(Фото) Руската вакцина против вирусот ќе биде поефтина од останатите!

Цената на руската вакцина Спутник 5 ќе биде многу пониска од цената на вакцините на компаниите „Фајзер“ и „Модерна“.

Цените на вакцините ќе бидат објавени следната недела, но секако ќе чинат помалку од останатите вакцини, соопшти претставник на Рускиот фонд за директни инвестиции.

„Објавените цени од 19,5 долари по доза за вакцината Фајзер и 25-37 долари за вакцината Модерна всушност значат цени од 39 и 50-74 долари по лице. На едно лице му се потребни две дози од вакцината. Цената на СПутник ќе биде многу пониска“, пишува во соопштението.

Вакцината Спутник се произведува во Научно-истражувачкиот институт и на 11 август доби потврда за регистрација од Министерството за здравје на Русија. Во моментов во истражувањата учествуваат 40.000 доброволци.

Официјално измерено: А1 ИМА ПОДОБРА МРЕЖА И БРЗИНА ОД ТЕЛЕКОМ

Агенцијата за електронски комуникации (АЕК) ги објави извештаите за состојбата на квалитетот на јавни електронски комуникациски услуги обезбедени преку јавни електронски комуникациски мрежи за населените места Тетово и Илинден кои се базираат на мерењата кои АЕК ги спроведе во период од 16.10.2020 до 04.11.2020.

Во овие мерења беа опфатени и населените места Скопје, Куманово и Желино за кои Агенцијата веќе објави извештаи.

Направените мерења се обврска која произлегува од Правилникот за параметрите за квалитет на јавните електронски комуникациски услуги обезбедени преку јавни радиокомуникациски мрежи, според кој АЕК ги контролира и мери параметрите за квалитет на јавните електронски комуникациски услуги. Мерењата се однесуваат на безжичните услуги кои ги пружаат операторите А1 Македонија ДООЕЛ и Македонски Телеком АД Скопје.

Извештајот за населеното место Тетово покажува дека, независно од технологијата, операторот А1 обезбедува 100% покриеност со сигнал, а Македонски Телеком 99,85%. И кај двата оператори не се забележани прекинати повици, додека А1 нема неуспешни повици, а кај МТ се измерени 0,8%. И двата оператори обезбедиле приближно ист квалитет на говор и време за воспоставување повик далеку пониско од 7 секунди зададени од АЕК.

Во поглед на брзината на пренос на податоци, во Тетово за симнување фајл со големина од 10GB операторот А1 Македонија обезбедува брзина за пренос на податоци од 100.929 Mbps, додека кај Македонски Телеком била измерена брзината од 76.002 Mbps.

На подрачјето на Општина Илинден и двата оператори имале 100% достапност, операторот А1 немал неуспешни и прекинати повици, додека кај Македонски Телеком биле измерени 1,1% неуспешни и 2,2% прекинати повици. Задолжителната целна вредност дефинирана од АЕК и за двата параметри била помалку од 2%.

На ова подрачје Македонски Телеком обезбедува помала брзина на пренос на податоци од задолжителната целна вредност дефинирана од АЕК која е утврдена да мора да биде поголема од 55.000Mbps.

Брзината со која корисниците на мобилен интернет на Македонски Телеком можат да симнат фајл од 10 GB на подрачјето на Општина Илинден изнесува само 31.039 Mbps. Кај операторот А1 измерената брзина на пренос била 82.530 Mbps.

Извештаите од извршените мерења на АЕК се објавени на https://komuniciraj.mk/mk/izmereni-

parametri-za-kvalitet-2020/.

Компанијата „Брако“ го содаде првото македонско хидрогенско возило

„Брако“ го создаде првото возило во Европа за одржување хигиена во урбани средини, кое испушта вода наместо издувни гасови. Холандските градови Амстердам, Утрехт и Ротердам се првите кои ќе ја одржуваат хигиена со овие велешки еколошки возила.

Возилата со погон на хидроген (водород) денес се последен збор на технологијата во автомобилската индустрија. Се смета, а веќе и во праксата се потврдува, дека водороводот може да ги надомести „слабите точки“ на стандардните возила на електричен plug-in погон. Со други зборови, хидрогенските возила се еден сосема нов, револуционерен концепт на развојот на хибридни возила, хит на т.н. зелена индустриска револуција.

Велешки „Брако“ на самиот врв на сцената на која се одигрува зелената индустриска револуција

Можеби звучи нестварно, но жива вистина е – една македонска компанија е на самиот врв на сцената на која се одигрува оваа револуционерна промена. Станува збор за велешката компанија „Брако“, која ја произведе првата во Европа еколошка машина за одржување на хигиена во урбани средини, под брендот„Green Machines“, GM500H2.

