*Се гледа сонце на крајот од тунелот во ФФМ. Се радувам на оставката на Муамед Сејдини по која работите ќе тргнат на многу подобро.

*И претходно и сега велам дека Масар Омерагиќ е најдоброто решение, ја сум со него во екипата и подготвен да работам за доброто на фудбалот со сето мое срце и знаење.

*Многу работа е пред нас, да се почне од темел за доброто на сите – браво за фудбалерите и настапите во Лигата на нации, но младите селекции се голем проблем!

Промените во ФФМ беа очигледни, очекувани и најавени уште пред неколку месеци кога револтот од неколку фудбалски легенди се прели и во структурите на федерацијата каде 10 члена од УО на ФФМ побараа итен состанок со претседателот Муамед Седјдини. Таа седница се одржа на вчера и на истата Муамед Сејдини поднесе оставка на претседателската функција. Собранието за избор на негов наследник е закажано за 22 декември.

Уште пред неколку месеци Горан Пандев во интервју за СпортСпорт ги најави промените и јавно кажа дека е во тимот за промени во ФФМ со Масар Омерагиќ. Денеска најдобриот на сите времиња се огласи од Џенова.

„Се гледа сонце на крајот од тунелот во ФФМ… Вчерашниот ден беше убав… Победа над Фарските острови, прво место во групата и оставка на Муамед Сејдини. Верувајте ми дека работите ќе тргнат на подобро. ФФМ е институција на која и требаат професионалци и луѓе кои освен интересот на фудбалот немаат друг интерес како финансии и ред други работи…“, коментира Пандев од Џенова од каде го најави своето враќање во мак-фудбалот.

„И пред извесно време и сега повторувам и јавно кажувам дека Масар Омерагиќ е најдоброто решение за претседателската фунција на ФФМ. Масар ти честитам на упорноста и нервите кои ги имаше за да дојдеш до овој стадиум и да бидеш на чело на федерациојата каде требаше да бидеш и пред 12 години. Тука сум за мак-фудбалот, ќе бидам дел од новата гарнитура во ФФМ и на располагање го ставам сето мое знаење и контакти за доброто на сите. Не чека многу работа, темелни промени и комплетна реорганизација во младинскиот фудбал. Треба трпение но ако се имаат вистинските луѓе и проекти резултатите ќе дојдат. Ни треба јака стратегија, проект по кој ќе бидеме препознатливи а не по фудбал кој кај нас е ист 30 години и фудбал во кој имаме периодични а не константни резултати“.

Горан Пандев го најави своето доаѓање во Македонија деновиве и на самото собрание на ФФМ на 22 декември а воедно им честита на на фудбалерите за успехот во Лигата на нации:

“Ќе бидам во Скопје деновиве, ќе се видам со идниот претседател на ФФМ и сакам да бидам на Собранието на 22 декември. Воедно им честитам на сениорите за успехот во Лигата на нации, но тој успех треба да се надогради и потврди во квалификациите з СП кои се играат од март. Максимална поддршка затоа што успехот и неуспехот на репрезентацијата е на сите кои сме биле дел од истата и навиваме за неа.  Како не треба да се работи е она што се случува во младите селекции а посебно во репрезентацијата до 21 година. Ни треба иднина, план за развој и професионални тренери но и инфраструктура. Со чесна работа сето тоа ќе се обезбеди… Се гледаме за брзо во ФФМ“, најави Горан Пандев ден по оставката на Муамед Сејдини.

Покрај Горан Пандев во блискиот тим на Масар Омерагиќ од легендарните фудбалери е и Агим Ибраими. Во ФФМ ќе има место за многу познати играчи од минатото и сегашноста. Промените се случуваат!

По 17 дена борба, во КЦ „Војводина“ почина 23-годишната Ања Радоњиќ од Параќин.

Ања е извлечена од урнатините по падот на нереконструираниот дел од настрешницата во Нови Сад.

Имала внатрешно крварење, раката и била ампутирана и била приклучена на дијализа. Семејството и нејзиното момче деноноќно биле во болница и се молеле за нејзино оздравување, пренесува српски Информер.

Нејзиното момче беше сведок на овој трагичен настан. Имено, двајцата разговарале на телефон додека таа излегувала од станицата во Нови Сад, а потоа на само неколку метри од него се случила трагедија.

– На сите им е тешко, а тој, како што рече, бил на неколку метри од неа. Ја чекаше да излезе од железничката станица. Во моментот кога се случила несреќата, кога паднала настрешницата, двајцата разговарале на телефон… Тој гледал се, секој момент, изјави роднина на Ања.

Ања била студентка на Филолошкиот факултет во Белград, студирала кинески.

Семејството и пријателите се збогуваат со неа на социјалните мрежи.

Информацијата дека Ања Радоњиќ починала ја потврди в.д директор на Клиничкиот центар „Војводина“, Весна Туркулов.

– Се работи за пациент со најтешки повреди. Петнаесеттата жртва во несреќата што се случи во Нови Сад на 1 ноември. И покрај борбата и напорите на лекарите, дојде до смртен исход. Во името на сите вработени во КЦВ сакам уште еднаш да изразам најдлабоко сочувство до семејството и благодарност до лекарите кои дадоа се од себе, рече Туркулов.

Товарен воз вчеравечер во 21:37 часот излета од шините помеѓу железничките станици „Кадина Река“ и „Зелениково“, информираа од Центарот за управување со кризи.

Сообраќајот е во целосен прекин во тој дел.

Според информациите, нема повредени лица, а на терен се екипи од Македонски железници.