Границата останува затворена уште две недели!

Вести

пред 2 дена

Одлуките за привремено ограничување на копнените граници со Северна Македонија, Албанија и на Турција, како и за забраната за влез во Грција на државјани на трети земји, Грција ги продолжи до 30 септември, јави дописничката на МИА од Атина.

Станува збор за двете министерски одлуки, кои во изминатите месеци се продолжуваа на секои две седмици.

Во однос на копнените граници, ограничувањата, „од превентивни причини за заштита на јавното здравје од дополнително ширење на коронавирусот ковид-19 на грчка територија“ се за временскиот период од 16 до 30 септември 2020 година и се однесуваат патните и железничките поврзувања на Грција со Северна Македонија, Албанија и на Турција.

За туристите и странските државјани за кои не постои забрана, дозволен е влез само преку Бугарија, односно преку граничниот премин Промахонас (Кулата) и само со негативен молекуларен тест за ковид-19 направен 72 часа пред пристигнувањето.

Од останатите гранични премини што се отворени, односно Какавија и Кристалопиги кон Албанија, Евзони (Богородица) кон Северна Македонија, Нимфеа кон Бугарија и Кипи кон Турција, влезот во Грција е дозволен само за одредени категории и исто така со негативен ПЦР тест.

Овие гранични премини се отворени од 7 часот наутро до 23 часот, а забраната не важи за грчки државјани, за лица кои имаат дозвола за престој и лица кои живеат во Грција, за влез на лица со апсолутно неопходни професионални или медицински причини за кои имаат и потребни документи, како и за транзит на болнички возила кои од Косово преку Северна Македонија влегуваат во Грција за хоспитализирање на пациенти кои припаѓаат на дипломатскиот, воениот или административниот персонал на земјите членки на ЕУ и EULEX на Косово.

Втората министерска одлука се однесува на забраната за влез во Грција на државјани на трети земји, со исклучок на државјаните на Австралија, Грузија, Канада, Јапонија, Нов Зеланд, Руанда, Јужна Кореја, Тајланд, Тунис, Уругвај и Обединетите Арапски Емирати.

Исто така, исклучок се и одредени категории граѓани, како што се медицинскиот персонал и здравствените работници, оние кои имаат дозвола за престој во земја членка на ЕУ или земја од Шенген зоната, членови на владини мисии, дипломати, превозници, возачи на камиони што пренесуваат стоки, транзит патници, студенти, лица кои се грижат за стари лица и лица со инвалидитет, како сезонски земјоделски работници.

И оваа одлука стапува во сила денеска, а важи до 30 септември 2020 година.

Осум лица починаа од коронавирус, потврдени се 144 нови случаи

Вести

пред 2 часа

Во последните 24 часа осум лица починаа, а потврдени се 144 нови случаи на коронавирус од 1.545 тестови, соопшти Министерството за здравство.

Најголем број случаи се потврдени во Скопје-27, Струмица- 15, Прилеп и Тетово по 13 и во Куманово-11.

Во Дебар-3, Штип-5, Велес-4, Битола-5, Охрид-2, Кавадарци-1, Гостивар-8, Гевгелија-2, Крива Паланка-1, Радовиш-8, Крушево-2, Кочани-13, Македонски Брод-1, Берово-2, Виница-1, Делчево-3, Кичево-2, Ресен-2.

Денеска Институтот за јавно здравје регистрира 97 оздравени пациенти од: Скопје-22, Куманово-33, Штип-2, Прилеп-7, Тетово-2, Струга-1, Битола-4, Гостивар-1, Гевгелија-1, Струмица-1, Крива Паланка-3, Радовиш-1, Крушево-1, Кочани-4, Македонски Брод-1, Берово-2, Виница-1, Делчево-5, Свети Николе-2, Кичево-3.

Починати се 8 лица, еден пациент од Куманово (48г), еден од Штип (65г), двајца пациенти од Прилеп (62 и 83г), еден од Тетово (69г), еден од Струмица (39г), еден од Виница (63г) и еден пациент од Кичево (56г).

Вкупната бројка на ковид дијагностицирани во нашата земја од почетокот на епидемијата изнесува 16.417, бројката на оздравени пациенти е 13.732, на починати е 683, а во моментов бројот на активни случаи во земјата изнесува 2.002.

Презентирана Националната платформа за онлајн учење

Македонија

пред 4 часа

Учебната 2020-2021 година ќе се одвива преку Националната платформа за онлајн учење, која е инклузивна, едноставна за користење и нуди учење на пет јазици. Платформата е практична, лесна за користење и го доближува образованието и наставните содржини до учениците на каналите кои тие секако често ги користат.

