Груевски вели дека ако имало правна држава, Цаноски ќе бил в затвор

Поранешниот македонски премиер Никола Груевски кој доби политички азил во Унгарија, на Фејсбук му врати на бизнисменот Фијат Цаноски, кој денеска по рочиштето за „ТНТ“ кажа дека ова е оркестрирано од Будимпешта, откако е одлучено предметот да се врати од почеток.

Груевски напиша дека ако Македонија била правна држава, Цаноски требало да биде во затвор најмалку една година и дека својата моќ ја создал со користење на многу слабости.

„Од скромен и непознат релативно мал бизнисмен со мала градежна фирма успеал на некој начин да издејствува дозвола од државните органи да отвори универзитет каде според повеќе сведоштва забележани се случаи каде некои се спремни добро да платат за да дојдат до диплома. Според информациите, се чини незаконската градба му била нормална работа, па и објектот на универзитетот му бил дива градба која успеал и како таква да ја стави под хипотека во една банка за кредит. Ова се работи кои обвинителството ако сака може да спроведе истрага, да ги провери и разоткрие. Подоцна на сцена стапува и силната медиумска подршка преку убедливо најмоќниот медиум во тоа време сопственост на неговиот поранешен сват исто така инволвиран во повеќеслоен милионски криминал за кој подоцна беше во затвор. На крајот моќта ја заокружува и преку формирање партија со која го употребува гласачкото тело за да дојде до пратеничка положба како инструмент за освојување на поголема финасиска моќ и влијание“, пишува Груевски. 

Судијата-поротничка Лилјана Ивановска-Кочковска, која изминатиот период беше цел на закани и јавно препукување помеѓу Кривичен суд и одбраната на обвинетите во случајот „ТНТ“, денеска по втор пат си поднесе оставка, овој пат на самото рочиште по што предметот за насилното рушење на „Космос“ започнува од почеток.

Хуманоста на дело: Момчето кое го фати Светиот крст во Делчево го донираше телевизорот кој го доби како поклон

Хуманоста е одраз на големите луѓе. Среќниот фаќач на Светиот крст во Делчево, Васе Панчовски заедно со неговата група одлучија денешната освоена награда, телевизор која ја доделува компанијата Зегин, да го подарат на семејство од Делчево.

Како учесник во годинешните Водици, заедно со мојата група одлучивме наградата телевизор која како среќен фаќач на крстот ја доделува Зегин да ја подариме на некој на кој навистина му треба. Во консултација со мои другари решивме да го доделиме на ова семејство. Во чест на празникот доделивме и икона Богојавление. Нека им е честит празникот на сите граѓани, изјави Панчовски.

Заблагодарувајќи се за донацијата, од семејството во чиј дом беше дониран телевизорот на сите граѓани им посакаа добро здравје, среќа и успех во годината.

Панчовски вторпат го фаќа чесниот Крст во Делчево. Минатата година тој исто така го извади чесниот крст од водите на реката Брегалница. Минатата година исто така доби награда телевизор и 10 илјади денари од Општината.

Охриѓанец на оригинален начин од вода ја запроси девојката на Водици

Вчерашниот голем празник некои го искористија за романтично запросување. Едно момче кое се фрлаше по крстот реши да ја побара својата сакана за жена.Па така додека сите го бараа крстот тој од водите на Охридското езеро извади прстен и ја побара за сопруга.

Идната невеста се разбира дека кажа „да“ а среќата на момчето немаше крај.

Видео: Oва е куќата во која ќе живее Атиџе во Дорфулија

Хероината од филмот „Медена земја“, Атиџе Муратова која досега живееше во селото Бекирлија, ќе живее во куќа во селото Дорфулија, каде има роднини.Куќата е купена за Атиџе, и во неа ќе има нормални услови за живот.

Новинарот Фуркан Салиу на Фејсбук објави видео од кое може да се види како изгледа куќата.

„После силната порака што ја испрати до целиот свет, мислам дека барем малку не задолжи сите нас… Кој сака да донира го има линкот, а ако некој сака лично да и помогне, ќе ја најдете на 60 километри од Скопје, близу Лозово. А замислете колку добро ќе беше 24 министри да донираат 20% од платата за овој месец за личност како што е Атиџе“, пишува новинарот.

Популарно