Гламурозниот модел и Инстаграм сензација Аполонија Левелајн неодамна за британските медиуми рекла дека историјата се повторува и дека малтретирањето кое го имала во училиште, сега го доживува на Интернет, секојдневно соочувајќи се со навреди и лоши коментари.
Згодната 20-годишна девојка тврди дека нејзиниот инбокс е претрупан со насилни и заканувачки пораки, како и оние во кои ја навредуваат за изгледот, однесувањето и личноста.
Аполонија додала дека ја нарекувале „дебела“, „неморална“, „сериска љубовница“, како и дека ѝ велеле дека болно сака внимание.
Оваа Британка сега одлучила конечно отворено да проговори за насилството на Интренет и да ги предупреди другите на последиците кои тоа може да ги донесе со себе.
„Лудо е колку безобразни пораки добива. Мислев дека тоа ќе престане кога ќе пораснам, но не ми испраќаат само тинејџерите такви пораки, туку и возрасни мажи. Да некому му испраќам такви пораки не би можела да спијам и би се чувствувала лошо, не сфаќам што ги тера така да коментираат“, рекла таа.
Инаку, оваа блогерка раскажала дека со години била жртва на врсничко насилство, што дошло до таа мера што нејзината куќа ја мавале со камења и јајца и ѝ оставале закани со смрт во поштенско сандаче.
Денес на Инстаграм ја следат над 100.000 луѓе.