(Фото) Најзгодниот дедо на светот и неговата двојно помлада девојка добија ќерка

53-годишиот Џанлука Ваки кој важи за најзгоден дедо на светот, открил дека неговата двојно помлада девојка, 25-годишната манекенка Шерон Фонсека, родила девојче.

Италијанскиот плејбој во вторникот открил на Инстаграм дека станал татко, а девојчето го нарекле – Блу Ерусалема Ваки. 

„Таа е тука со нас. Шерон и јас сме среќни што можеме да ве известиме дека утрово се роди нашата ќерка – Блу Ерусалема Ваки. Му благодарам на Бога што е здрава и едноставно веќе ја сакаме повеќе од животот“, напишал милионерот.

Манекенката ја споделила истата фотографија на својот профил и напишала дека се благодарни и благословени.

„Нашата ќерка е тука и не можеме со зборови да го опишеме ова искуство и сите емоции кои ги чувствуваме“.

Само еден ден пред породувањето, Џанлука и Шерон објавија видео од болницата на кое заедно танцуваат за „да го мотивираат бебето конечно да излезе“.

(Фото) Меланија се појави во уште еден одличен стајлинг

Кога ќе се спомне името Меланија Трамп, сите со восхит помислуваат на нејзиниот стил на облекување и прекрасно лице.

Меланија Трамп (50) е миленичка на модните критичари и тоа со причина. Со последниот стајлинг ја оправдала титулата на кралица на стилот кој што го носи веќе повеќе време и на кој критичарите и светот се навикнати да ја гледаат.

Таа се појавила пред Белата куќа, а била облечена во женствена и воедно класична комбинација. Над тесниот, црн фустан носела капут кој што ја следи линијата на нејзиното тело и ги истакнува најубавите делови од него.

Капутите, особено оваа есен се во тренд, а малкумина од жените можат да им одолеат. Овој модел кој што го носи Меланија Трамп е полн погодок затоа што ем топли ем совршено ѝ одговара на секоја жена. Во него сите изгледаат повитко и позаводливо.

Без дилема моделот е многу атрактивен, но тоа што повеќе се коментирало е неговата цена. За оваа креација, првата дама издвоила дури 2.000 евра.

Од високите потпетици ниту овојпат не се откажала. Црните чевли со бели детали совршено ги искомбинирала со целиот стајлинг.

На висина на задачата била и кога станува збор за шминката и фризурата. Како и секогаш беспрекорно стилизирана со истакнато убаво лице.

Првата дама не го криела ниту своето расположение, па не ја тргала насмевката од своето лице цел ден. Дали ви се допаѓа ова модно издание на Меланија Трамп?

Џони Деп го изгуби спорот со „Сан“

По изгубениот судски спор за клевета против британскиот таблоид „Сан“, Џони Деп ќе треба на компанијата „Њуз груп њуспејперс“ да и исплати 840.000 долари за судски трошоци.

Судот минатиот месец одлучи дека називот „сопруготепач“ на медиумот, упатен кон глумецот, е вистина и не е навреда. Освен тоа, Деп го изгуби и правото на жалба по пресудата.

Уште повеќе, Џони Деп беше отпуштен од филмот во најава „Фантастични ѕверки 3“, каде што требаше да ја повтори улогата од вториот дел. Се говори дека ќе го замени данскиот глумец Мадс Микелсен.

Филмот е во фаза на подготовки и е најавен за 2022 година. Деп годинава се појави во драмата „Минамата“, и засега нема идни филмски ангажмани.

Славната пејачка ги изгуби сите пари

Поранешната милионерка Шер, направи голема пауза во кариерата, а сега наводно е на ивица на егзистенцијата.

Имено, нејзе уште кон крајот на 80-те ѝ бил дијагностициран Епстеј-Бар вирус, вид херпес, кој може да предизвика откажување на органите.

„Бев постојано болна, скоро ме убие воспаление на белите дробови. Лекарите прво ми велеа дека сум луда и претерувам, но сепак открија дека сум тешко болна“, открила пејачката.

Поради здравствената состојба морала да направи пауза во кариерата, затоа што повеќе не можела да ги издржи настапите. За да преживее, прејачката почнала да снима реклами.

Популарно