Коронавирусот го одложи снимањето на „Невозможна мисија 7″

Џет Сет

пред 11 месеци

Парамаунт пикчрс го одложи снимањето на филмот „Невозможна мисија 7″ во Италија, поради заканите од коронавирусот.

Снимањето на новиот филм од серијалот требаше да почне вчера во Венеција, но позитивните тестови за присуство на коронавирус во Италија ги принудија продуцентите да го замрзнат проектот.

Во соопштението, Парамаунт пикчрс се повикува на забраната за собири на јавни места во Венеција и изразува загриженост за глумците и другите вработени. Не се знае до кога ќе трае одлагањето.

Ѕвездата на филмот, Том Круз претходно не бил пристигнат во Венеција. Компанијата вчера го одложи и прикажувањето на филмот „Соник” во Кина. Кината во земјата не работат поради опасноста од коронавирусот. Кинескиот кинопазар е вториот најголем на светот.

(Фото) Иванка Трамп заедно со сопругот се преселија во една од најлуксузните згради во Мајами

Џет Сет

пред 7 часа

Иванка Трамп, сопругот Џаред Кушер и нивните три деца се преселија од Вашингтон на Флорида, а како што пренесува Си-Ен-Ен, сега ќе живеат во една од најлуксузните згради во Мајами.

Изнајмиле стан во богатиот кварт „Surfside“, а таму ќе бидат сместени додека не се изгради нивната куќа на приватниот остров Крид.

Цената која ја плаќаат за киријата засега не е позната, а според извештаите за цените за изнајмување недвижнини во тој кварт, цените се движат по околу десетина илјади долари месечно.

Доналд и Меланија Трамп исто така ќе се преселат на Флорида.

(Фото) Симпсонови уште пред 21 година предвидоа како ќе биде облечена Камала Харис

Џет Сет

пред 13 часа

Новоизбраниот претседател на САД, Џо Бајден, рамо до рамо со актуелната потпретседалка Камала Харис дојде до победата на изборите одржани во ноември 2020 година.

Но, интересно е тоа што легендарната анимирана серија „Симпсонови“ уште пред 21 година ја предвиделе победата на Камала. Имено, во 2000 година се појави епизода со наслов „Барт кон иднината“ (Bart To The Future), во која Лиса стана првата жена претседател на САД по владеењето на Доналд Трамп.

Имено, обожавателите велат дека фактот дека Камала Харис е првата жена некогаш именувана на позицијата потпретседател во САД е пресвртница која не се разликува премногу од она што го замислуваа „Симпсонови“ пред 21 година и дека, како во епизодата, нејзиниот мандат започнува откако заврши владеењето на Трамп.

Новата потпретседателка на Америка на церемонијата носеше виолетов капут и бисерен ѓердан, а во 2000 година, креаторите на „Симпсонови“ ја покажаа Лиса облечена во истата модна комбинација.

(Видео) Камерите снимија интересна ситуација меѓу Доналд Трамп и Меланија Трамп

Џет Сет

пред еден ден

Доналд Трамп, сега веќе поранешен претседател на САД, и неговата сопруга Меланија ја напуштија Белата куќа вчера, неколку часа пред инаугурацијата на Џо Бајден, и на аеродромот во Палм Бич, каде што заминаа по кратка церемонија за проштавање во воздухопловната база Ендрус, камерите снимија интересна ситуација.

Имено, Меланија Трамп ги изненади сите најпрво со својот стајлинг, облечена во долг, лежерен фустан со портокалови мотиви, а кога излегоа од авионот, додека Трамп позираше пред камерата, таа за момент ја пушти раката и „мртва ладна“ застана настрана.

Меланија честопати ја тргаше раката од Трамп за време на официјалните церемонии, а дали со овој потег покажа дека е уморна од позирање и лажни насмевки што беше принудена да ги прави како прва дама, или дали станува збор за нешто посериозно, останува да видиме. .

Секако, фустанот со впечатливи мотиви и изгледаше одлично, иакомногумина на Твитер и порачаа дека се облекла како „домаќинка од осумдесеттите“.

Популарно