Српска докторка која лекува пациенти заразени со Ковид открива какви тегоби имаат

Вирусот го напаѓа и системот на коагулација кај многу пациенти, а тромбозата и емболијата, кои можат да предизвикаат мозочен удар и срцев удар, се вообичаени.

Коронавирусот, покрај тоа што ги зафаќа белите дробови, кај голем број на пациенти, особено во вториот сега, го напаѓа и системот за коагулација, па затоа често се јавуваат тромбоза и емболија. Овие компликации можат да предизвикаат белодробна емболија, мозочен удар или срцев удар кај некои пациенти, па дури може да доведат и до смрт. Експертите велат дека е исклучително важно пациентите, дури и откако ќе бидат излечени од вирусот, треба редовно да прават скенер и лабораториски контроли кои вклучуваат и вредности на Д-димер.

„На почетокот на јули целото семејство доби Корона, а најпрво јас и едната ќерка бевме сместени во Ковид болницата, Чигота, на Златибор каде има пациенти со лесна до умерена клиничка слика. Повремено бев на кислород, а ќерка ми ниту еднаш. Околу десетина дена по напуштањето на болницата, сè уште имав пневмонија, која се повлекува многу бавно, а ќерка ми не. Сепак, таа неколку дена имаше 37 температура. По совет на доктор од клиниката, направивме и Д – димер, тест на крвта што укажува на зголемено згрутчување на крвта и сомневање за белодробен тромбоемболизам, односно тромб во белите дробови. Резултатите од Д-димерот и беа зголемени, а моите беа во нормални граници. Сепак, двајцата направивме скенирање и се покажа дека двајцата имаме белодробен тромбоемболизам“ – раскажа Л.М. од Златибор.

Ова не е единствен случај, лекарите и претходно предупредуваа дека короната, особено во вториот бран, предизвикува сериозно оштетување и на многу други органи.

Док. Д-р Милан Радовиќ, помошник директор за пулмологија и координатор на болницата „Ковид“ во КЦ Ниш, изјави за „Курир“ дека „појава на зголемена коагулација на крв е забележана кај некои пациенти кои имаат Ковид 19, а кои веќе имаат изразени системски нарушувања“.

Пулмонолог Прим. Д-р Татјана Радосављевиќ вели дека е многу важно да се вршат редовни прегледи, дури и по завршувањето на болеста:

„Секако, лабораториските контроли треба да се прават почесто, бидејќи сè уште не знаеме како ќе се одвива понатаму, вирусот е нов. Колегите кои работат во Ковид болниците, редовно вклучуваат вредности на Д-димер во овие контроли, особено кај луѓето кои веќе се хоспитализирани. По три месеци од престанокот на тегоби треба да се направи контрола на скенерот.“

СЗО: Моментно не се препорачува комбинирање на вакцини против Ковид-19

Светската здравствена организација (СЗО) денеска повторно соопшти дека поради недостигот на „соодветни податоци“, не можат да се дадат препораки во врска со комбинацијата на различни вакцини против коронавирусот, што Франција го планира при ревакцинацијата на лицата помлади од 55 години кои ја примиле првата доза на Астра Зенека.

Нема соодветни податоци врз основа на кои би можело да се каже „дали може тоа да се направи“, па затоа експертите на СЗО заклучија дека „не може да се препора комбинирање на вакцини во овој момент“, истакна портпаролката на СЗО, Маргарет Херис на редовниот брифинг со новинарите во Женева.

Таа нагласи дека таквиот став го усвоила Стратешката експертска советодавна група за имунизација (САГЕ) во февруари за време на објавувањето на препораките за вакцината на Астра Зенека и пред информациите за евентуална поврзаност на тој препарат со многу ретки несакани ефекти што беа регистрирани.

– Научниците тогаш побараа да се испита можноста за комбинирање на вакцини против Ковид-19, изјави Херис.

Француските власти неодамна донесоа одлука луѓето на возраст под 55 години, кои ја примиле првата доза на Астра Зенека, да бидат ревакцинирани со Фајзер или Модерна, врз основа на mRNK.

