(ВИДЕО) Импресивнo! Погледнете ја руската верзија на SMART - мал, компактен и исклучително евтин!

Креаторот Александар Малешев, дизајнирал модел на автомобил кој нуди оригинален 'одговор' на Smartоt - најмалиот градски автомобил. Земајќи ги во предвид фактот, дека најголемите градови во Русија стануваат се потесни во однос на паркингот, сосема логично дека вакво генијално решение доаѓа од таму.

ruski_smart

Името на овој модел е Mirrow Provocator.

Концептот на Mirrow Provocator е оригинален и многу практичен. Тој се карактеризира со четири врати, кои се подигаат, што го олеснува влезот во мал паркинг простор. На задниот дел, се наоѓа петта голема задната врата. Mirrow Provocateur е долг помалку од 3 метри, широк се скоро 2 метри, а висок повеќе од 2 метри. Задните врати имаат простор од 1,7 метри и висина од 60 сантиметри.

Овој "малечок" е 50 посто направен од рециклирана пластика. Внатрешноста е дизајнирана според модел на авион. Четирите одделни седишта се многу удобни а кокпитот е многу едноставен и со футуристички дизајн. Погонот му е мал три-цилиндричен бензински и дизел мотор, но и електро-верзијата е сосема реална со автономија од 400 километри.

На крајот, и она што е најинтересно, е дека првичната верзија на овој автомобил нема да биде поскапа од 3500 евра, што предизвикува неверување. Сепак, ако се земат во предвид глобалните промени во автомобилската индустрија, постои можност дека и автомобилските монополи ќе станат дел од минатото.

Британскиот премиер стриже овци, вози формула, продава колачи, игра фудбал...

Британскиот премиер Борис Џонсон изјавил дека ќе се бори за секој глас до парламентарните избори во четврток.

Неговата Конзервативна партија, според последните анкети, води пред лабористите, а за тоа така да остане се потруди и самиот Џонсон, кој правеше различни работи за да им се допадне на граѓаните.

Џонсон последните денови ги посети, рибарите, слаткарите, трговците, играше фудбал, возеше формула, стрижеше овци.

​ ​​ ​

Избрана новата премиерка на Финска, најмлада во светот

Сана Марин со 34 години ќе стане најмлад премиер на светот, предводејќи коалициска влада на Финска, во која ќе доминираат жени.

Досегашната министерка за транспорт беше избор на нејзината Социјалдемократска партија, откако премиерот Анти Рине поднесе оставка. Таа треба да ја преземе функцијата оваа недела.

Марин ќе биде на чело на коалиција на пет партии, сите предводени од жени.

Најмлад премиер на светот моментално има Украина, 35-годишниот Олексиј Гончарук, додека новозеланската премиерка Џесинда Ардерн има 39 години.

„Никогаш не сум размислувала за моите возраст и пол. Мене ми се поважни целите заради кои што влегов во политика и работите поради кои добивме доверба од гласачите’, изјави Марин.

Таа ќе биде трета жена на премиерската функција во историјата на Финска.

Ја нарече Грета луда и опасна

Водителот Џереми Кларксон ја нападна активистката Грета Тунберг. 

Познатиот водител ѝ порача на Грета Тунберг да „замолчи и да се врати во училиште“. Тој оваа 16-годишна девојка, која предупредува на климатските промени, ја нарече „луда и опасна“ за време на промоцијата на новата сезона на шоуто „Гранд тур“.

„Таа е луда и опасна, нејзиниот идиотизам доведува голем број деца до бесони ноќи. Мислам дека треба да замолчи и да се врати во училиште“, изјавил Кларксон.

Неколку дена претходно во интервју за „Индепендент“, Грета ја нарече „глупава идиотка“. Додаде дека нејзиниот говор во ОН, во кој рече дека ѝ ги украле соништата и детството, не нуди баш никакви решенија.

„Мислам дека е чудна Швеѓанка со тежок карактер. Ништо не се постигнува со пловидба преку океан на јахта, која троши гориво и лежи на моторот од бродот“, вели водителот. 

Рече дека чудната Швеѓанка, трчала наоколу и викала дека сите ќе умреме.

Веројатно нема човек што не го слушнал името на Грета Тунберг. 16-годишното девојче од Шведска стана симбол на протестите за заштита на планетата. Еко-активистката се повеќе е во фокусот на медиумите, а состаноци со неа имаа голем број светски лидери. 

Таа се радува доколку се бројат со милиони луѓето кои излегле на протести.

Протестите изминатите месеци започнаа на пацифичките острови, кои се најмногу изложени на ризик од зголемувањето на нивото на морето и  Австралија, каде што се одржаа масовни демонстрации низ целата земја, од поголемите градови како Мелбурн и Сиднеј до помалите градови како Алис Спрингс. Потоа протестите се проширија во Јапонија, Југоисточна Азија, Европа, Африка и Блискиот исток.

Во Русија постои девојче кое личи на неа и има слични ставови. 

Популарно