При чистење на токсичен материјал во Охис се случила „хаварија“

Пејо Кировски, раководител на одделението за инспекциски надзор во животната средина во својата изјава наведува „При миење на цистерна во која требало да се изнесе метил акрилат мономер надвор од државата како опасен отпад, пукнала цевка и на тој начин се излеале шест тони води со елементи на опасната хемикалија во „Охис“. 

Кировски не може да потврди колку е ова опасно за граѓаните и вели дека тоа ќе го испитаат надлежните институции. Подготовката за извозот ја вршела фирма избрана на тендер „Еко центар 97“.

Течноста се излеала во специјално изработена бетонската када, која се наоѓа на отворен простор и така се раширил непријатниот мирис на кој реагирале граѓаните. Се миеле ѕидовите на цистерната за таа да биде деконтаминирана, но се случило да пукне цевката и водата да се излие.

– Со анализи надвор од земјава треба да се утврди колкави елементи на метил акрилат мономер имало во водата – вели Кировски.

Случајот со излевањето на цистерната од „Охис“ во МВР го пријавиле граѓани

кои почувствувале главоболки, печење во грлото и во очите. Тие веднаш за случајот ја информирале и скопската полиција, по што попладнево беше извршен увид на местото на инцидентот, каде беше повикана и Единицата за атомска биолошка и хемиска одбрана на АРМ.

Инспектори на општина Кисела Вода, Град Скопје и од Државниот инспекторат за животна средина и екипа на Минисерството за внатршни работи вршеа увид во кругот на фабриката „Охис“ каде попладнево се излеала водата при чистење на цистерната во која претходно била складирана хемикалија.

Објавена видео снимка од Шекеринска и Катица Јанева во домот на Боки 13

Видео снимка со наслов „Боки 13 со другарките“, се појави на Јутјуб канал со истото име, на кое се гледа како осудениот за случајот „Рекет“, Бојан Јовановски, најверојатно во неговиот дом седи со министерката за одбрана, Радмила Шекеринска и поранешната шефица на СЈО, Катица Јанева, која исто така доби затворска казна за истиот случај.

Видеото не содржи аудио запис, а се гледа дневниот престој во домот на Бојан Јовановски, каде тројцата се седнати во опуштена атмосфера следејќи ја телевизијата зад која стоеше Боки-13.

Кина го регистрираше првиот случај на бубонска чума

Град во Монголија воведе контролни мерки по еден потврден случај на болеста што ја предизвика „црната смрт“ во средниот век.

Потврдено е дека еден овчар во Внатрешна Монголија е заразен со бубонската чума, соопштија кинеските здравствени работници, потсетник дека дури и додека светот се бори со пандемија предизвикана од нов вирус, остануваат старите закани, вели Њујорк тајмс.

Здравствената комисија на градот Бајанур соопшти дека чумата била дијагностицирана кај овчарот во неделата и дека тој е во стабилна состојба на лекување во болница.

Комисијата, исто така, издаде тревога од трево ниво, второ најниско ниво во системот од четири нивоа, предупредувајќи ги луѓето да не ловат, да не јадат и да не транспортираат потенцијално заразени животни, особено мрмоти, и да пријавуваат мртви или заболени глодачи.

Градската влада соопшти дека ги вовела мерките за спречување чума, кои ќе останат во сила до крајот на годината.

Болеста, која ја предизвика пандемијата црна смрт во средниот век, една од најголемите пандемии во историјата на човештвото, во која починаа 75 до 200 милиони луѓе, е предизвикана од бактеријата Yersinia pestis и се пренесува со болви што се заразуваат од глодачи. Во Внатрешна Монголија, домаќинот често се мрмотите што живеат во рурални области.

Во ноември, официјални лица во Пекинг соопштија дека е откриено дека две лица од Внатрешна Монголија имаат пневмонична чума, друга форма на чума предизвикана од истата бактерија. Пневмоничната чума е единствената форма што може да се пренесе од човек на човек, преку респираторни капки.

Ако не се лекува, пневмоничната чума секогаш е фатална, додека бубонската чума е фатална во околу 30 до 60 проценти од нетретираните случаи, велат од Светската здравствена организација. Антибиотиците можат да ја излечат болеста доколку се применат рано.

Соседната земја Монголија денеска исто така објави дека ги укинала ограничувањата во провинцијата Ковд, откако пред една недела беа пријавени два случаи на бубонска чума поврзана со консумирање месо од мрмот. Здравствените власти соопштија дека состојбата на пациентите се подобрила, објави монголскиот портал Икон.мн.

Oбвинителот Бубевски заразен со Ковид-19

Заразен со корона вирус е обвинителот Гаврил Бубевски кој изминатата недела во Кривичниот суд одржа рочиште за случајот „Монструм“, објави Сител.

Јавниот обвинител Гаврил Бубевски поранешен член на СЈО, а сега дел од Скопското Јавно Обвинителство е заразен со коронавирус. Од Кривичниот суд велат дека утрешното судење за случајот „Монструм“ ќе биде одложено.

Во известувањето од судот велат дека заради најавено отсуство на надлежниот обвинител судењето за случајот „Монструм“ ќе биде одложено, а следната расправа е закажана за крајот на август за што странките ќе бидат своевремено известени.

Информацијата за тоа дека е позитивен на корона вирус за ЈО Бубевски ја потврди Фатиме Фетаи, таа за Сител вели дека во следниот период ќе биде во излоација затоа што во текот на минатата недела имала две судења со Гаврил Бубевски.

Од Скопското ЈО каде работат двајацата обвинители за сега нема информација дали некои од тамошните вработени ќе одат во изолација поради близок контакт со Фетаи и Бубевски.

И во Апелациониот суд има одложување на судски процеси поради заразени со коронавирус на неколку судии и технички персонал.

Популарно