Израел открил лек за Ковид: Се инхалира директно во белите дробови

На лекот започнале да работат пред осум месеци, а во првата фаза од студијата, за пет дена излечиле 29. од 30. болнички пациенти со тешки симптоми. Денес лекот од нивните лекари,водачи на истражувањето, бил претставен во светот.

„Поздрав од Ерусалим, каде паѓа снег, тоа е чудо за нас“, рекол домаќинот на конференцијата во Ерусалим, која преку Зум собрала 150 учесници, претежно новинари од целиот свет. Чудесно им паднал снег, но тие го воведоа и своето медицинско чудо, EXO-CD24, лек кој на најтешките пациенти со Ковид им се инхалира директно во белите дробови и дава големи подобрувања за само неколку дена.

Прелиминарните резултати од клиничкото испитување на лекот во рамките на Медицинскиот центар во Тел Авив „Сураски“ ги презентирал проф.др. Надир Арбер, еден од водечките израелски интернисти и гастроентеролози, водач на истражување и д-р Ширан Шапира, директор на лабораторијата за молекуларна биологија во Центарот за дијагноза и превенција на карцином во болницата „Ичилов“.

„Бидејќи оди директно во белите дробови, лекот нема несакани ефекти, а им го дававме на пациентите пет дена. Пет од 30. добиле највисока доза, другите помалку. Сите беа излекувани за многу краток временски период. Лекот значително го „гасне“ хиперимуниот одговор на инфекцијата, таканаречената бура со цитокини, рекол д-р Арбер. Тоа е пренагласена реакција на имунитетниот систем на вирусот корона, кога во борбата против „непријателот“ што влегол во организмот, тој ги напаѓа дури и нашите здрави клетки. Таквата реакција, која може да биде фатална, се јавува кај пет до седум проценти од случаите на Ковид, кои завршуваат на апарати за дишење.

Истражувањето сè уште трае, а лекот ќе им биде достапен и на најсиромашните земји

„Во просек, луѓето кои примиле лек имале 58. години, но биле на возраст од 37. до 77. години. Една третина биле жени, а останатите биле мажи. После лекот, нивната сатурација значително се подобри, дишењето им беше олеснето, лекарот продолжил да зборува за откритието. На сите им беа потребни до шест дена да се опорават, освен на една пациентка, кај која траеше малку подолго, но и таа се опоравила.

„Да, ни се јавуваат од целиот свет, нема земја што не е заинтересирана за лекот, но истражувањето е во тек, рано е да се зборува за дистрибуција. Верувам дека ќе знаеме повеќе за неколку месеци“, рекол д-р Арбер. Производството на лекот не било скапо и тој искрено верува дека тој со својата цена ќе им биде достапен на сите земји, одговорил на прашањето на новинар од сиромашниот Непал. Израелски експерт заклучува дека ќе се потруди да биде така.

Лекот се базира на протеинот CD24, на кој израелски експерти работат веќе 20 години. Ја смирува имунолошката реакција, се вдишува еднаш на ден, само неколку минути за пет дена.

извор: ekran.mk

СЗО: Моментно не се препорачува комбинирање на вакцини против Ковид-19

Светската здравствена организација (СЗО) денеска повторно соопшти дека поради недостигот на „соодветни податоци“, не можат да се дадат препораки во врска со комбинацијата на различни вакцини против коронавирусот, што Франција го планира при ревакцинацијата на лицата помлади од 55 години кои ја примиле првата доза на Астра Зенека.

Нема соодветни податоци врз основа на кои би можело да се каже „дали може тоа да се направи“, па затоа експертите на СЗО заклучија дека „не може да се препора комбинирање на вакцини во овој момент“, истакна портпаролката на СЗО, Маргарет Херис на редовниот брифинг со новинарите во Женева.

Таа нагласи дека таквиот став го усвоила Стратешката експертска советодавна група за имунизација (САГЕ) во февруари за време на објавувањето на препораките за вакцината на Астра Зенека и пред информациите за евентуална поврзаност на тој препарат со многу ретки несакани ефекти што беа регистрирани.

– Научниците тогаш побараа да се испита можноста за комбинирање на вакцини против Ковид-19, изјави Херис.

Француските власти неодамна донесоа одлука луѓето на возраст под 55 години, кои ја примиле првата доза на Астра Зенека, да бидат ревакцинирани со Фајзер или Модерна, врз основа на mRNK.

Одлуката се однесува на околу 533.000 луѓе во Франција, каде вакцинацијата со Астра Зенека за помлади од 55 години беше прекината на 19 март поради појава на ретка тромбоза во Европа, како несакан ефект од употребата на тој препарат.

Европската агенција за лекови (ЕМА) во средата објави дека индивидуалните случаи на згрутчување на крвта по имунизација со вакцината на Астра Зенека се „ретки несакани ефекти“ на вакцината и не можат да бидат поврзани со возраста, полот или историјата на болести.

Ставот на ЕМА е дека придобивките од вакцината се поголеми од ризиците.

Новото истражување на научниците покажа дека сончевата светлина го деактивира коронавирусот

Новото истражување на научниците покажа дека сончевата светлина го деактивира коронавирусот осум пати побрзо во експериментални услови отколку што е предвидено со теоретските модели, што дава трошка надеж дека е возможен пресврт во пандемијата.

