Двојно убиство рано изутрината се случило во казиното „Вегас“

Двојно убиство рано изутрината се случило во казиното „Вегас“ кај Блаце, дознава Пресс24 од извори во истрагата.

Четири маскирани лица вооружени со автоматско оружје, калишникови, влегле да го ограбат казиното. Убиле еден од вработените како обезбедување и уште едно лице кое во моментот играл на слот апарат.

Како што дознаваме од извори во истрагата, лицето кое играло е косовски државјанин В.Х., а лицето кое работело како обезбедување не било пријавено.

Денес се регистрирани 199 нови случаи на Ковид19

Во последните 24 часа се направени 1545 тестирања, а регистрирани се 199 нови случаи на ковид-19 во: 

-Скопје 90

-Куманово 17

-Дебар 6

-Штип 9

-Прилеп 3 

-Тетово 12

-Струга 12

-Битола 2

-Охрид 4

-Кавадарци 2

-Гостивар 5 

-Струмица 2

-Радовиш 1

-Крушево 1

-Пробиштип 3 

-Демир Хисар 1

-Свети Николе 24

-Кичево 3 

-Ресен 2

Починати се 8 лица, еден пациент од Скопје, еден од Штип, четири од Тетово и двајца пациенти од Струга. 

Денеска Институтот за јавно здравје регистрира 120 оздравени лица од: 

-Скопје 94

-Дебар 1

-Штип 4 

-Прилеп 1

-Тетово 9

-Струга 1

-Охрид 6

-Гостивар 2

-Крушево 1

-Македонски Брод 1

Досега во земјата се направени вкупно 76.107 тестирања на ковид -19.  Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 7975,  бројката на оздравени пациенти е 4080, на починати е 376, а во моментов бројот на активни случаи во земјата изнесува 3519.

ОД НЕДЕЛА НА ПОЛНОЌ ПОЧНУВА ИЗБОРНИОТ МОЛК

Од утре по полноќ, заклучно со 21 часот на 15 јули, важат правилата за изборен молк за време на Предвремените парламентарни избори 2020 година, соопшти денеска Агенцијата за аудио и аудиовизуелни медиумски услуги како потсетување за радиодифузерите.

-За време на молкот, медиумите продолжуваат да известуваат за изборниот процес, но престануват сите облици на изборно медиумско претставување, на учесниците во изборната кампања, истакнуваат од Агенцијата.

Од АВМУ потсетуваат дека според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето, како и изјави од кандидати во изборниот процес, од претставници на политички партии и од носители на функции во органите на власта.

Нападната екипата на „Ал Џезира“ во Белград

Меѓу 19 повредени во синоќешните протести во Белград има и новинари и сниматели, а меѓу нападнатите е и екипата на балканската „Ал Џезира“.

Непознат маж и се приближи на новинарската екипа говорејќи „Бегајте со таа камера“, а друг дрско праша „Што снимаш ти мајмуне?“, по што го нападна снимателот.

Ал Џезира објави дека на демонстрациите се нападнати репортерката Наталија Лучиќ и снимателот Тарек Ани.

На среќа тие поминале без повреди, но новната опрема е уништена.

Популарно