Од што умре мајмунот Дино во Зоолошката во Скопје?

Зоолошка градина – Скопје попладнево се јави со демант на обвинувањата од Здружението за заштита на животните „Анима мунди“, дека младиот мајмун Дино, роден во март 2015 година, умрел од сепса и со тешки повреди предизвикани од вработен, кои не биле санирани. Од Зоолошката ги отфрлија обвинувањата, тврдејќи дека повредите на Дино му биле нанесени во тепачка со друг мајмун, која се случила на 18 декември, а веднаш потоа бил однесен на Факултетот за ветеринарна медицина Скопје, но не ја преживеал операцијата.

„На 18 декември, при меѓусебен конфликт на два мајмуни од видот павијан, едниот од павијаните, познат во јавноста како Дино, како резултат на конфликтот доби тешка повреда на предната нога. Веднаш беше однесен на Факултетот за ветеринарна медицина, при што беше извршена ветеринарна интервенција за санирање на повредата. За наша и Ваша жал, павијанот Дино не ја преживеа операцијата“, велат од Зоолошката, во реакцијата на обвинувањата од „Анима мунди“.

Здружението за заштита на животните претходно праша дали повредите биле предизвикани од вработен во Зоолошката и обвини дека на Дино не му била пружена ветеринарна грижа, а вработените биле залажувани и притиснати да молчат.

„Дали е вистина дека умрело по една недела страдање од физичка повреда (отворена рана и скршена нога), која била предизвикана од вработен, а која никако немало да биде фатална доколку на мајмунчето му се укажала соодветна ветеринарна помош. Имено, нè информираат дека по цела недела агонија и болка, мајмунчето умрело од сепса, а вработените биле залажувани и притиснати да молчат“, стои во соопштението на „Анима мунди“ што беше објавено претходно.

Скопје ќе добие парк со праисторски животни - почнува изградбата на „Дино парк“

Во скопската Зоолошка градина вчера почна да се гради првиот Дино парк - тематски парк со забавно-едукативен карактер кој ќе овозможи забава и едукација за посетителите од сите возрасти кои сакаат да дознаат нешто повеќе за праисториските животни. Дино паркот ќе се простира на површина од околу 2.000 квадратни метри, а во него ќе се постават 41 фигура од различните видови праисториски животни кои ќе бидат во природна големина и со синхронизирани движења, проследени со звуци. 

Ова ќе биде првиот Дино парк на Балканот во кој ќе има толкав број фигури од праисториски животни, како и едукативни содржини за секој од различните видови животни. Токму поради тоа, очекуваме овој парк да прерасне во туристичка атракција која ќе ја збогати туристичката понуда во Скопје. За изградбата на овој парк предвидени се околу 20 милиони денари распоредени во 2 буџетски години. Веќе во првата половина од следната година планираме паркот да биде завршен и отворен за посетителите. Како што ветивме, Скопје чекор по чекор го менува својот лик во секоја смисла на зборот. Ќе продолжиме и понатаму да го збогатуваме градот со секаков вид содржини кои во минатото му недостигаа, пред се со содржини за најмладите, но и со содржини кои ќе го подигнат квалитетот на туристичката понуда што секако ќе даде позитивни ефекти и во економијата – рече денеска градоначалникот Шилегов, на презентацијата на проектот за новиот Дино парк.

Според проектот, предвидено е Дино паркот да има два влеза, еден влез од внатрешноста на Зоолошката градина и уште еден од страната на Градскиот парк. Во паркот ќе бидат распоредени сите придружни елементи - патеки, зеленило, билетарница, тераса и дел за одмор. Патеките ќе бидат изградени од обработен камен, а постојното зеленило ќе се надополни со ново.

Шилегов: Од догодина за да фрлите ѓубре во контејнер во Скопје ќе треба да имате картичка

Една од новините што ја подготвува Петре Шилегов, градоначаникот на Град Скопје за следната година е станарите да можат да ги отвораат контејнерите пред својата зграда со картички за никој друг да не може да им ги узурпира.

Оваа идеја Шилегов ја претстави како гостин во телевизиската емисија „Топ Тема“ и додаде дека контејнерот нема да се отвора доколку не се покаже картичката. 

Според Шилегов, станува збор за смарт-контејнери кои ќе им сигнализираат на комуналните служби дека се полни и дека треба да бидат наскоро испразнети.

ВИДЕО: Адем и Бајруша живеат под мост во Аеродром, ги издржува синот кој продава пластични шишиња

Животот за еден е мајка, за друг макеа. За Адем и Бајруша за жал животот е макеа. Покрај судбината, со нив се поигруваат и институциите. Адем четири месеци добивал социјална помош, но му ја укинале бидејќи, како што раскажува тој, требало двајцата со Бајруша секој месец да се пријавуваат во Завод за вработување, што за Бајруша е проблем поради нејзината болест.

Под мостот „Близнак“ во Аеродром веќе два месеца живеат Адем и Бајруша со нивниот 30 годишен син. Тука се откако газдите на куќата во која престојувале под кирија, ги избркале, иако редовно ги подмирувале сметките. Единствен кој се спасил од животот под мост е најмалиот син, кој се оженил со ќерката на сопственикот на куќата.

Бајруша токму под овој мост доживеала мозочен удар, по што има потешкотии во говорот. За неа се грижи Адем, кој исто така е болен, од астма. Единствен кој е работоспособен во семејството е синот кој се занимава со собирање пластични шишиња, но би сакал да најде постојана работа. Образование нема, но е вреден и чесен, вели Адем.

Покрај судбината, со нив се поигруваат и институциите. Адем четири месеци добивал социјална помош, но му ја укинале бидејќи, како што раскажува тој, требало двајцата со Бајруша секој месец да се пријавуваат во Завод за вработување, што за Бајруша е проблем поради нејзината болест.


Популарно