Загрижувачки: Вака реагираат младите доколку им го одземете телефонот

Еден ден ќе сфатите дека вашиот мозок не функционира како што треба поради мобилните, ќе сфатите дека имате слаба меморија и дека потешко можете да најдете решенија и одговори на едноставни прашања, но ќе биде доцна, вели конгнитивно-социјалниот психологот Адријан Вард од Универзитетот на Тексас во Остин, кога станува збор за зависноста од мобилните телефони.

Овој психолог спроведува експеримент насловен како “Испарување на мозокот: Самото присуство на смартфон ги намалува когнитивните способности”, со 1.500 студенти, во кој ги дели студентите во три групи и им го ограничува пристапот до мобилните телефони, односно не им дозволува да ги користат мобилните за време на решавање на зададените задачи.

Првата група ја сместува во една просторија, а мобилните им ги става во друга просторија. На втората група не им дозволува да ги вадат своите мобилни телефони од ранците или џебовите, а на третата група при решавањето на задачите им овозможува да ги остават мобилните телефони до нив, но со свртен екран, без да ги користат.

Целта на овој експеримент не била толку насочена кон тоа што ќе одговорат, туку на количината на работната меморија и на тоа на  колкава количина на информации биле способни да се фокусираат.

На крајот од експериментот, психологот ги споредил резултатите и заклучил дека најмногу бодови осволиле оние деца на кои мобилниот телефон им бил во соседната соба, па потоа децата на кои мобилниот им бил во ранецот или џебот, а најслаби резултати покажале децата на кои мобилниот им бил најблиску на дофат.

На крајот од истражувањето, кога психологот ги прашал студентите дали мислат дека се зависни од моблините, тие рекле не, на што психологот Адријан Вард го поставува прашањето: дали сте се сретнале со зависник од дрога или алкохол кој ја признава својата зависност?

Фото: Розови фламенга долетаа кај Преспанското Езеро

Од Македонското еколошко друштво (МЕД) соопштија дека утринава на Преспанското Езеро се забележани пет розови фламинга кои најверојатно одмораат од патот за каде што тргнале.

– Птиците беа забележани во село Езерани каде нискиот водостој им овозможува соодветни услови за одмор за време на миграцијата. Фламингата не гнездат во Македонија но досега се забележуваат повеќе пати на прелет. Прв податок за нивно присуство кај нас е од 90-те исто така во Езерани.

Овој пат беше забележена една возрасна единка и четири млади. Бидејќи птиците гнездат во Грција, Албанија и Црна Гора не можеме да заклучиме каде ќе се упатат по престојот во Преспа – информираат од МЕД.

Според Данка Узунова, орнитолог од Македонско еколошко друштво, добрата состојба на влажните живеалишта како и широките појаси на трска овозможува птиците да не бидат вознемирувани и безбедно да одмораат и да се хранат.

Покрај розовите фламинга, забележани се јата на бојници, долгоног пескар и сабјарки. Ниту еден вид од овие птици не гнезди кај нас, сите се тука поради миграцијата која се случува со полна пареа. Од еколошкото друштво велат дека особено е интересно присуството на сабјарки бидејќи тие во Македонија досега се видени само десетина пати.

– Ваквите слики не охрабруваат дека напорната работа за зачувување на Езерани има позитивни резултати. Езерани е заштитено подрачје повеќе од 20 години и со него управува Општина Ресен која има и посебна ренџерска служба за овој локалитет – појаснуваат од МЕД.

Макарони со јогурт и спанаќ

Вкусен и брз ручек кој ќе го обожавате!

СОСТОЈКИ:

500 гр макарони

500 гр спанаќ

1 л јогурт

300 мл млеко

3-4 јајца

150 мл масло

1,5 лажичка сол

малку зачин

НАЧИН НА ПОДГОТОВКА:

Намастете тепсија или огноотпорен сад. Ставете макарони. 

Разматете со жица јајца, додајте масло, млеко, сол, јогурт и исечкан спанаќ. Сѐ измешајте и ставете преку макароните,млаку измешајте во тепсијата. Покријте со фолија и печете во веќе загреана рерна на 220 степени 30 минути, тргнете ја фолијата и печете уште 10 минути да фати малку кора од горе. Послужете со чаша јогурт или салата.

Добар апетит!

Деталите за подготовка погледнете го во ВИДЕО РЕЦЕПТОТ на „Шерпица“:

Побрзајте-Денеска е последен ден за трошење на платежните картички

Денеска официјално истекува рокот за трошење на домашната платежна картичка на оние граѓани што ги исполнија условите од оваа мерка што беше дел од третиот пакет-мерки на Владата за поддршка на економијата, а воведен поради корона-кризата.

Банките имаа рок да ги издадат до 18 јули, а граѓаните може да ги искористат најдоцна до денеска, додека вчера беше последниот работен ден за нивно подигнување за оние кои се уште ги немаа превземено од банките. 

Заклучно со 7 август, според податоците кои ги добивме од Министерството за финансии, биле подигнати 310.121 платежни картички, што е за 5.188 повеќе во однос на стартот на месецот, во вкупен износ од 27.106.094 евра. На подигнатите картички за трошење има уште неколку милиони евра.

За домашна платежна картичка беа впишани над 324 илјади граѓани, во четири категории.  Заедно со прифатените приговори имаше 333.697 корисници вкупно заведени во Министерството за финансии.

До сега ја искористиле 116.268 невработени во износ од 1,046 милијарди денари, како и 109.363 граѓани со низок приход во вредност од 328 милиони денари. Ја подигнале и 80.451 млади лица на чија сметка имало 241,3 милиони денари и 4.039 медицински лица со 51,2 милиони денари.

Антикризната мерка имаше за цел да се пуштат во оптек поголема количина средства во економијата со купување домашни производи и услуги, заради поддршка на потрошувачката за време на стагнацијата предизвикана од коронавирусот.

Картичките ги издаваа девет банки, а тоа го почнаа од почетокот на јуни. Некои од нив ги испраќаа до домашна адреса, а дел ги информираа граѓаните кога им е изготвена картичката за во одреден ден во одредена локација да отидат и да ја подигнат, со цел да не се создава метеж во експозитурите и да се заштити здравјето на граѓаите и на вработените. 

Според последните податоци, најголемиот дел од нив се трошеа по маркетите, а најголема еднократна помош - 9.000 денари добија социјалните категории и невработени што се активни баратели на работа и кои остваруваат низок доход

А.К.

Извор:Фактор

Популарно