Видео: Пациентка со коронавирс со видео порака ги предупредува луѓето

Тара Џејн Лангстон,39-годишна пациентка од коронавирус во Велика Британија, објави застрашувачко видео од нејзиниот болнички кревет во кое ги опишува нејзините симптоми. Дишењето сега е „како да имате стакло во вашите бели дробови“, изјави таа за MailOnline.

Таа рече дека го направила видеото за да ги предупредува сите другите кои сè уште не се оддалечуваат од социјалното дружење.

39-годишната жена која се лекува на Ковид-19, болест предизвикана од коронавирусот, направи видео од својот болнички кревет во одделот за интензивна нега како предупредување за другите луѓе навремено да се заштитат.

Во видеото, кое брзо се распространи на социјалните медиуми, Тара Џејн Лангстон им ги покажува на гледачите двете цевки во рацете и цевката за дишење што ја користеше, борејќи се за здив додека зборуваше.

 

MISERICÓRDIA!.!.!. E ainda idiotas falando que é apenas uma gripe forte ... bando de retardado .!!.!.

Posted by Luis Gustavo Moretti on Wednesday, March 18, 2020

Во видеото, таа исто така им порачува на пушачите да ги „остават цигарите“ велејќки „Сите што пушите цигари, сега откажете ги! Бидејќи сега ти кажувам, ти требаат твоите бели дробови“! рече таа.

Лангстон изјави за MailOnline дека дишењето е „како да имате стакло во вашите бели дробови“.

Лангстон, за MailOnline рече дека е во болницата Хилингдон во Лондон. Таа во видеото изјави: „Ако некој размислува да превземе какви било мерки, само погледнете ме… Затоа што ако станува навистина лошо, тогаш ќе завршите тука“. Исто така изјави дека нејзината состојба тогаш била „10 пати подобра“ отколку што се чувствувала порано.

Лангстон изјави за MailOnline дека некогаш мислела дека појавата на коронавирус е презаситена, па поради тоа го направила и видеото, за да ги предупреди колегите за  настанот што го планирале.

„И јас го имав тој став предтоа, дека тоа се измислици и глупости, едноставно се бунтував пред да го доживеам ова – не бев човек што би ја купил целата таа хистерија и паника“, рече таа. „Но, тогаш го добив коронавирусот и никогаш повеќе не сакам да доживеам нешто слично на тоа, бидејќи тоа беше длабоко непријатно искуство“.

MailOnline ја опиша Лангстон како здрав гимнастичар и како што е под 70 години, не се смета дека е изложена на голем ризик од сериозен случај на Ковид-19. Таа рече дека другите луѓе што ги видела во болницата изгледале дека се постари околу 50 или 60 години.

Откако го снимаше видеото Џејн делумно се опорави и е иселена од МКГ, објави во четвртокот „МаилОнлајн“.

Од петок, Велика Британија објави повеќе од 3.000 случаи на коронавирус и повеќе од 140 смртни случаи. Сепак, властите во Велика Британија рутински ги тестираат само луѓето кои веќе се во болницата, така што вистинската бројка е веројатно поголема. А премиерот Борис Џонсон во понеделникот повика на прекин на сите движења и дружење, но многу луѓе го игнорираа ова. Тој апелираше до граѓаните да ги прекинат и избегнуваат сите „небитни“ контакти и патувања, вклучувајќи го и дружење во пабови или ноќни клубови. Премиерот истакна дека без овие мерки, случаите на коронавирус може да се удвојуваат на секои пет или шест дена.

Но, без директна наредба да се затворат, пабовите и другите бизниси сè уште беа преполни со луѓе оваа недела, особено за прославите на Денот на Свети Патрик во вторникот, објави во средата „Метро“.

Луѓето го славеа Денот на Свети Патрик во Единбург, Шкотска, во вторникот и покрај предупредувањето на премиерот да се избегнат социјалните собири.

Таа исто така рече дека болницата снемува маски за лице и како видела една медицинска сестра дека користи нешто што личело на целофан над лицето.

Нејзиниот сопруг изјави за MailOnline дека Лангстон добро се чувствувала откако го направила видеото и сега и треба многу помалку кислород.

Извор:Мое здравје

Како алкохолот влијае врз ковид-вакцината и телото?

Нема докази дека по вакцинацијата против коронавирус, алкохолот влијае на ефикасноста на вакцината. Ова е ставот на британската Агенција за регулирање лекови, којашто реагираше откако на социјалните мрежи се појавија гласини за потребата од апстиненција од алкохол две недели по вакцинирањето.

