Ова се пет причини зошто се дебелеете на стомакот

Живот

на 6.2021

Ако со диети и вежбање не се постигнува очекуваниот ефект и не се губи вишокот од стомакот, можеби правите некои грешки кои ја саботираат целта. Ова се 5 чести виновници поради кои наслојките на половината не сакаат ,,да си заминат,,.

1.НЕДОСТИГ НА МАГНЕЗИУМ

На нашето тело му е потребен магнезиум за нормално работење на срцето, нервите и мускулите, а учествува и во активацијата на повеќе од 300 ензими кои обезбедуваат непречен ток на бројни процеси во телото.

Но, овој важен нутритиент има влијание и на губењето килограми и обликувањето на телото. Истражувањето објавено во Journal of Nutrition открило дека доволното консумирање на магнезиум се поврзува со ниското ниво на гликоза и инсулин (показатели за дебелеењето).

Друго едно истражување открило дека магнезиумот делува ефикасно и на чувството на надуеност во текот на менструалниот циклус. Имено, оние жени кои во организмот имаат доволно магнезиум се чувствуваат помалку надуено и отечено.

Совет: Храната богата со магнезиум е зелениот лисјест зеленчук, гравот, мешунките и јаткастите плодови. Ако сакате да земате надоместоци од магнезиум, задолжително консултирајте се со стручњак.

2. ХРАНА СО ПРЕМНОГУ СОЛ

Кога имате чувство дека по некое солено јадење се чувствувате надуено, не ви се присторува. Голема количина сол на дневна база може да ви го ,,надува,, изгледот. Дури повеќе од 90 % од луѓето ја пречекоруваат дневна доза сол од 4 грама, што ги саботира напорите за губење вишок на стомакот.

Совет: За да го намалите вносот на сол во организмот одбегнувајте сол во храната. Вкусот на јадењата засилете го со разни зачини. Обидете се да готвите со кумин, чили, ѓумбир, рузмарин или цимет. На тој начин солта нема да биде единствениот засилувач на вкусот и ќе ви треба во многу помала количина.

3. КОНСУМИРАЊЕ ГАЗИРАНИ ПИЈАЛОЦИ

Газираните пијалоци се празни калории кои влијаат на обемот на половината. Имено, само две чаши газиран пијалок дневно предизвикува салото во пределот на стомакот да се собира пет пати побрзо. Големата количина шеќер во овие пијалоци предизвикува желба за храна, па јадете повеќе отколку што треба.

Совет: Одлична и здрава алтернатива на газираните пијалоци се природните овошни сокови. Освен тоа, држете се до препорачаните осум чаши на ден вода дневно и обидете се да своето мени да ги ставите чаевите, секако незасладени.

4. ПРЕМАЛКУ СОН

Ако имате чувство дека постојано ви недостига сон (освен што сте веројатно хронично уморни) ,,спречувате,, да се топат масните наслаги од стомакот. Истражувањето објавено во American Journal of Epidemiology открило дека жените кои спијат само пет часа имаат 32% шанси да бидат дебели од оние кои спијат повеќе. Имено, поради недостигот на сон во текот на денот консумирате повеќе масна храна, а виновник за тоа е грелинот. Производството на овој хормон на гладот, како што го нарекуваат, е токму зголемено поради недостигот на сон.

Совет: За да го регулирате апетитот, а со тоа и тежината и салото околу стомакот, спијте препорачaн број часови, најдобро од седум до девет часа во текот на ноќта. За да спиете поквалитетно, исфрлете ги сите електронски уреди од спалната, собата нека ви биде малку постудена од остатокот на станот. Идеална температура е 18 степени. Одбегнувајте кофеин доцна навечер и држете се до рутината на спиење, дури и ако тоа значи станување рано за време на викендите.

5. ЈАДЕТЕ ПОГРЕШНИ МАСНОТИИ

Телото не реагира на ист начин на сите маснотии. Истражувањата покажуваат дека високот внос на заситени масти (како оние од животинско потекло) го зголемуваат насобирањето на масти. Од друга страна, незаситените маснотии кои содржат омега-3 масни киселини како ние во кокосот, ленот, оревите, семките од сончоглед, маслиново масло, авокадото, делуваат противвоспалително и имаат одличен ефект врз телото.

Совет: Коригирајте го консумирањето на маснотии и избалансирајте ја исхраната, бидејќи преголемата количина било на заситени или на незаситени масти нема да има позитивен ефект врз вашата линија.

