Документарецот открива што направил таткото на Бритни Спирс за да ѝ ги зема парите

Пејачката Бритни Спирс веќе 13 години не располага со својот имот – парите од концертите, турнеите, настапите и спонзорските договори одат на сметка со која располага нејзиниот татко Џејми Спирс.

Причината за тоа е скандалот од 2007 година, кога Бритни доживеа нервен слом и ја избричи нејзината глава пред објективите на папараците, поради што Џејми бараше поп пејачката да биде под негов надзор. И таа е, години наназад. Сега, во документарецот кој ќе биде емитуван на 5-ти мај се открива и како го направил тоа – во судските документи навел дека Спирс има деменција.

„На здравствениот картон Џејми го штиклирал полето покрај кое пишува „деменција или некоја друга состојба поради која е неопходен третман“, што е страшно и доколку е точно и доколку не е точно“, наведува новинарот кој го припремал документарниот филм за Бритни.

Таткото на пејачката неодамна дури и ја обвинил сопругата дека ја „експлоатирала ќерката“, а поради неодамнешната болест ја прогласил менаџерката на Бритни, Џоди Монтгомери, за нејзин привремен старател.

Бритни, сите овие години колку што е под надзор, ниту еднаш не била сослушана на суд по повод својата ситуација, а прва шанса да ѝ се укине надзорот сега кога има 39 години ќе добие овој јуни.

Во документарецот се преиспитува дали пејачката навистина боледува од деменција, а на социјалните мрежи веднаш започна расправа по повод ваквата информација. Фановите се сомневаат дека Бритни има деменција, бидејќи ако е така, „како таа би можела да ги научи и запомни сите песни и танцувачки кореографии?“.

По појавувањето на „Saturday Night Live“, Маск изгубил 20 милијарди долари

Шефот на компанијата „Тесла“, Илон Маск, наводно, изгубил повеќе од 20 милијарди долари откако минатиот викенд се појави како гостин-домаќин во емисијата “Saturday Night Live”.

Нето богатството на американскиот бизнисмен падна од 166 милијарди на 145,5 милијарди долари, откако во текот на минатата недела вредноста на акциите на произведувачот на електрични автомобили „Тесла“ падна за околу 15 отсто, покажуваат податоците што ги следи магазинот „Форбс“.

Без оглед на тоа, Маск и понатаму е третиот најбогат човек во светот.

Во текот на своето деби во оваа забавна емисија, ексцентричниот милијардер откри дека тој е „првата личност со Аспергеров синдром која е домаќин на шоуто – или барем првата што го признала тоа“.

Претприемачот исто така зборуваше и за најновите случувања на пазарот на криптовалути, како што се биткоинот и доџкоинот и изнесе шокантна проценка дека ова е втора „празна приказна“. Маск претходно јавно го промовираше тој токен, што ја искачи неговата цена на рекордни нивоа.

Неговите коментари изнесени во „Saturday Night Live“ го потресоа пазарот на криптовалутите, со тоа што вредноста на доџкоинот падна за повеќе од 30 отсто во рок од 24 часа. Во меѓувреме, оваа криптовалута повторно започна да расте по новиот твит на Маск и најавата дека платформата „Coinbase“ ќе ја смести оваа криптовалута во понудата.

По ТВ настапот, Маск исто така објави дека „Тесла“ се откажува од прифаќање на биткоин како платежно средство за неговите автомобили.

Последните потези на Маск наводно ги збуниле инвеститорите, предизвикувајќи дополнителна нестабилност на цените на акциите на „Тесла“, кои паѓаа во текот на минатиот месец поради општата распродажба на акции на големите технолошки гиганти на берзата и растечката неизвесност во врска со бизнисот на овој произведувач на автомобили во Кина.

(Фото) Анџелина Џоли како калуѓерка - на +30 степени покриена од глава до пети

45-годишната актерка Ангџелина Џоли е позната по тоа што последнава година носи безбојна облека без конкретен крој. Обично одбира крем бои, сиви и црни комбинации, ретко се шминка, а на нозете влечки. Така и овој пат на Денот на мајките се прошетала со 12-годишната ќерка Вибијен по сончевиот Лос Анџелес.

На +30 степени Анџелина носела црн фустан со долги ракави, кој достигнува до петите. Закопчана до грла, изгледала како калуѓерка.

Ако има стилист, како секој актерка во Холивуд, како тоа да досега не го отпуштила? Сите се прашуваат што Анџелина се обидувала да сокрие со оваа облека: анорексијата или раните од самоповредувањето, како што пишуваат странските медиуми?

(Фото) Во овој фустан и со ваква фризура изгледа како девојка

Брижит и Емануел Макрон го угостија претседателот на Аргентина, Албертo Фернандез и неговата сопруга Фабиола, во Елисејската палата.

Брижит за оваа прилика ги носела своите омилени високи потпетици – моделот „Eyeline“ од црна кожа на модната куќа „Louis Vuitton“. Овие салонки се одликуваат со врвна елеганција, а дополнителна доза на луксуз им дава златниот детаљ над потпетицата од 10 центиметри.

Со отмените чевли, Брижит носела фустан во нејзиниот препознатлив стил кој се одликува со чисти линии и шик едноставност. Модните комбинации на првата дама на Франција секогаш се многу едноставни и префинети, но тука секогаш се деталите кои ги прават поинтересни.

Кај овој фустан во темнозелена боја, рамен крој кој ја следи линијата на телото и должина до колената, тие детали се волуменозните ракави во ретро стил кои ѝ даваат доза на романтика на целата комбинација. На Брижит одлично ѝ прилегала и младешката фризура – коса врзана во полуреп која ги „одзема“ годините.

Ваквите фризура и избор на фустан биле во корист на 68-годишната прва дама на Франција бидејќи благодарение на нив, таа изгледала како девојка!

Популарно