Уште еден починат 58-годишен маж од последици по експлозијата

Три деца на возраст од осум, девет и единаесет години и 58-годишен маж починаа вчера во експлозија на плинска боца во кумановското село Романовце.

Повредени беа седум лица, кои се здобија со висок степен на изгореници, а меѓу нив и 58-годишниот маж кој подоцна им подлегна на повредите. Синоќа на Единицата за интензивно лекување на Клиниката за неврохирургија во Скопје почина мажот, кој беше во критична состојба откако настрада во експлозијата. 

Пациентите првично беа хоспитализирани во Кумановската болница, но оттаму беа препратени на лекување во Скопје. Директорот на ЈЗУ Универзитетска клиника за трауматологија, ортопедски болести, анестезија, реанимација и интензивно лекување и ургентен центар – ТОАРИЛУЦ  д-р Илир Хасани за МИА изјави дека во крајно тешка состојба се и две жени, на возраст од околу 30 и 50 години. Во критична состојба, пак, е еден повозрасен маж.

Во критична животна состојба се и четириесетгодишната жена и десетгодишното дете кои во моментов се на лекување во ЈЗУ Универзитетска клиника по хируршки болести „Св.Наум Охридски“ – Скопје, каде е примена и бремена жена на возраст од околу 20 години, изјави за МИА директорот на ЈЗУ Универзитетска клиника по хируршки болести „Св.Наум Охридски“ – Скопје и дежурен хирург Љубен Арсенков.

Гинеколог ја прегледал пациентката, која е бремена во седми месец, и констатирал дека плодот е добар. Според првичната проценка, кај жената имало опеченост од 20-30 отсто и била примена во единицата за интензивно лекување.

Министерот за здравство Венко Филипче вчера попладне беше во посета на повредените пациенти хоспитализирани на КАРИЛ. Филипче информираше за нивната состојба и нагласи дека се преземаат сите мерки за интензивно лекување и оти внимателно ќе се следи нивната состојба.

Според првичните податоци на СВР Куманово, несреќата се случила по експлозија на плинска боца во семеен дом на Ш.А. При експлозијата на боцата настанал пожар во кој три деца на возраст од осум, девет и 11 години загинале на местото на настанот.  Пожарот бил изгаснат од Противпожарната единица од Куманово. За случајот е известен јавен обвинител и увидна екипа од СВР Куманово, кои се упатиле на местотот на настанот со цел утврдување на причините кои довеле до несреќата.

Заменик-министерот за внатрешни работи Агим Нухиу вчера го посети селото, се сретна со мештаните и изрази сочуство.

– Заедно со заменик-директорот на Бирото за јавна безбедност и со заменик-началникот на СВР Куманово да изразиме сочуство до семејството Алими. Ова е навистина голема трагедија. За жал е констатирано дека три деца се починати на 10, 12 години, седум лица се пренесени во Клиничкиот центар во Скопје, рече заменик-министерот Нухиу. Додаде дека се очекува конечниот извештај од Јавното обвинителство.

Жителите на Романовце не паметат ваква трагедија со голем број жртви и повредени од едно семејство. Претседателот на месната заедница Таџедин Есапи жали за трагедијата што се случи во нивното село во кое починаа три деца.

– Сите сме во жалост. Ваква трагедија немало во селото. Ми се јави кумановскиот градоначалник кој изрази сочуство и изрази подготвеност да му се помогне на семејството, вели Есапи.

Сочувство до семејството на загинатите вчера преку фејсбук изразија претседателот Стево Пендаровски, премиерот Оливер Спасовски и претседателот на СДСМ Зоран Заев. Сите потенцираа дека се работи за ненадоместлива загуба, за загуба на детски животи и посакаа брзо закрепнување на повредените.

18-годишен тетовец украл автомобил, па направил сообраќајка

Полицијата поднесе кривична пријава против Л.А.Т. (18) од Тетово поради  „тешка кражба“ во обид, „одземање на моторно возило“ и „кражба“.

На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.

На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.

Им дал 800 евра а за возврат му ветиле дијаманти, измамен кумановец во Скопје

На 26.03.2024 во 14.30 часот во СВР Куманово, 73 - годишен маж од Куманово пријавил дека на плоштадот „Македонија“ во Скопје бил измамен од две лица за сума од 800 евра.

Според пријавеното, лицата му кажале дека направиле сообраќајна незгода и дека им требаат парите за да одат на лекар и за возврат ќе му дадат дијаманти, а откако ќе завршат ќе се вратат и ќе му ги дадат парите. Како што е пријавено, тој им ги дал парите, а тие му дале накит за кој подоцна утврдил дека е бижутерија. Исто така, според пријавеното, лицата не се вратиле, по што сфатил дека е измамен, соопшти МВР.

Се преземаат мерки за расчистување на случајот.

Ужасната болест го згасна младиот живот на големиот талент

Омилениот актер на многумина, а сигурно еден од најталентираните Маринко Маџгаљ, на денешен ден пред осум години ја загуби битката со ужасната болест – ракот на панкреасот.

Маринко Маџгаљ, вечното момче, како што го нарекуваа, ќе остане запаметен по бројните величествени улоги.

Маџгаљ имаше само 37 години кога дознал за болеста, но за жал, веќе било доцна.

Лекарите му рекле дека му остануваат само уште три месеци живот, кои според пријателите и семејството ги живеел најдобро што можел. Снимаше серија во Црна Гора, отиде на хемотерапија и 20 дена пред смртта се крсти во манастирот Острог, иако поради својата слабост едвај издржа, што го криеше од многумина.

Маринко до последниот ден веруваше во опоравување и победа, што го докажа со објава на Фејсбук:

-Пријатели, пристигнаа многу пораки! Сите сте толку слатки, љубезни и полни со убави зборови и желби! Ви благодарам за секој напишан збор, ви благодариме за сите лекови што ги препорачувате, ви благодараме за желбите за брзо закрепнување! Ќе се обидам што поскоро да танцувам на сцената, да застанам пред филмската и ТВ камерата и повторно да бидам со сите вас. И пеам! Вашиот Маки ве сака сите!

За жал, тоа не се случи. Маринко беше погребан на 29-ти март на гробиштата Ново Бежание.

Популарно