Почина млада српска пејачка

Живот

пред 3 дена

Српската пејачка Хариета Симиќ, позната под прекарот Харина, почина од рак на 13 април во Смедерево, во болница, на 41-годишна возраст.

Пејачката за страшната дијагноза дознала пред две години, а бидејќи ракот веќе се проширил, и биле отстранети двете дојки и почнала со хемотерапија.

Хариета на својот Инстаграм профил неодамна раскажа за својата тешка судбина и ги замоли сите луѓе со добра волја да ѝ помогнат преку Инстаграм доколку имаат можност.

По операцијата кога ми ја отстранија дојката, одев на хемотерапии и ми рекоа дека сум здрава, меѓутоа, само два месеци подоцна отидов на контрола и докторката ми најде метастази на вратот – раскажала тогаш Хариета, која по операцијата почнала да добива различни симптоми, почнала да кашла и добила антибиотици.

– Ништо не ми помогна, а потоа отидов на снимање на белите дробови и открија дека имам метастази насекаде по белите дробови. Се чувствувам како да имам еден тон на градите, тешко дишам – раскажала пејачката.

Нејзиниот сопруг ја напуштил седум дена по операцијата. И рекол дека има нова жена и дека со неа ќе се венча.

Над 400 приватни специјализанти стапија во штрајк

Здравје

пред 3 дена

Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело. Штрајкот ќе го прекинат, како што најавија, само доколку добијат писмена гаранција за исполнување на барањата.

- За жал, се решивме на овој чекор бидејќи Министерството за здравство нема слух за решавање на нашите проблеми, изјави доктор Христина Илиоска Чешлароска, приватен специјализант по интерна медицина, трета година.

Таа потсети дека по протестот во март, имале средба со министерот за здравство на која им било ветено дека нивните барања ќе се најдат на седница на Влада., но дека засега немаат никаков одговор.

Како што соопшти Илиоска Чешлароска, добиле повик од претставник во Министерството за здравство и им било кажано дека денеска во 14 часот ќе се одржи средба во Влада.

-Петмина наши претставници ќе бидат на таа средба, но, немаме информација кој се ќе присуствува и дали ќе бидат прифатени нашите барања. Штрајкот продолжува, се додека не добиеме писмена официјална гаранција дека барањата ќе бидат исполнети, нагласи Илиоска Чешлароска.

Тамара Пејоска, специјализант на пластична и реконструктивна хирургија, прва година, рече дека работно максимално се посветуваат, а се ставени во разочарувачка деградирачка позиција. На протестот беше нагласено и дискриминирањето при остварување на мајчинство и породилно отсуство, бидејќи тогаш се укинува надоместот. Сите овие луѓе, беше кажано на протестот, имаат желба да останат во државата, да работат и да се грижат за пациентите.

Приказната за скопското бездомно куче Чопер и виетнамскиот јутјубер Ву

Живот

пред 5 дена

Македонските граѓани трагаа неколку денови по бездомното куче Чопер,тоа повторно се најде во рацете на неговите сопственици кои случајно го запознаа, додека биле на привремен престој во Скопје.

Тие утре, заедно со бездомното куче од скопските улици, ќе отпатуваат за Германија.

Приказната започна на социјалните мрежи каде што младиот тиктокер и јутјубер, Филип Ву, кој потекнува од Виетнам, побара помош од Македонските граѓани. Овој човек патувал на повеќе дестинации во светот, а животот го донел и во нашата земја.

„Ако сте од Скопје, Македонија или знаете некој од таму, ми треба вашата помош …“, го започнува видеото.

На својот „Инстаграм“ профил, Ву објаснил како додека престојувал во нашата татковина започнал да се грижи за бездомно куче, хранејќи го секојдневно. По извесно време, кучето ја стекнало неговата доверба и почнало да го пречекува кога и да се враќал дома.

Љубовта била обострана, па така овој човек се одлучил да го посвои животното, откако ќе се врати од Германија во Македонија со автомобил. За тоа време, планот бил кучето да престојува кај неговиот пријател од Скопје.

Но, во периодот додека бил отсутен кучето се изгубило.

За среќа, со помош на македонските граѓани, Чопер е пронајден и заедно со јутјуберот Филип Ву, „ќе поднесе документи за германско државјанство“.