Филмот „Медена земја“ со две номинации за Оскар

Филмот „Медена земја“ на режисерите Тамара Котевска и Љубомир Стефанов e номиниран во две категории на наградите „Оскар“. Ова е првпат во историјата на македонската кинематографија еден филм да влезе на листата во две категории – за најдобар странски филм и најдобар документарец.

Македонија за престижната статуетка се надеваше со филмот „Пред дождот“ на Милчо Манчевски кога беше номиниран во категоријата најдобар странски филм.

Конечните листи со номинациите за „Оскар“ ги објавија актерите Џон Чо и Ајса Рае.

Почина 19 годишно момче на скопските клиники

Почина 19-годишниот Бојан Смилески, еден од тројцата повредени во сообраќајната несреќа што се случи во четвртокот на стариот пат Тетово-Скопје. Тој им подлегнал на повредите на клиниките во Скопје каде беше хоспитализиран по несреќата.

СВР Тетово во четвртокот информираше дека сообраќајната несреќа се случила кај месноста таканаречена „требошки натпатник“. Се судрија товарно возило „мерцедес“ со тетовски таблички управуван од Х.А (48) од Голема Речица и патничко возило „опел корса”. Сега починатиот Бојан беше сопатник во корсата, а повреден беше и неговиот другар Мартин Бошкоски, роден 2001 година, исто од Сараќино.

ВИДЕО: Град со големина на голф топчиња паѓа во Австралија

Природните катастрофи и понатаму ја напаѓаат Австралија. Еден ден по песочното невреме на југоистокот од Австралија, паѓал град со големина на голф топче, пренесуваат локалните медиуми.

Сè започна со пожарите, а потоа на земјата паѓаа обилни дождови и почнаа поплавите.

Сега на југоистокот од таа земја започнало песочното невреме и силен град. Градот оштетил многу автомобили и ги искршил гранките од дрвјата.

Телевизијата „7 News“ прецизирала дека силниот град бил забележан во државата Нов Јужен Велс. Во последните 24 часа за помош од спасувачите се пријавиле околу 1.500 луѓе, а околу 1.000 од нив биле поврзани со оштетување на градежните објекти поради невремето.

Еден ден пред да падне градот државата беше погодена од песочно невреме со ветрови од 100 км/ч.

Телвизијата пренела дека истовремено во државите Викторија, Јужна Австралија и Тасманија продолжуваат да беснеат пожарите. 

Хуманоста на дело: Момчето кое го фати Светиот крст во Делчево го донираше телевизорот кој го доби како поклон

Хуманоста е одраз на големите луѓе. Среќниот фаќач на Светиот крст во Делчево, Васе Панчовски заедно со неговата група одлучија денешната освоена награда, телевизор која ја доделува компанијата Зегин, да го подарат на семејство од Делчево.

Како учесник во годинешните Водици, заедно со мојата група одлучивме наградата телевизор која како среќен фаќач на крстот ја доделува Зегин да ја подариме на некој на кој навистина му треба. Во консултација со мои другари решивме да го доделиме на ова семејство. Во чест на празникот доделивме и икона Богојавление. Нека им е честит празникот на сите граѓани, изјави Панчовски.

Заблагодарувајќи се за донацијата, од семејството во чиј дом беше дониран телевизорот на сите граѓани им посакаа добро здравје, среќа и успех во годината.

Панчовски вторпат го фаќа чесниот Крст во Делчево. Минатата година тој исто така го извади чесниот крст од водите на реката Брегалница. Минатата година исто така доби награда телевизор и 10 илјади денари од Општината.

Популарно