Taa не го симнува од својата рака

Во изминатите неколку месеци многупати ја видовме фотографијата кога поранешните сопружници се поздравија на доделувањето на “SAG” наградите во јануари, сите останаа воодушевени од нивната блискост и насмевки, но го пропуштија можеби најважниот детал...

Како што пишува британскиот “Mirror”, Џенифер Анистон понекогаш го носи вереничкиот прстен со кој Бред Пит ја запросил во сега веќе дамнешната 1999 година. Станува збор за парче накит кое чини околу 500.000 долари, а истото се состои од крупен дијамант опкружен со помали дијаманти, распоредени во спирала.

Тоа, меѓутоа не е најинтересното – не само што Џен го задржала прстенот по разводот и сега го носи одвреме-навреме туку наводно го носела и кога таа и Бред се сретнаа оваа година за првпат во јавност и пред камерите откако се разделија!

Поталот “The Cheat Sheet” напишал дека фановите со остро око забележале дека Џенифер на фотографијата на која се поздравува со Бред, на раката носи прстен кој неверојатно потсетува на оној со кој актерот ја запросил пред повеќе од 20 години.

Актерката не ги коментирала овие наводи, како што и обично останува нема на трачевите за Бред и неа, но сите се прашуваат дали со тоа сакала да му испрати некаква порака на поранешниот сопруг или едноставно не одолеала на убавината на прстенот.

Секако, постојат и фанови кои сметаат дека Џенифер носела друг прстен кој потсетува на вереничкиот кој го добила од Пит.

Инаку, Бред Пит имал голема улога во дизајнирање на прстенот со оглед на тоа што соработувал со дизајнерката Силвија Дамијани при неговата изработка, а наводно прстенот е инспириран од пар обетки кои во една прилика ги носела Џенифер.

Години подоцна, Бред ја тужел споменатата дизајнерка бидејќи имал договор со неа прстенот да остане уникат, но таа изработувала реплики на барање на клиентите.

На Хари Стајлс му испратила 8.000 писма, но тоа не е сè: Опседната обожавателка заврши во затвор

Бразилката Мира Карваљо (35) е толку опседната со британскиот пејач, Хари Стајлс (поранешен член на групата „One Direction“) што го оставила партнерот дома и го пропатувала целиот пат до Лондон.

-Но, тоа не е сè. Мира му испраќала на Хари писма, свадбени честитки, а бидејќи за само еден месец испратила дури повеќе од 8.000 писма, Бразилката завршила во затвор, пишува „The Sun“.

Таа е осудена на 14 недели затвор и се изјаснила за виновна за следење.

-Хари беше навистина потресен. Тој само сака да продолжи нормално, но секако дека е загрижувачки за него, неговото семејство и неговиот тим, изјави извор близок до Стајлс.

Таа доби забрана да се приближува до Стајлс дури 10 години и да присуствува на кој било настан, односно концерт, каде што е тој.

Да потсетиме, фановите на споменатата група некогаш беа познати по претерувањето кое се граничело со демнење, па еднаш ги хакираа и безбедносните камери на лондонскиот аеродром за да ги видат своите идоли.

Еден од најпосакуваните ергени во Холивуд ќе стане татко

Можеби еден од најпосакуваните ергени во Холивуд, Хенри Кавил откри дека го чека своето прво дете со неговата девојка Натали Вискузо.

Глумецот ја потврди среќната вест за „Аксес Холивуд“ (Access Hollywood) на премиерата на својот нов филм „Министерството за неџентлменско војување“ (The Ministry of Ungentlemanly Warfare).

– И јас и Натали сме многу, многу возбудени за тоа, изјави Кавил (40).

Кавил и Вискузо се во врска речиси три години. Во јавноста, првпат се појавија на црвениот тепих на премиерата на „Енола Холмс 2“ во 2022 година. Натали работи како директорка на холивудската телевизија

Видео: Хју Хефнер е погребан до Мерлин Монро- причината е бизарна

Многу фанови деновиве се сеќаваат на поранешниот шеф на Плејбој, а една од најбизарните работи што ги правел во животот се однесувала на Мерлин Монро. Имено, неговата желба била да биде погребан покрај познатата актерка.

Хефнер почина во септември 2017 година, а неговите посмртни останки се наоѓаат во криптата на гробиштата на Меморијалниот парк на селото Пирс Брадерс Вествуд во Лос Анџелес - веднаш до Монро. Тој платил 75.000 долари во 1992 година за да биде погребан покрај холивудската ѕвезда, иако парот никогаш не се запознал. Хефнер тврдеше дека таа е најзаслужна за успехот на Плејбој, а тие биле на иста возраст, поради што чувствувал „двојна врска“ со неа.

Хефнер одлучил години пред смртта да биде погребан до неа. „Верувам во симболични работи. Да се ​​помине вечноста покрај Мерилин е премногу слатко за да се избегне“, изјавил тој за Лос Анџелес Тајмс во 2009 година. Хефнер ја направи Монро икона на Плејбој откако тој купи неколку нејзини голи фотографии кои таа се согласила да ги направи кога немала пари.

Кога потврдил дека платил 75.000 долари за да биде погребан до актерката, феминистките истакнале дека Хефнер ги објавил нејзините разголени фотографии без нејзина согласност и не ѝ платил ни пара. Всушност, кога се согласила да се фотографира во 1949 година, за нив ѝ платиле само 50 долари, а потоа побарала од фотографот да се обиде да ги замагли за да не биде препознатлива.

Хефнер подоцна платил 500 долари и ги објавил на централно место во првото списание Плејбој. Во 2011 година, Хефнер му рекол на Пирс Морган: „Таа всушност беше во класата по глума на брат ми во Њујорк. Но, реалноста е дека никогаш не ја запознав. Еднаш разговарав со неа на телефон, но никогаш не ја сретнав. Таа замина, за жал , пред да дојдам овде“, призна тој.

Популарно