Одлуката се однесува на околу 533.000 луѓе во Франција, каде вакцинацијата со Астра Зенека за помлади од 55 години беше прекината на 19 март поради појава на ретка тромбоза во Европа, како несакан ефект од употребата на тој препарат.

Европската агенција за лекови (ЕМА) во средата објави дека индивидуалните случаи на згрутчување на крвта по имунизација со вакцината на Астра Зенека се „ретки несакани ефекти“ на вакцината и не можат да бидат поврзани со возраста, полот или историјата на болести.

Ставот на ЕМА е дека придобивките од вакцината се поголеми од ризиците.

(Видео) Спаси човек од сигурна смрт за дел од секунда

Министерот за железници на Индија, Пијус Гојал, сподели видео со своите следбеници на Твитер, кое стана вирално за кратко време.

На видеото се гледа како полицаец спасува живот на постар сограѓанин кој веќе паѓал под воз со феноменална реакција.

„На станицата во Мадхупур во Раџастан, еден постар сограѓанин за малку ќе загинеше пред железничка несреќа. „Горди сме што имаме такви полицајци и службеници за спроведување на законот кои се во можност да одговорат на предизвиците на овој начин“, напиша Гојал.

Во Индија, несреќи од овој тип се вообичаени бидејќи луѓето најчесто користат возови како превозно средство за работа.

Новото истражување на научниците покажа дека сончевата светлина го деактивира коронавирусот

Новото истражување на научниците покажа дека сончевата светлина го деактивира коронавирусот осум пати побрзо во експериментални услови отколку што е предвидено со теоретските модели, што дава трошка надеж дека е возможен пресврт во пандемијата.

Паоло Лузато-Фегис, експерт за машински инженеринг од Универзитетот во Калифорнија, ги анализирал студиите од минатата година што ги проучувале ефектите на различните форми на ултравиолетово зрачење и по тој повод откриле значителни разлики.

– Теоријата претпоставува дека деактивирањето работи со тоа што УВБ го инфицира РНК (рибонуклеинска киселина) на вирусот и со тоа го оштетува – изјави тој.

Сончевата светлина содржи три вида ултравиолетови зраци: УВА, УВБ и УВЦ. Првиот е типот што го сочинува најголемиот дел од ултравиолетовото зрачење што стигнува до површината на Земјата, а тоа се подолги бранови што немаат доволно енергија за да предизвикаат поголеми проблеми. УВБ-брановите со среден опсег можат да уништат микроби и да предизвикаат изгореници на човечката кожа.

Од друга страна, УВЦ се состои од пократки, посилни бранови должини на светлината, за кои претходно се покажа дека деактивираат вируси, како што е САРС-КоВ-2, од кој е предизвикан ковид-19.

Сепак, овој вид ултравиолетово зрачење обично не доаѓа во контакт со површината на Земјата поради озонот во атмосферата што го филтрира.

Експерименталната студија во јули минатата година ја тестираше јачината на УВ-зрачење на САРС-КоВ-2 во симулирана плунка и покажа дека вирусот е деактивиран за помалку од 20 минути.

Следниот месец беше објавена теорија, според која, сончевата светлина може да го постигне истиот ефект.

Заклучокот од таа втора студија беше дека САРС-КоВ-2 е трипати почувствителен на УВ-зрачење на сончева светлина отколку вирусот на грип А, додека повеќето честички од коронавирусот се деактивираат по само половина час изложеност на летна сончева светлина. Од друга страна, под зимската сончева светлина, вирусот може да преживее со денови.

Истражувачите веруваат дека е можно, наместо да дејствува директно на РНК, УВА-зрачењето да комуницира со молекулите за да дејствува за да се забрза деактивацијата на вирусот.

Оваа студија исто така сугерира дека УВА-зраците може да се користат за опрема, како што се системите за прочистување на воздухот, притоа обезбедувајќи евтино и енергетски ефикасно средство за намалување на ширењето на вирусните честички.

Популарно