќ, позната под прекарот Харина, почина од рак на 13 април во Смедерево, во болница, на 41-годишна возраст.

Пејачката за страшната дијагноза дознала пред две години, а бидејќи ракот веќе се проширил, и биле отстранети двете дојки и почнала со хемотерапија.

Хариета на својот Инстаграм профил неодамна раскажа за својата тешка судбина и ги замоли сите луѓе со добра волја да ѝ помогнат преку Инстаграм доколку имаат можност.

По операцијата кога ми ја отстранија дојката, одев на хемотерапии и ми рекоа дека сум здрава, меѓутоа, само два месеци подоцна отидов на контрола и докторката ми најде метастази на вратот – раскажала тогаш Хариета, која по операцијата почнала да добива различни симптоми, почнала да кашла и добила антибиотици.

– Ништо не ми помогна, а потоа отидов на снимање на белите дробови и открија дека имам метастази насекаде по белите дробови. Се чувствувам како да имам еден тон на градите, тешко дишам – раскажала пејачката.

Нејзиниот сопруг ја напуштил седум дена по операцијата. И рекол дека има нова жена и дека со неа ќе се венча.

Над 400 приватни специјализанти стапија во штрајк

Здравје

пред 4 дена

Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело. Штрајкот ќе го прекинат, како што најавија, само доколку добијат писмена гаранција за исполнување на барањата.

- За жал, се решивме на овој чекор бидејќи Министерството за здравство нема слух за решавање на нашите проблеми, изјави доктор Христина Илиоска Чешлароска, приватен специјализант по интерна медицина, трета година.

Таа потсети дека по протестот во март, имале средба со министерот за здравство на која им било ветено дека нивните барања ќе се најдат на седница на Влада., но дека засега немаат никаков одговор.

Како што соопшти Илиоска Чешлароска, добиле повик од претставник во Министерството за здравство и им било кажано дека денеска во 14 часот ќе се одржи средба во Влада.

-Петмина наши претставници ќе бидат на таа средба, но, немаме информација кој се ќе присуствува и дали ќе бидат прифатени нашите барања. Штрајкот продолжува, се додека не добиеме писмена официјална гаранција дека барањата ќе бидат исполнети, нагласи Илиоска Чешлароска.

Тамара Пејоска, специјализант на пластична и реконструктивна хирургија, прва година, рече дека работно максимално се посветуваат, а се ставени во разочарувачка деградирачка позиција. На протестот беше нагласено и дискриминирањето при остварување на мајчинство и породилно отсуство, бидејќи тогаш се укинува надоместот. Сите овие луѓе, беше кажано на протестот, имаат желба да останат во државата, да работат и да се грижат за пациентите.

Приказната за скопското бездомно куче Чопер и виетнамскиот јутјубер Ву

Живот

пред 5 дена

Македонските граѓани трагаа неколку денови по бездомното куче Чопер,тоа повторно се најде во рацете на неговите сопственици кои случајно го запознаа, додека биле на привремен престој во Скопје.

Тие утре, заедно со бездомното куче од скопските улици, ќе отпатуваат за Германија.

Приказната започна на социјалните мрежи каде што младиот тиктокер и јутјубер, Филип Ву, кој потекнува од Виетнам, побара помош од Македонските граѓани. Овој човек патувал на повеќе дестинации во светот, а животот го донел и во нашата земја.

„Ако сте од Скопје, Македонија или знаете некој од таму, ми треба вашата помош …“, го започнува видеото.

На својот „Инстаграм“ профил, Ву објаснил како додека престојувал во нашата татковина започнал да се грижи за бездомно куче, хранејќи го секојдневно. По извесно време, кучето ја стекнало неговата доверба и почнало да го пречекува кога и да се враќал дома.

Љубовта била обострана, па така овој човек се одлучил да го посвои животното, откако ќе се врати од Германија во Македонија со автомобил. За тоа време, планот бил кучето да престојува кај неговиот пријател од Скопје.

Но, во периодот додека бил отсутен кучето се изгубило.

За среќа, со помош на македонските граѓани, Чопер е пронајден и заедно со јутјуберот Филип Ву, „ќе поднесе документи за германско државјанство“.