Дали ви се смачи да ја гледате бањата валкана и со флеки?!

Интересно

на 9.2020

Ги имате испробано сите средства за чистење на бањата кои сте ги пронашле во маркетите, но не сте потполно задоволни со ниедно од нив? Сега може сами да направите домашни средства за совршено чиста бања, со неколку едноставни состојки кои сигурно ги имате во вашата кујна.

Ефикасно средство за чистење на купатило со киселина

Сигурно и на вас чистењето на купатилото ви е најдосадната работа низ дома. Без разлика колку го чистите, по кратко време, тврдокорните дамки од сапун и трагите од вода повторно се појавуваат. Но, постои едноставно решение. Сега може да направете домашно ефикасно средство за чистење на купатило со кое ќе заштедите пари, време, но ќе имате и совршено чисто купатило.

Потребно ви е:

1 шолја прехранбена бела киселина

1/2 шолја детергент за миење садови

шише со распрскувач.

Во мало тенџере додајте ја алкохолната киселина и загрејте ја. Киселината мора да се загрее за подобро да се соединат состојките.

Во загреаната алкохолна киселина додајте го детергентот за миење садови и добро измешајте, а потоа добиената смеса ставете ја во шишето со распрскувач.

Со добиената смеса испрскајте добро врз валканата површина и оставете да делува околу 2 часа пред да исплакнете.

Оваа комбинација добро ги отстранува тврдокорните дамки, па дури и ‘рѓата.

Домашното ефикасно средство за чистење на купатилото може да го користите за сите делови, особено за туш батеријата, туш кабината и керамиката.

Домашно средство за чистење на купатило со сода бикарбона

Сега може да си направите домашно средство за чистење на бањата со состојки кои сигурно ги имате во домот. На овој начин, ќе помогнете во заштита на околината, а истовремено ќе заштедите и пари. Прочитајте што ви е потребно за да го направите ова домашно средство со сода бикарбона.

Потребно ви е:

1 чаша детергент за миење садови

½ чаша сода бикарбона

Во сад ставете го детергентот за садови и додајте ја содата. Измешајте убаво за да добиете паста. Садот поклопете го со капакот и пастата користете ја по потреба.

Пастата нанесете ја врз валканата површина и оставете да делува неколку минути. Потоа пребришете ја површината и добро исплакнете.

Оваа комбинација добро ги отстранува тврдокорните дамки, па дури и ‘рѓата. Можете да ја користите за чистење на сите делови од вашето купатило, особено за туш батеријата, туш кабината и керамиката.

Природно средство за чистење на фуги

Плочките во купатилото или во кујната можете да ги чистите колку што сакате, но доколку не успеете добро да ја отстраните, целата таа нечистотија се насобира во просторите помеѓу нив, односно фугите. Сигурно се прашувате како најефикасно да ги отстраните наталожените наслаги и да имате чисти фуги?

Потребно:

7 чаши вода

1/4 чаша киселина

1/3 чаша свежо цеден сок од лимон

1/2 чаша сода бикарбона

шише со распрскувач

четка за отстранување на нежистотии.

Измешајте ги сите состојки во кофа, а потоа за најлесно распрскување дел од течноста турете во шише со распрскувач.

Испрскајте убаво на местата каде сакате да ги чистите валканите фуги, а потоа со помош на мала четка (може да користите и четка за заби) и добро исчеткајте ги.

На крај, исплакнете со топла вода или пребришете со сува крпа, а резултатите треба да бидат видливи веднаш.

Кога бебето почнува да си го препознава името?

Интересно

пред 2 недели

Во текот на првата година од животот, кај едно бебе има доста пресвртници, а можеби едно од најбитните нешта е она кога ќе почне да го препознава и да одговара на довикнувањето на неговото или нејзиното име.

Според науката, препознавањето имиња се случува поради тн. „рецептивен јазик“ што вклучува обработка на изговорените зборови и гласови. Така, оваа уникатна радост за родителот кога малечкото ќе ја сврти главата откако ќе го чуе своето име, обично се јавува неколку месеци пред првиот роденден. Меѓутоа, важно е да се забележи дека бебињата своите јазични вештини ги развиваат секое во различно време, пишува списанието „Перентс“ (Parents).

Повеќето бебиња почнуваат да го препознаваат своето име на возраст меѓу четири и девет месеци. Штом бебето ќе ја совлада оваа вештина, може да се забележи дека тоа продолжува да го гледа возрасниот – или други реакции, кога и некој да го повика по име.

Родителите веројатно ќе забележат и други промени поврзани со говорот пред тоа. На возраст меѓу четири и шест месеци, на пр., бебето обично веќе може да почувтвува промени во тонот кога нелкој му зборува, според Американското здружение за говор, јазик и слух (АСЛХА).

Не’ очекува космичка експлозија видлива со голо око, се случува еднаш во 80 години

Интересно

пред 2 недели

Небесниот танц меѓу две ѕвезди оддалечени 3.000 светлосни години ќе резултира со толку силна експлозија што ќе биде видлива со голо око со денови, изјавија во петокот астрономите од Универзитетот Нотингем Трент.

Експлозијата што се случува еднаш во животот во системот T Coronae Borealis ќе се појави како светла нова ѕвезда на ноќното небо, пред да избледи и да исчезне повторно во следните 80 години.

Професорот Даниел Браун објаснува дека овој небесен настан се нарекува „нова“, кога сјајот на ѕвездата брзо се зголемува.

Според него, не е лесно да се предвиди кога ќе се случи тој настан, но верува дека тоа би можело да се случи во секое време до септември.

„Почестени сме, ќе видиме т.н нова ѕвезда на небото“, рече Браун, посочувајќи дека T Coronae Borealis всушност не е една ѕвезда, туку две ѕвезди кои орбитираат една околу друга.

„Сега е време за уште една ваква експлозија за T Coronae Borealis, чија светлина од 11 mag, едвај видлива на темното небо, ќе се зголеми на 2 mag, споредлива со ѕвездите во Големата Мечка и ќе биде видлива со голо око дури и на загадено небо. „Новата“ ќе стане видлива во близина на соѕвездието Херкулес.

Астрономите објаснуваат дека овие „нови“ во суштина се како водородни бомби.

Не заборавајте да ги поместите стрелките на часовникот

Интересно

пред 2 недели

Иако веќе неколку години се зборува да се прекине со оваа пракса на поместување на времето сепак таквите најави не се остварија и затоа летното сметање на времето почнува од вечерва поточно од 2 часот по полноќ.

Тогаш стрелките на часовникот ќе се поместат еден час нанапред и времето ќе се смета како од 03:00 часот.

Летното сметање на времето завршува на 27 октомври во 03:00 часот, така што тогаш со поместување за еден час наназад, времето во 03:00 часот, ќе се смета како 02:00 часот.

Одлуката за воведување на летното сметање на времето е согласно Законот за сметање на времето („Службен весник на Република Македонија“ бр.17/96 и 16/97) и согласно европски директиви, информираше Владата во вторникот.