Паоло Лузато-Фегис, експерт за машински инженеринг од Универзитетот во Калифорнија, ги анализирал студиите од минатата година што ги проучувале ефектите на различните форми на ултравиолетово зрачење и по тој повод откриле значителни разлики.

– Теоријата претпоставува дека деактивирањето работи со тоа што УВБ го инфицира РНК (рибонуклеинска киселина) на вирусот и со тоа го оштетува – изјави тој.

Сончевата светлина содржи три вида ултравиолетови зраци: УВА, УВБ и УВЦ. Првиот е типот што го сочинува најголемиот дел од ултравиолетовото зрачење што стигнува до површината на Земјата, а тоа се подолги бранови што немаат доволно енергија за да предизвикаат поголеми проблеми. УВБ-брановите со среден опсег можат да уништат микроби и да предизвикаат изгореници на човечката кожа.

Од друга страна, УВЦ се состои од пократки, посилни бранови должини на светлината, за кои претходно се покажа дека деактивираат вируси, како што е САРС-КоВ-2, од кој е предизвикан ковид-19.

Сепак, овој вид ултравиолетово зрачење обично не доаѓа во контакт со површината на Земјата поради озонот во атмосферата што го филтрира.

Експерименталната студија во јули минатата година ја тестираше јачината на УВ-зрачење на САРС-КоВ-2 во симулирана плунка и покажа дека вирусот е деактивиран за помалку од 20 минути.

Следниот месец беше објавена теорија, според која, сончевата светлина може да го постигне истиот ефект.

Заклучокот од таа втора студија беше дека САРС-КоВ-2 е трипати почувствителен на УВ-зрачење на сончева светлина отколку вирусот на грип А, додека повеќето честички од коронавирусот се деактивираат по само половина час изложеност на летна сончева светлина. Од друга страна, под зимската сончева светлина, вирусот може да преживее со денови.

Истражувачите веруваат дека е можно, наместо да дејствува директно на РНК, УВА-зрачењето да комуницира со молекулите за да дејствува за да се забрза деактивацијата на вирусот.

Оваа студија исто така сугерира дека УВА-зраците може да се користат за опрема, како што се системите за прочистување на воздухот, притоа обезбедувајќи евтино и енергетски ефикасно средство за намалување на ширењето на вирусните честички.

Го обновува телото од глава до пети - лекува многу болести

Сремуш (Див лук) е самоникната јадлива билка со исклучителна лековитост и широк спектар на делување! Oваа чудесна билка, која природата и ја подарила и на Македонија во изобилство треба да се искористи на вистински начин.

Дивиот лук во 1996-тата година е прогласена за медицинска билка на годината во Европа, а познатиот природонаучник др.Кунцл вели дека ниту една билка на светот не е така делотворна во чистењето на цревата, желудникот и крвта, како што е тоа дивиот лук. Тој има голема лековита моќ, па дури и мечките кога ќе се разбудат од зимскиот сон, го бараат дивиот лук за да ги исчистат желудникот, цревата и крвта, па оттаму и едно од народните имиња на оваа билка е мечкин лук.

Дивиот лук содржи есенцијални масла богати со алин, изоалин и други сулфидни соединенија. Младите листови имаат 20-50 mg витамин Ц и околу 7% каротен.

Содржи алицин, еден од најмоќните антимикробни елементи во природата, па го нарекуваат и природен антибиотик. Поради високото количество аденозин, дури 20 пати е полековит од обичниот лук.

Дивиот лук го намалува високиот крвен притисок, ја намалува количината на липиди, триглицериди и холестерол и делува како антиоксиданс. Исто така, помага при настинки бидејќи има антибактериско дејство, штити од атеросклероза, не дозволува соединување на тромбоцитите и помага кај проблемите со чир на желудник.

Дивиот лук помага во подобрување на циркулацијата, благотворно делува на срцето, има антимикробно дејство(спречува инфекции и го забрзува зараснувањето на раните), го чисти организмот од штетни материи (пушење,алкохол и др.) покажува добро дејство во респираторните заболувања(бронхитис,астма и др.) и зацелување на рани(дерматитис итн). Дивиот лук (сремуш) е природен антиоксиданс и влијае во подобрувањето на имунитетот. Ефикасен е против цревни паразити кај деца и ја стимулира работата на желудникот и цревата.

Освен тоа дивиот лук (сремуш) може да се користи и надворешно, за измивање на косата со кое го спречува сезонското опаѓање на косата. Најдобро е неговото дејство тогаш кога капки од див лук се измешат со шампон од коприва и со тоа се мие косата два пати неделно. Така на природен и загарантиран начин ќе го намалите опаѓањето на косата.

Дивиот лук, за жал не е достапен преку целата година, но набран во фрижидер може да се чува неколку денови. Со сушење и готвење ги губи лековитите својства па затоа на пазарот се продаваат тинктури (капки) кои ќе можат да се користат кога ќе притребаат. Можете да припремите и лековито вино или други специјалитети кои се пијат или јадат веднаш по припремањето.

Популарно