Ако пребарувате порно сајтови и видеа, а не сте одјавени од Фејсбук ве очекуваат непријатности

Технологија

на 3.2017

Еве зошто не би требало да бидете пријавени на вашиот Фејсбук налог додека во исто време посетувате сајтови кои нудат порно содржини.

Неодамна пишувавме за тоа дека Фејсбук ги следи своите корисници и нивните оналјн активности за да дознае што ги интересира и за да во следниот период токму тоа им го прикажува во вид на реклами. Претпоставувате, следи и какви порно филмови гледате.

Приватноста и историјата на пребарувањето на вашиот прегледувач не претставуваат никаков проблем за компанијата Фејсбук, особено кога е во прашање голема сума на пари. Фејсбук сака да „скрои“ реклами по вкусот на корисникот. За да тоа биде изводливо, оваа социјална мрежа ги следи онлајн активностите на корисниците. Фејсбук ги користи Like, Share и Login тестерите, како и Фејсбук виџетите за да дојде до овие информации.

На пример, ако подолго време пребарувате информации поврзани со картите за концертот на Колдплеј, Фејсбук ќе ги собере овие информации за да во најкраток можен рок може да ви понуди реклами и други информации во врска со спомнатиот бенд.

Ова веројатно не ги загрижува поголем број од корисниците. Меѓутоа, Like, Share, Login и Фејсбук виџетите исто така може да ги следат активностите на корисниците кои би требале да останат приватни. Ако сајтот кој нуди порно содржини реши да додаде Фејсбук Лајк виџети, Фејсбук ќе знае што гледате и може да очекувате дека во следниот период ќе ве „затрупа“ со реклами кои и не се баш примерни ниту посакувани.

Претставникот на компанијата Фејсбук изјавил :„Собираме информации кога корисниците ги посетуваат сајтовите на третите страни, како и информации од апликациите кои го користат нашиот сервиси“. Фејсбук Like и Share тастерите ги претстави во 2009 година. Програмерите можеле да ги користат на своите сајтови година дена потоа. Две години по претставување, Фејсбук објави дека 25 отсто од сите сајтови на интернетот ги користат Фејсбук тастерите на своите страни, пишува Neon Nettle.

Мета им се извини на корисниците: Работиме на тоа да се вратат апликациите во нормала

Технологија

пред 6 месеци

„Свесни сме дека технички проблем влијае на способноста на некои корисници да пристапат до нашите апликации. Работиме работите да се вратат во нормала што е можно поскоро и се извинуваме за непријатностите“, се вели во нивното соопштение.

Од попладнево има дефект на социјалните мрежи Фејсбук и Инстаграм.

Околу 19 часот корисниците почнаа да пријавуваат проблеми со социјалните мрежи на веб-страницата Down detector, која ги следи техничките проблеми со социјалните мрежи и веб-страниците ширум светот.

Видео: НАСА го лансираше „Клипер“ до Јупитеровата месечина Европа

Технологија

пред 8 месеци

Американската Национална воздухопловно-вселенска администрација – НАСА го лансираше вселенското летало „Европа Клипер“ до Јупитеровата месечина Европа, каде што, се верува, може да има услови за развој на вонземски живот во огромниот океан под ледената површина.

Со своите шест тони, најголемото летало што НАСА некогаш го изградила за меѓупланетарна мисија, „Европа Клипер“ ќе патува пет и пол години до Јупитер, каде што ќе влезе во орбитата на оваа огромна гасовита планета и ќе ѝ се доближи на нејзината ледена месечина. Вселенското летало полета ракета „Фалкон хеви“ на „Спејс-Икс“ од вселенскиот центар „Кенеди“ во Кејп Канаверал, Флорида, САД.

Тој вселенски лет е долг повеќе од три милијарди километри и ќе трае до 2030 година.

На пат кон Јупитер, доколку не се јават непредвидени проблеми, вселенското летало прво ќе мине и покрај Марс и ќе се врати во орбитата на Земјата пред „да се катапултира“ кон Јупитер.

Научниците се речиси сигурни дека има длабок замрзнат океан под ледената обвивка на Европа и укажуваат дека онаму каде што има вода, може да има и живот, што ја прави оваа месечина едно од посоодветните места за потрага по услови за живот. Сепак, како што соопшти НАСА, „Европа Клипер“ првично нема да бара облици на живот бидејќи нема детектори и инструменти за таков вид истражување.

Популарно