Ова е тоа чудно возило, гордост на нашата земја:

Тим од 15 инженери од  Македонија, во соработка со инженери од Холандија, работеа на еколошкото возило за чистење што наместо издувни гасови, испушта вода.

– Горди сме што во време на пандемија останавме фокусирани и силно мотивирани и ја создадовме новата еколошка машина за одржување на хигиена во урбани средини под брендот „Green Machines“ ( GM 500H2), чиj погон работи на најчистото гориво хидроген (водород). Холандските градови Амстердам, Утрехт и Ротердам се први кои ќе ја одржуваат хигиена со овие велешки еколошки возила кои испуштаат вода, наместо издувни гасови и не загадуваат. Среќен сум дека вроди со резултат нашата посветеност да го намалиме и минимизираме човечкото влијание врз природата и максимално да ја зголемиме ефикасната употреба на ресурсите. Еко визијата ја  препознаа и во останатите земји ширум светот, па така интерес за новата еколошка машина за одржување на хигиена во урбани средини има и од САД, Велика Британија, Јапонија, како и од скандинавските земји – вели  Иле Атанасов, директор на „Брако“.

Пред нешто повеќе од еден месец лично ја посетив компанијата „Брако“ и можев и самиот да се уверам во тоа како се градат и како функционираат возилата на компанијата „Green Machines“, која од октомври 2019 година е во сопственост на велешки „Брако“, но има долгогодишна традиција во областа на производството на технолошки напредни и иновативни машини за одржување на хигиената во урбани средини и важи за глобален лидер со врвна репутација. Тогаш ги видов првите видео-снимки на демо-возилото GM500H2.

Не треба човек да е експерт во автомобилската индустрија за веднаш да сфати што значи овој концепт од аспект на економичноста и особено од аспект на заштитата на животната средина. Под „ауспухот“ на ова чудно возило можете да наполните чаша чиста вода и буквално да ја испиете. Посакав веднаш со читателите на Плусинфо да ја споделам информацијата за велешкото чудо од возило.

Но, љубезните домаќини тогаш беа во завршна фаза на лансирањето на овој револуционерен производ, кој сега целосно се произведува во Велес, од каде што се извезува низ целиот свет, од Лондон до Сингапур. И како сериозни инженери и луѓе, ме замолија да почекам на официјалната промоција, според онаа народната – прво скокни, па кажи оп. И ете, сега веста за создавањето на оваа неверојатна машина ја објавија голем број медиуми од Европа и од светот, поздравувајќи го иновативното решение.

Грандиозни успеси во време на најтешката криза во историјата на земјава

Инаку, инвестирањето во зелените машини, како и во нови технолошки постројки, е дел од поширок инвестициски и развоен циклус во „Брако“, каде што се вработени над 600 лица. Велешката компанија е една од најнапредните технолошки компании и е  меѓу најголемите извозници во Северна Македонија, чие доминантно производство од 95 отсто  е наменето за извоз во повее од 30 земји.

Годинава, во време на криза и најтешките логистичко-технолошки услови за работа, компанијата успеа да го задржи производството како и да го зголеми бројот на вработените. Инвестициост циклус во вредност од 8 милиони евра на велешки „Брако“ опфаќа вложувања во напредната технологија на CNC управувачки машини, инвестиции во нов погон за комплетно еколошко поцинкување, нова опрема за лин производство како и нова менза за вработените.

Патем речено, ми беа потребни добри два часа одење со брзо темпо за да ги посетам новите хали и да ги видам новите машини во велешки „Брако“. Сосема друга, спектакуларна приказна е производстваната програма на медицински помагала, за која кај нас малку се знае. Но, за тоа во некоја друга прилика…

Освен што воодушевува производната линија на возилата на „Green machines“, уште повеќе задоволство пружа глетката на спакувани возила кои чекаат да бидат испорачани на своите дестинации, некаде во Европа и во светот. Кога ја гледате таа сцена со сопствени очи, ја сфаќате големината на потфатот на велешките инженери, менаџери и работници, кои бијат успешно бијат лавовсска битка за освојување на европскиот и на светскиот пазар, каде што победуваат иновативните и револуционерни решенија.

И не може да не се возгордеете што сето тоа не се случува таму некаде зад океаните, туку тука, кај нас, во срцето Македонија, меѓу вредни луѓе посветени и заљубени во својата работа.

(Во подготовката на оваа статија е користено и официјалното соопштение на „Брако“ упатено до јавноста)

Извор: https://plusinfo.mk/

Популарно