ФОТО: Внимавајте како возите - од овде се снима секое ваше движење!!!

Скопје

на 12.2014

Градоначалникот на Град Скопје, Коце Трајановски, претседателот на Владата на Република Македонија, Никола Груевски, министерката за внатрешни работи Гордана Јанкуловска, претседателот на Советот на Град Скопје, Ирена Мишева и директорот на ЈП „Улици и патишта“, Синиша Ивановски, денеска и официјално го пуштија во пробна работа новоопремениот Центар за управување и контрола на сообраќајот, којшто е лоциран во просториите на Меѓуградската автобуска станица. Со Центарот се веќе поврзани 30 крстосници во градот од коишто може да се врши прибирање на податоци за сообраќајот во реално време, 24 часа седум дена во неделата, може да се управува семафорскиот систем, односно семафорите може да се исклучат или да се префрлат да работат на жолто трепкаво светло, може да се следи работата на светлосните сигнали во реално време и може визуелно да се набљудува сообраќајот.

Формирањето на овој центар е дел од проектот за Автоматизирано управување на сообраќајот во Скопје кој почна да се реализира на почетокот на оваа година и е финансиран со заем од Европската банка за обнова и развој во износ од 2,6 милиони евра, грант од ЕУ ФП7 програмата за истражување и развој, во рамки на проектот ЦИВИТАС РЕНЕСАНСА (CIVITAS RENAISSANCE), во износ од околу 220.000 евра, како и со техничка помош од Австриската влада во вредност од околу 700.000 евра.

- Главните функции на Центарот за управување и контрола на сообраќајот ќе бидат прибирање на податоци за сообраќајот во реално време, управување со семафорскиот систем, визуелно набљудување на сообраќајот, давање приоритет на возилата од јавниот градски превоз и информирање на возачите. За таа цел на околу 90 крстосници во коловозот се инсталираат детектори кои ќе бројат и детектираат возила, се поставуваат 50 камери преку кои ќе се врши визуелен мониторинг на сообраќајните токови и се инсталираат 47 нови семафорски контролери. За меѓусебно поврзување на крстосниците, како и нивно поврзување со Центарот за управување и контрола на сообраќајот е предвидена оптичка мрежа која треба да овозможи пренос на податоците до Центарот за управување и контрола на сообраќајот и обратно. Со овој проект е предвидено и да се постават 5 сообраќајни знаци со променлива содржина кои ќе ги информираат возачите за состојбата со сообраќајот во реално време. Со формирањето на овој Центар, на крстосниците ќе се воведе адаптивна контрола на сообраќајот. Тоа значи дека во иднина семафорите на овие крстосници ќе работат во зависност од сообраќајното оптоварување, односно зеленото светло нема да биде фиксно како што е денес, туку ќе биде променливо во зависност од бројот на возила кои поминале преку детекторите инсталирани во коловозот – рече градоначалникот Трајановски.

Тој нагласи дека со реализацијата на овој проект ќе се намали времето на патување и времето на чекање за поминување на крстосниците, ќе се намали загадувањето од сообраќајот на животната средина и потрошувачката на гориво, а ќе се зголеми комерцијалната брзина во јавниот транспорт.

Изведувач на работите е СВАРКО СИСТЕМС (SWARCO SYSTEMS) од Германија, додека софтверот за адаптивна контрола и управување на сообраќајот е набавен од МИЗАР Аутомационе (MIZAR Automazione S.p.A) од Италија.

Скопје меѓу десетте најзагадените градови во светот

Скопје

пред 4 дена

Скопје утрово се најде меѓу првите десет најзагадени градови во светот. Според листата на IQAir воздухот е опасен за дишење, а индексот на загаденост е 153.

На листата на IQAir , Скопје е рангиран како шестти најзагаден град во светот по Лахор во Пакистан, Њу Делхи во Индија, Багдад во Ирак, Техеран во Иран и Ташкент во Узбекистан.

Министерот за животна средина Изет Меџити пред неколку дена изјави дека загадувањето е комплексно прашање кое не може да се реши со една мерка, туку со повеќе мерки. - Со комплексот на мерки кои ги преземаме полека но сигурно ќе влијаеме да има почист воздух и почиста животна средина, порача Меџити.

Како позитивен пример го оцени последниот проект на Владата за доделување средства на општините за реализација на капитални проекти, зашто, како што рече, 40 отсто од нив се за еколошки проекти и за подземна инфраструктура со што индиректно помагаат за почист воздух.

-Работиме интензивно на намалување на загадувањето кое е проблем. Точно е дека долго време Скопје и некои други градови во Македонија се високо загадени особено урбаните средини, но точно е и дека во последните години се намалуваат деновите во кои воздухот е најзагаден. Има и други мерки од Министерството и од Владата. Деновиве во функција ќе бидат ставени и средствата од ЕИБ во износ од 50 милиони евра за подземна инфраструктура во сите општини кои досега не беа искористени, рече Меџити при посетата на депонијата Дрисла во Скопје.

Според анализите во повеќе градови, како што истакна, главниот фактор за загадувањето на животната средни се домаќинствата кои се греат со огревни дрва или со несоодветни горива.

Готови резултатите од тестирањата на вработените во Зоолошка - познато дали има заразени со птичји грип

Скопје

пред 3 недели

Направени се епидемиолошки анкети на сите 16 лица кои се доставени од список на ЗОО, соопшти ИЈЗ.

„На ден 21.10 согласно протоколите, направено е тестирање за птичји грип во Одделение за вирусологија во ИЈЗ референтна лабараторија, која е меѓународно акредитирана за дијагностика на инфлуенца грип од хумано и анимално потекло, на лице кое во епидемиолошката анкета има наведено дека 1 ден имало симптоми на покачена телесна температура.

Воедно е тестирано на ист начин и второ лице вработено во ЗОО кое не е на доставениот список од 16 луѓе вработени во ЗОО, но на ден 21.10 се пријавило во ИЈЗ со тековни симптоми“, стои во соопштението од ИЈЗ.

ИЈЗ извести дека по добиените резултати од спроведените тестирања, двете лица се негативни за птичји грип.

Посебен режим на сообраќај во Скопје поради снимање на филм

Скопје

пред еден месец

Денеска од 6 до 18 часот ќе биде затворен мостот Беласица каде ќе се снима филм и Единицата за безбедност на патниот сообраќај во Скопје ќе преземе мерки за посебен режим на сообраќај.

Како што информираат од МВР, сообраќајот на улицата „Беласица“ (мост Беласица) периодично ќе се затвора на потегот од крстосница со улицата „Ѓуро Ѓоновиќ“ до крстосница со булеварот „Гоце Делчев“ во Скопје и ќе се пренасочува по околните сообраќајници.