Шетачот на кучиња на Лејди Гага раскажа за нападот

Рајан Фишер, човекот кој се грижи за кучињата на Лејди Гага, за првпат од болница проговори за „своето искуство блиску до смртa“, како што вели тој.

Фишер беше застрелан во градите минатата недела од киднапер на кучиња. Киднаперот и неговиот соучесник ги однесоа двата булдога на Лејди Гага, Коџи и Густав. Нападот се случи во Холивуд, Лос Анџелес.

Третиот булдог женка, Мис Азија, успеала да побегне од киднаперите, но потоа се вратила кај повредениот Фишер, кој  вели дека таа е неговиот „ангел чувар“.

Тој објасни дека штом ја видел покрај него додека лежел на земја во локва крв, Азија му влевала храброст и решеност да преживее.

„Моите панични врисоци се смирија додека ја гледав, иако сфатив дека крвта што се собира околу нејзиното мало тело е моја крв“, напиша тој на својот Инстаграм во понеделникот.

„Ја галев Азија колку што можев, ѝ се заблагодарив за сите неверојатни авантури во кои сме биле заедно, се извинив дека не можам да ги бранам нејзините браќа и потоа решив дека сепак ќе се обидам да ги спасам нив и себеси“, напиша Фишер.

Тој е сè уште во болница и заздравува од повредите од минатонеделниот напад.

Булдозите на Лејди Гага беа пронајдени во петокот вечерта, откако една жена ги донесе во полициска станица во Лос Анџелес. Властите соопштија дека жената не била вклучена во инцидентот. Полицијата допрва треба да идентификува осомничени лица.

Џенифер Анистон станува мајка на 52 години

Познатата американска актерка Џенифер Анистон (52) ги израдувала своите долгогодишни пријателки и колеги со веста дека ќе стане мајка.

Оваа вест е ударна во светските медиуми. Според нив, Џенифер одлучила после два разводи да посвои девојче кое го запознала во сиропиталиште во Мексико, а самиот процес трае повеќе од една година. Актерката веќе со години го финансира ова сиропиталиште, а финализирање на процесот на посвојуавње се очекува во јуни оваа година..

-Судот знае дека актерката несака да прави од ова голем медиумски настан и сака ова да биде лична и интимна одлука, но убавата вест ја споделила со своите колеги, заклучува изворот кој го пренесуваат светските медиуми.

(Фото) 78-годишниот пејач и неговата 61-годишна сопруга изгледаат двојно помлади

Легендарниот Пол Макартни ужива колку што може, а со својата сопруга Ненси Шевел во последните неколку недели одмара на островот Сент Бартс.

78-годишниот музичар и неговата 61-годишна сопруга, поголемиот дел од времето го поминуваат на плажа и не се обѕираат на вниманието на бројните фотографи кои постојано го следат секој нивен чекор.

Карипското море и сончевото време очигледно се полн погодок за славниот пар. Тие на островот престојуваат веќе неколку недели, па изгледа дека својот годишен одмор немаат намера брзо да го прекинат.

Тука ја прославиле и Новата година, а омиленото летувалиште на многу богати и славни е исто така и нивниот прв избор во последните години. Макартни кон крајот на минатата година изјави дека едвај чека враќање на музичката сцена, а истакна и дека ќе се вакцинира штом ќе дојде на ред.

Бројни негови обожаватели велат дека не можат да поверуваат во каква одлична форма е Пол и покрај своите години, а според неговите зборови од бројни интервјуа, нема намера да се пензионира и ќе настапува додека има сила и волја за тоа.

(Фото) Златан Ибрахимовиќ ќе заплива во актерските води

Златан Ибрахимовиќ неодамна учествуваше во шоу програмата на легендарниот музички фестивал „Санремо“, а веќе ја договорил и својата прва филмска улога.

Напаѓачот на Милан ставил потпис на договорот според кој ќе добие споредна улога во новиот филм за легендарните Гали, Астерикс и Обеликс.

Ликот кој ќе го игра Ибра се вика Антивирус и тоа го потврди Швеѓанецот со својата објава на Инстаграм, а името на филмот ќе биде Астерикс и Обеликс: Патот на свилата.

Премиерата на филмот е закажана за следната година.

Популарно