Вилма Русковска-нареди претреси кај тројца од осомничените од случајот „Рекет“

Обвинителката Вилма Русковска  изјави дека вечерва се вршат претреси кај тројца од осомничените од истрага која се објави денеска, а произлезе од случајот „Рекет“.

Обвинителката наведе дека и за пратеничката Фросина Ременски се предложени мерки за претпазливост.

Вечерва на распит беше Јасна Мандиќ на која и беше определен куќен притвор, а останатите осомничени на распит ќе бидат повикани утре.

Почина Кобра кој лани беше претепан како одмазда за Зијадин Села

Стојан Павлески-Кобра човекот кој минатата година беше претепан од страна на лица блиски до лидерот на „Алијанса за Албанците“ Зијадин Села, почина вчера.

Нема повеќе информации за причината за смртта.

Кобра беше учесник во настаните до 27 април 2017 година беше суден за напад врз Зијадин Села.

Неговата сестра, Вера Митевска, лани го повика министерот Венко Филипче да се засрами од постапките на неговото Министерство и докторите кои го игнорирале Павлески, кој имаше отворени рани на главата. Таа директно ги обвини Филипче и лекарите кои го лекуваа дека не водат сметка за здравјето на нејзиниот брат.

Американка ги убила своите три деца: Ги задушив додека им пеев

Таа признала на полицијата дека ги задушила своите деца – две девојчиња, стари 7 месеци и една година и тригодишно момче, почнувајќи од постарата ќерка.

Полицијата вчера ја уапсила Рејчел Хенри (22) заради сомневање дека во својот дом во Феникс, Аризона, таа ги убила своите три мали деца, едно по едно, а потоа нивните тела ги поставила на троседот за да изгледаат како да спијат.

Хенри ја признала вината и сега се наоѓа во затвор. Таткото на децата и една роднина се исто така приведени на испитување, пишува Ројтерс.

Полицијата прво изјавила дека причината за смртта на децата дополнително треба да се утврди, бидејќи на нивните тела немало очигледни знаци од траума. Но, Хенри подоцна признала на полицијата дека ги задушила своите деца – две девојчиња, стари 7 месеци и една година и тригодишно момче, почнувајќи од постарата ќерка.

Таа рекла дека им ја ставила раката на носот и устата се додека не престанале да дишат. Рекла дека тригодишниот син гледал како ја задушува неговата сестра, притоа викајќи да престане, удирајќи ја „без успех“.

Потоа го задавила момчето на подот од собата додека му пеела песна. Најмалата ќерка прво ја наранила, а потоа ја задушила, исто така притоа пеејќи.

Потоа, Хенри децата ги поставила „на троседот во дневната соба како да спијат“, а ниту на еден од другите две постари личности кои живееле во куќата не им рекла што се случило. Кога таткото и роднината дознале што се случило, веднаш повикале полиција.

Засега не е познат точниот мотив за ова страшно убиство, но извори велат дека Хенри „била зависна од метамфетамин и дека последните неколку дена чудно се однесувала“.

ФОТО: Ова е убавата воспитувачка која полицаецот од Стара Пазова ја разнесе во автомобил со рачна бомба

Павле (31) од Стара Пазова, Србија најверојатно поради нерачистени љубовни сметки со Марина (28), активирал рачна бомба во автомобил и заедно со себе ја одвел и неа во смрт.

Што точно се случило пред да ја активира бомбата знаат само тие двајца, а таа тајна со себе ќе ја однесат во гроб.

Марина работела како воспитувачка во гардинка во која оделе и децата на Павле, па се претпосртавува и дека тука се запознале. Според зборовите на своите блиски, Марина изненада го напуштил работното место и заминала да работи во родното место.

Неофицијално во Нова Пазова најпрвин се вработила во локалната градинка, во која работела 4 месеци, а потоа во другар градинка близу нејзината куќа каде работела кобното утро.

Според нејзините најблиски таа го напуштила работното место за да не го гледа веќе Павле кој често ги ноосел децата во градинка.

Наводно Марина го оставила своето долгогодишно ммче поради Павле, но тој не сакал да се разведе од сопругата, па затоа таа решила да го прекине контактот со него и да се врати на старата љубов за да може да си основа свое семејство. Сепак пријателите на Марина негираат дека таа го терала Павле да се разведе.

Колегите на Павле, кој бил полицаец се затечени од ваквата вест, посебно зошто оставал впечаток дека е сеемен и посветен човек. Инаку тој во јавноста бил познат бидејќи изработувал икони. Двајцата ќе бидат погребани утре во 13 часот.

Популарно