Ученикот преку компјутер или телефон ќе може да ја гледа училницита и наставникот и ќе може да ги користи сите поставени аудио и видео материјали на платформата и да ги изработува домашните задачи, а наставата нема да биде здодевна и ќе има брзи квизови, тестови и други иновативни содржини.

Обуките за користење во прво ниво опафтиле 30 национални обучувачи, во второ ниво се опфатени 1 600 наставници номинирани за училишни обучувачи и тие понатаму ќе треба да ги обучат сите наставници на ниво на поедини училишта.

Премиерот Зоран Заев, на денешната прес-конференција за промоцијата на платформиата, ги повика сите и наставниците и родителите да го поддржат процесот, а на децата им порача да ги зграпчат сите можности, зошто доброто образование гради слободни граѓани.

– Пандемијата ја наметна потребата да согледаме зошто ни е потребен образовен систем во добра кондиција и дека посветено треба да работиме на негова дигитализација, реформа и подобрување. За прв пат создадовме единствена национална платформа за оналјн учење, што ја креиравме исклучиво со домашни ресурси и експерти. Ова не охрабрува и дава поттик за нејзино усовршување и прилагодување на потребите на секој ученик во нашата држава, изјави Заев.

Посочи дека платформата е прилагодена освен на македонски, за држење настава на албански, турски, српски и бошњачки јазик.

– Подготвеноста на институциите и образовниот систем за промени е доказ за континуирана посветеноста кон долгорочните цели – квалитетно и иновативно образование по мерка на секого. Како Влада ја даваме безрезервната поддршка за имплементација на овој процес, истакна Заев.

Пандемијата, порача тој, недвосмиселно покажа дека како држава треба многу да научиме за планирање на инвестициите во образованието и колку е се тоа важно за сите нас.

Министерката за образование и наука Мила Царовска, рече дека подготовката на платформата е влог во иднината и модернизација на образованието.

– Платформата е првиот исчекор кон модернизација на образованието. Нова алатака, која сум убедена дека ќе биде значаен ресурс и по надминување на кризата со корона вирусот. Периодот што следи нема да биде лесен ниту за професиорите, ниту за родителите, ниту за учениците. Промените се секогаш тешки и прилагодувањето бара огромна жртва од сите нас, изјави Царовска.

Комбинираниот пристап што го избравме, Царовска изрази уверуавње, дека ќе обезбеди добар баланс меѓу обезбедување на добро образование и заштита на  јавното здравје.

– Учениците ќе може да предлагаат надоградување и менување на платформата и со тоа директно ќе се вклучуваат во изработка на решенија што тие ги сметаат за прилагодени на нив. Платформата ќе овозможи учениците и просветните работници заедно да го унапредуваат нашети образование не само за сега, туку и за иднина, порача Царовска.

Национланата платформа за учење од далечина е резултат на соработка на МОН, Факултетот за информатички науки и компкутерско инжинерство и МАСИТ. 

ВИДЕО: Редок циклон пристигна во Грција, јахти летаат на сите страни

Вести

пред 5 часа

Исклучително редок медитерански циклон, „медикејн“, кого Грците го нарекоа „Јанис“, погоди делови oд Грција. Медиумите јавуваат дека јахтите се удираат од карпите.

Метеоролозите претходно најавија дека делови од Грција ќе се соочат со многу редок метеоролошки феномен што ќе го погоди грчкото крајбрежје, со многу силни налети на ветер и огромна количина на врнежи.

„Танјуг“ објави дека под удар на циклон, јахтата која пловела под знамето на Швајцарија, носена од бурни ветрови и струјата, одлетала на карпите на полуостровот Итака.

Како што се наведува, лицата кои биле на јахтата успеале без помош да стигнат до брегот, пренесе агенцијата АНА.

Најновите прогностички модели покажуваат дека овој многу редок ураган може да биде најсилниот во историјата на тие простори.

Во Грција е издадено предупредување на високо ниво, а жителите се повикани да се засолнат.

Грчките метеоролози очекуваат огромни количини на дожд, поплави и ветрови со над 200 километри на час.

Исто така е издадено предупредување од највисок степен, а жителите беа повикани да се засолнат.

Пристигнаа и снимки од невремето во Закинтос, инаку популарно туристичко одморалиште.

Грчките власти соопштија дека засега има материјални штети, но за среќа нема жртви.

Властите соопштија дека се забележани прекини на електричната енергија на островите Закинтос, Кефалонија и Итака.

Засега нема точни податоци за количината на врнежи што ги донесе циклонот со себе, како и за јачината на ветерот, бидејќи во оние делови каде Јанис „удри“ најсилно, всушност нема електрична енергија, па и мерењето на податоците е оневозможено, објави грчкиот весник „Катимерини“.

Популарно