„Досега нема докази дека алкохолот влијае на ефективноста на вакцината против Ковид-19. Исто така, ништо во информациите на производителот на вакцини или во упатствата на Британската здравствена служба не посочува на ваков заклучок”, соопшти Агенцијата.

Се смета дека теоријата за апстиненцијата потекнува од Русија, каде што едно од официјалните лица јавно предупреди дека алкохолот може да ѝ наштети на способноста на организмот да развие антитела. Илхем Месауди, директорка на Центарот за истражување вируси при Универзитетот на Калифорнија, вели дека поголемиот внос на алкохол генерално го нарушува имунитетот и го прави човекот поранлив на зарази.

– Но, кај луѓето кои консумираат алкохол во умерени количини, нема опасност. А, умерено внесување значи – не повеќе од два алкохолни пијалаци на ден, за мажи и, еден – за жени, рече таа.

Зошто се јавува болка во рака после вакцинација

Болката во раката е типична нуспојава по вакцина против Ковид-19 и може да има чудни и збунувачки форми.

Додека некои луѓе чувствуваат само болка, други имаат силна болка што се движи од раката надолу по страната на телото, болка што се движи кон рамењата или дури болка што се претвора во трнење во рацете.

Постои прилично едноставно објаснување зошто луѓето чувствуваат болка на местото на инјектирање. Ешли З. Ритер, постдокторски соработник на Универзитетот во Пенсилванија и главен клинички директор на „Dear Pandemica“, вели дека тоа е чест несакан ефект на секоја вакцина. Инјектирањето на вакцината во мускулот на раката всушност го стимулира имунолошкиот систем.

– Кога таа течност ќе влезе во мускулот, телото испраќа бели крвни зрнца и лимфна течност во таа област за да се изгради имунолошки одговор. Ова е токму она што сакаме да се случи, но може да биде малку непријатно. Болката што ја чувствувате е резултат на активност што се случува во вашето тело, објасни Ритер.

Зголемената количина на течност во лимфните јазли во близина на местото на инјектирање често предизвикува болка во мускулите, а понекогаш и под пазувите или градите.

Отечен лимфен јазол може да се појави на мамографија, па експертите препорачуваат ваков преглед да се избегнува некое време по примање вакцина.

Кога имунолошкиот одговор и оток ќе се повлечат, болката ќе исчезне за неколку часа до неколку дена. Ако болката е многу силна, д-р Шерил Решинос предлага да се чека 12 часа за телото да развие целосен имунолошки одговор, а потоа да се земаат лекови против болки, препорачани од лекар.

Ако симптомите значително влијаат на способноста за функционирање и ако се надвор од опсегот на очекуваните несакани ефекти, секако треба да контактирате со лекар, советува Ритер.

Овие зачини го зајакнуваат имунитетот и срцето

Зачинските билки не само што им даваат вкус на јадењата туку имаат и корисни својства.

Ретко кој знае дека нането, ориганото, магдоносот и мајчината душица содржат неверојатна количина на антиоксиданси.

„Благотворните својства на билките можат да помогнат во спречување на хронични заболувања како дијабетес или кардиоваскуларни болести“, вели шпанската нутриционистка Лаура Гонзалес.

Помеѓу овие соединенија, највредни се полифенолите, танините или каротените кои билките ги синтетизираат за да се заштитат од надворешни фактори.

Ароматичните билки се главен извор на фитохемикалии, витамини и минерали, а еве со што изобилува секоја од горенаведените.

Нане

Листовите и нежните стебла на растението се користат како зачин бидејќи токму таму се наоѓаат концентрирани есенцијални масла богати со фитохемикалии. Покрај тоа, оваа билка лесно може да се одгледува во домот бидејќи не бара комплицирано одржување.

Оригано

Листовите и цветовите од ориганото се користат свежи, иако нивната арома станува уште поинтензивна кога тие ќе се исушат. Ова растение е извор на антиоксиданси како рузмаринска киселина, а сувите листови се идеални во подготовка на тестенини, пици, чорби, месо на скара и риба.

Магдонос

Магдоносот им дава специфичен вкус на варивата, маринадите и сосовите. Одлично се комбинира со речиси било која храна, но особено со ориз и риба, како и со доматен сос. Магдоносот изобилува со витамин Ц и се препорачува да се консумира сиров. Освен тоа, тој е одличен и за слабеење.

Мајчина душица

Свежата или сушената мајчина душица се користи за печено месо, маринада, риба и сосови. Чајот од оваа билка се користи за искашлување, а поседува силни антисептички својства.

Популарно