Д-р Гњатовиќ објасни колку долго антителата штитат од Ковид 19

Српската докторка Марија Гњатовиќ, истражувач на Институтот за примена на нуклеарна енергија (ИНЕП), зборувала за имунитетот, антителата и реинфекцијата со коронавирус.

„Од почетокот на епидемијата тестиравме повеќе од 25.000 луѓе, од кои 1.000 ги следиме во склоп на студијата и се покажа дека повеќето од заболените од Ковид во текот на март се уште имаат антитела. Вчера овде беше жена која боледуваше во март и нејзиното ниво на антитела е ист како кога беше установено дека развила имунитет после инфекција. Ако природно стекнат имунитет трае во повеќето случаи еве веќе седум месеци, и тоа без значаен пад на ИдГ телата, немаме причина да не веруваме дека тие луѓе од Ковид 19 ќе бидат заштитени скоро една година“, објаснила докторката Марија Гњатовиќ, истражувач на Институтот за примена на нуклеарна енергија, за имунитетот и реинфекцијата со коронавирус.

Најпрво се сметаше дека имунитетот после прележана корона трае најмалку 3 месеци, за потоа да се смета дека ИдГ антителата подолго не штитат, смета докторката. Нагласила дека има и такви кај кои имунитетот се губи, како и дека тоа е најчесто случај кај лица кои имале асимптоматска форма на вирусот или многу блага клиничка слика.

„Не е дури ни правило имунитетот да исчезне кај сите кои и не знаејќи прележале вирус или многу лесно го пребродиле. Напротив, станува збор за помал број случаи, но и тие имаат друга имунолошка меморија“, додала докторката.

(Видео) 10 семејства добија помош од наградата од квизот „Се или нешто“

Десет семејства од социјално загрозена категорија, дел од програмата на хуманитарната организација Свети Спас, од црквата во Драчево, добија апарати за домаќинство, преку хуманитарната акција на Тв Сител и квизот „Се или нешто“.

Средствата во висина од 90.000 денари ги освоија новинарите Александар Спасовски и Марјан Николовски, кои учествуваа во божикното издание на квизот. Каде ќе заврши донацијата определи, отец Оливер Петровски.

Погледнете го видеото:

Денеска се празнува Св. маченица Татјана

Света Татјана потекнувала од видно римско семејство. Татко и три пати бил префект на Рим.

Уште од младоста била длабоко проникната од Христовата вера, а подоцна била посветена за ѓакониса. Како христијанка била забележана од римските власти, затворена и мачена.

После измачувањата била фрлена на лавовите, но овие се умилкувале околу неа како во времето кога животните живееја во мир со Адама. Најпосле и ја отсекле главата. Света Татјана пострада за Христа во третиот век.

Професор на Медицински факултет во Белград: Пандемијата може да се запре со пробиотици

Горан Белојевиќ, професор на Медицинскиот факултет во Белград, за ТВ Прва изјави дека мутацијата на коронавирусот е важна поради вакцинацијата.

„Вакцинацијата е ризична затоа што се натпреварувате со природата, односно со агенс што се менува. Ако се промени толку многу, станува нов агенс и тогаш вакцината нема ефект“, смета Белојевиќ.

Важно е да се обезбеди доволна доза за ревакцинација и не смее да се случи вакцината за ревакцинација да истече, што е важно за ефективноста на самата вакцина.

„Најдобрата вакцина е кинеската, таа е единствената класична вакцина, сè друго е генетска манипулација“, рече Белојевиќ, додавајќи дека американската ФДА нема да ја одобри кинеската вакцина од политички причини.

Кина профитира од пандемијата и ако и биде дозволено да ја дистрибуира вакцината и во Америка и во Европа, ќе ја внесе во економска орбита, смета Белојевиќ.

Професорот додава дека кинеската вакцина е далеку најскапа, и тоа не е случајно, но ќе ја има најмногу, затоа што Европа и Америка нема да ја одобрат.

Тој истакна дека ја поддржува вакцинацијата, но дека нема да се вакцинира од научни причини.

„Не можам да се разболам или да ја пренесувам инфекцијата бидејќи од минатата година бев под постојана заштита од пробиотици. Јас сум единствениот во светот кој смета дека пандемијата може да биде запрена од пробиотици“, рече тој.

Популарно