Одлета стиропорот од фасадата на МЕПСО, дел од проектот Скопје 2014

Во вчерашното невреме одлетаа делови од покривот и фасадата од зградата на МЕПСО, во центарот на Скопје. Парчиња од стиропор и гипс се паднати и расфрлани околу зградата и врз службените возила.

„Освен што е криминален, кичерајски, болноумен и слично, проектот ‘Скопје 2014’ е и небезбеден за животите на луѓето“, кажа Шилегов, кој претходно најави дека по изборите ќе ги „реши“ спомениците од проектот.

Менувањето на фасадата на МЕПСО во неокласицистички стил чинеше 11 милиони евра.

Од Хидрометеоролошкиот завод велат дека ветерот синоќа бил со јачина од 70 километри на час.

Вкупната бројка на дијагностицирани изнесува 329 лица, на клиниката за инфективни болести и фебрилни состојби починаа 2 лица

 Министерството за здравство информира дека на Клиниката за инфективни болести и фебрилни состојби од Ковид-19 починаа двајца мажи, едниот на возраст од 45 години од Куманово, другиот на возраст од 78 години од Дебар.

Починатиот од Куманово имал дијабет, атријална фибрилација, хипертензија и обезност, додека починатиот од Дебар имал ХОБ (Хронично обструктивен бронхит) и хипертензија и примал терапија за двете хронични заболувања.

Во изминатите 24 часа направени се 392 тестирања, а потврдени 44 нови случаи на коронавирус во земјата.  По градови: Куманово- 23, Скопје – 11, Тетово – 4, Битола- 3, Струга – 2 и Прилеп – 1.

Со ова вкупната бројка на дијагностицирани пациенти со КОВИД-19 денеска изнесува 329 лице. Според местото на живеење, досега случаи на КОВИД-19 се регистрирани во:

•             Скопје- 175

•             Дебар – 47

•             Куманово – 47

•             Штип- 14

•             Тетово – 10

•             Прилеп – 10

•             Струга – 7 

•             Велес – 6

•             Битола – 4

•             Охрид – 3

•             Кавадарци – 2

•             Гостивар – 1

•             Крива Паланка – 1

•             Струмица – 1

•             Гевгелија – 1

Од 392 направени тестови во изминатото дено-ноќие: 262 се направени преку ИЈЗ, 26 преку Ветеринарен факултет, 24 преку лабораторијата Биотек и 80 преку Болницата „Филип Втори“ (Жан Митрев). До сега се направени вкупно 3.518 тестови на КОВИД-19.

Два нови смртни случаја од коронавирусот во земјава

Во последните 24 часа во земјава се регистрирани уште два смртни случаја од коронавирусот, неофицијално дознава „Алсат“.

Со тоа вкупниот број на починати од коронавирусот до денес се искачи на 9.

Спасовски: Минималните плати за април и мај ќе ги даде државата

Вториот сет на мерки што Владата ги усвои на денешната седница предвидуваат 17 мерки што се насочени главно кон малите и средни претпријатија.

Платите на вработените во приватниот сектор за април и мај ќе бидат покриени од државата во износ од 14.500 денари. Истата плата ќе ја добијат сите државни функционери.

Овие економски мерки мерки се донесени по широка консултација и суштинска дебата со членовите на Економскиот совет и деловната заедница, стопанските комори, угледни и успешни стопанственици, рече Спасовски.

Првата мерка подразбира финансиска поддршка за правните субјекти од приватниот сектор погодени од исплатата на плати на работниците за април и мај. Субвенцијата е 14.500 денари по работник. Ова е дел од владината програма за поддршка на работодавците, кои овие плати ќе ја исплатат преку месечната пресметка. Условите за исполнување на правото за користење на оваа мерка е компанијата да не исплаќа дивиденди и менаџерски бонуси, а ова нема да важи за оние што декември, јануари и февруари примиле плата повисока од 39.900 денари. Компанијата треба да го задржи истиот број на вработени до септември 2020. Оваа мерка ги опфаќа и медиумските правни субјекти.

Мерките важат и за занаетчиите, за кои ќе биде донесена дополнителна уредба, рече Спасовски. Мерките подразбираат и помош на спортистите од по 14.500 за април и мај, како и за 141 самостоен уметник.

Сите избрани и менувани функционери во овој период ќе добиваат минимална плата од 14.500 денари. Претседателите на советите, на надзорните и управните одбори од извршната и локалната власт, членови на комисии нема да земаат надоместок додека трае кризата.

Развојната банка ќе додели дополнителни бескаматни кредити од нови 8 милиони евра за микро, мали и средни претпријатија. Максималниот износ на кредит нема да биде поголем од 90.000 евра, а мининалниот износ не помал од 3.000 евра. Рок на отплатата е до 3 години и грејс период од 12 месеци. Нови 50 милиони евра од Развојната банка ќе бидат пласирани преку комерцијалните банки како кредити за мали и средни претпријатија, свеж капитал за нови проекти, нови вработувања, извоз, нови вработувања...

Популарно