Кој е изборот на Зоран Заев за премиер на техничката влада?

Според ТВ Алфа министерот за внатрешни работи Оливер Спасовски најверојатно е изборот на Зоран Заев за премиер на техничката влада доколку лидерите постигнат договор за брзи предвремени избори.

Премиерот Заев вети дека ќе ги почитува законските процедури кои предвидуваат Пржинска влада која ќе трае 100 дена. Според законот донесен во 2016 година, Заев ќе треба да замине од челната позиција во Владата и да назначи технички премиер

Доколку лидерите на политичките партии усогласат брзи избори тие најрано би можеле да се одржат на 8 февруари 2020 година, а техничката влада да се избере за една недела односно на 28 октомври.

Оливер Спасовски е роден на 21 октомври 1976 во Куманово, а фунлцијата министер за внатрешни работи на Република Северна Македонија ја извршува во два кратки периода. На функција стапил на 2 септември 2016 година до 12 декември 2016. Претходно, во периодот од 11 ноември 2015 до 19 мај 2016 ја извршувал истата функција, по договорот од Пржино. Тој повторно стапува на должност како министер за внатрешни работи на Македонија на 1 јуни 2017 година кога парламентарното мнозинство ја изгласа новата влада на чело со Зоран Заев.

На парламентарните избори во 2016 година бил носител на листа во изборна единица 2, предводена од коалицијата на СДСМ.

Дали келнерите ќе мора да завршат и курс за детективи?

Ќе бараат или не келерите документ за идентификација за да дозволат седење на четири лица на иста маса? Според новите протоколи за работа на угостителските објекти, во кои се дозволува послужување на четири лица на една маса со четири столици доколку се од исто семејство, останува недефинирано кој ќе утврдува дали лицата се семејство.

Според директорот на Државен пазарен инспекторат, Стојко Пауновски, протоколите за работа на кафулињата и рестораните се донесени за да ги спроведуваат угостителите. Тие се одговорни да бараат лични карти на гостите и да ги спроведуваат мерките, и токму тие како правни лица ќе бидат предмет на контрола, пишува Република. 

Дали има двајца или четворица на маса сигурно дека тоа е одговорност на оној кој што треба да ги спроведува протоколите, а тоа се оние кои вршат угостителска дејност. Келнерот, односно газдата на угостителскиот објект е тој кој што треба да ги спроведува протоколите. Инспекторите нема да ви побараат лична карта бидејќи инспекторите не бараат лична карта на физички лица. Ние вршиме контрола согласно законот за угостителска дејост кај угостителите, рече Пауновски во одговор на прашање како ќе се увиди дали гостите се од исто семејство или од различна група на луѓе.

За ова дури се смислиле и казни. Па, така персоналот ќе добие 10 дневна едукација која ја најави претседателката на Инспекциски совет, Магдалена Филиповска-Грашкоска, но, доколку се забележи дека и по едно укажување на угостител тој повторно прави прекршок, тогаш ќе се казни веднаш.

Од друга страна, пак, министерот за економија Крешник Бектеши потсети дека келнерите и остантиот персонал во угостителските објекти, не смеат да ги легитимираат гостите. Бектеши тврди дека согласно Законот за угостителска дејност нема одредба според која сопствениците, менаџерите и вработените во угостителските објекти имаат надлежност да ги легитимираат гостите.

Ние како Министерство за економија ќе пратиме писмо до до Комисијата за заразни болести, ако претходно имавме забелешки, сега и во пракса во првиот ден, откако се отворија угостителските објекти може да се види дека протоколот тешко се применува, и од страна на угостителите, и од страна на гостите. Секако, ќе бараме од Комисијата за заразни болести да ги преиспита овие одредби во протоколот за да нема заблуди и кај граѓаните, и кај угостителите, кажа Бектеши.

Додека надлежните како и по обичај си ја префрлаат топката на одговорност, кафулињата и рестораните веќе втор ден работат. Ни на гостите ни на персоналот уште не им е јасно дали прекршуваат некои од прописите. Да пијат или не кафе со маска, да се земат или не ако се само дечко и девојка?

В кафана ќе влегуваме со упатство за употреба, се смеат граѓаните.

Она што е јасно, келнер или сопственик на локал може да побара лична карта од лице само ако се сомнева дека станува збор за малолетник кој нарачува алкохол, во никој друг случај, а со овој протокол можат да се прекршат повеќе права на граѓаните.

Но, доколку, пак, на крај сепак ќе мора да се прикажуваат лични карти за едно кафе, се отвораат уште една низа други апсурности како: Што ако сте семејство со различни презимиња, што ако имате исти презимиња, но не живеете заедно, што ако сте семејство од пет лица итн итн.

На крајот, секако дека се остава на светста на граѓаните и вработените, но овој случај само ја докажува неспремноста и неспособноста на оние кои треба да нè водат. Трагедијата е што сега нивната глупост се плаќа со човечки животи.

Заразените одбиваат да кажат со кого имале контакти

Денеска се регистрирани 58 заразени од коронавирус, објави Фактор.

Ова е најмногу во еден ден новорегистрирни позитивни на КОВИД 19 од почетокот на епидемијата.

Лекарите се жалат дека новозаразените во последните неколку дена одбиваат да кажат со кого имале контакти.

Според епидемиологот, Љуљзиме Бајрами, голем број од заразените стравуваат да откријат каде биле пред да се заразат и со кого оствариле контакт. Додава дека ова уште повеќе го отежнува процесот на спречување на вирусот Ковид-19.

Љ.Б.: „Тие не ни кажуваат кој со кого имал контакт со цел да ги откриеме новите жаришта и да го спречиме ширењето на вирусот“.

ТВ21: Од кое место се овие семејства?

Љ.Б: Од Чаир, Бутел, Сингелиќ, ….

Радиологот Едмонд Вејсели, вели дека ако сакаме да го спречиме коронавирусот треба да имаме меѓусебна соработка со лекарите.

„Искрено проблем е што пациентите стравуваат да направат контрола кај лекарот, да одат да се пријават и пред сѐ да го зачуваат здравјето на нивните семејства, бидејќи ова е превентивна мерка за ширење на вирусот Ковид-19“, вели Едмонд Вејсели.

Илија Димовски по високиот број на новозаразени: Чувајте се сами, повеќе нема држава да се грижи за вас!

Пратеникот Илија Димовски е еден од првите опозиционери кои реагираа негативно по претпладневната објава на бројот на новозаболени од корона вирусот во текот на последните 24 часа.

„Состојбата е драматична, а станува трагична... Пазете се сами, повеќе нема држава што ќе се грижи за вас... (таа очигледно има други приоритети) Составете си листа на мерки што сами ќе ги почитувате“, напиша пратеникот од ВМРО-ДПМНЕ на својот профил на Фејсбук.

Од Комисијата за заразни болести потврдија дека бројот на нови позитивни случаи на Ковид-19 изнесува 58, што и можело и да се очекува, особено по укинувањето на рестриктивните мерки.

Популарно