Спасовски сака камерите да ги стави во функција

Министерот за внатрешни работи, Оливер Спасовски  обелодени дека камерите поставени на крстосниците, до 2017 година го користела УБК за видео надзор, а не за казнување на сообраќајни прекршоци.

-Стотиците камери низ градот Скопје воопшто не служат за санкционирање на несовесните возачи како што тврдеше поранешната власт, туку до 2017 година се употребуваа исклучиво од Управата за безбедност и контраразузнавање, а не од Јавната безбедност. Потоа создадовме правна рамка, и сега системот е под контрола на Јавната безбедност, сепак тој систем треба да се надогради. Мојата цел и заложба е да направиме сериозен систем, којшто ќе вклучува и камери за сообраќајни прекршоци, на тој  начин ќе го избегнеме човечкиот фактор, селективноста, секој ќе знае дека треба да си ја плати казната  – наведе  министерот за внатрешни работи, Оливер Спасовски.

Куманово ја доби првата жена командир На полициска станица во македонија

Зорица Вукановиќ (36) е прва жена која ќе раководи со полициска станица во државата. На предлог на министерот Спасовски, а со поддршка на Советот на Општина Куманово, таа е избрана за командир на Полициската станица од општа надлежност во Куманово.

„СВР Куманово ги следи насоките и современите текови за родова еднаквост во МВР и токму затоа предложивме жена за командир на полициска станица за општа надлежност. Се работи за исклучително квалитетен, одговорен и совесен професионалец, која уште попосветено ќе работи на новото работно место“, изјави началникот на СВР Куманово Стојанче Величковиќ.

До Советот од МВР беа доставени три предлози, двајца мажи и една жена. Советниците тврдеа дека сите кандидати се добри, но предност ѝ дадоа на полицајката.

„Најголеми пофалби за нејзината професионална работа, нејзиниот потенцијал, непристрасноста во вршењето на службата и за нејзината чесност. Нејзината дистанца од партиски влијанија покажува дека сите граѓани ќе имаат еднаков третман и ќе се почитуваат нивните права и безбедност. Ова е историски момент за нашата земја“, рече на седницата советникот Миле Андоновски од Партијата на пензионерите, поранешен началник на СВР Куманово.

Вукановиќ дипломирала криминалистика на Факултетот за безбедност во Скопје. Досега работела како инспектор по семејно насилство и малолетничка деликвенција, а кариерата ја градела 16 години на повеќе работни места во службата во СВР Куманово.

Доаѓа на местото на Игор Митевски, кој е назначен за началник на Одделот за полиција при СВР Куманово.

Советниците на коалицијата на ВМРО-ДПМНЕ ја напуштија седницата додека се гласаше за изборот на новата командирка.

Извор - Сдк.мк

Видео:Притвор за негователката која го тепаше малото дете

Денеска јавноста беше вознемирена од видеото објавено на социјалните мрежи на кое една жена го тепаше детето во игротеке. После извршената истрага беше констатирано дека таа била негователка, која за 500 евра месечно се грижела за 3 дечиња.

Од МВР изјавуваат  дека дадилката е уапсена.

-Утврдено е дека станува збор за негователка која била ангажирана да го чува детето. Негователката е приведена и известен е Јавен обвинител за натамошна постапка. Инцидентот е пријавен од страна на сопственик на  угостителски објект. Тој околу 11:00 часот при проверка на безбедносните камери на угостителскиот објект, забележал како женско лице во игротеката физички малтретира дете, велат оттаму.

Од МВР додаваат дека известен е и Центарот за социјални работи.

Сличен случај на физичко насилство од страна на дадилка имаше пред неколку години. Шеесетгодишната дадилка беше осудена на 14 месеци затвор за сторено кривично дело „запуштање и малтртирање на дете“.

Извршете проверка на податоците од трансакциската сметка

Управата за јавни приходи денеска ги повика граѓаните кои ја користат апликацијата „МојДДВ" да извршат проверка на податоците од трансакциската сметка заради враќање на дел од данокот на додадена вредност.

Корисниците на апликацијата треба да внесат лична трансакциска сметка, бидејќи во спротивно не ќе може да им се изврши враќање на данокот.

Од декември, Управата за јавни приходи ќе почне да враќа дел од данокот на додадена вредност на граѓаните кои ја користеле апликацијата МојДДВ.

Популарно