Зошто нозете ни отекуваат кога е топло?

Постојаните промени на времето ова лето и високиот воздушен притисок, многумина ги поврзуваат со отекување на нозете и стапалата, модринки, виолетови дамки и вените што се појавија. Ги откриваме најчестите причини за овие проблеми, но коишто не се поврзани со сериозни здравствени состојби. Додека за здравствените проблеми треба секако да го посетите вашиот лекар, можете да спречите некои од причините – пренесува net.hr.

Отекувањето на нозете, рацете и лицето може да укаже на состојба во која телото задржува премногу вода. Најчеста причина за ова е продолжено седење или стоење. Треба да престанете со секоја таква долготрајна активност, со малку шетање и истегнување на нозете ако седите подолго време или со седење со нозете поткренати на високо, ако стоите долго време.

ВИШОК КИЛОГРАМИ

Оптеретување на нозете, недостиг на рекреација и несоодветен внес на вода – може да биде причина за отекување на стапалата кај луѓе со прекумерна тежина. Несоодветната нега на тело доведува до затворен круг на симптоми, а единственото решение е лицето да поработи на својата телесна тежина преку соодветна исхрана, да го поттикне метаболизмот и да започне со рекреација.

РАБОТА НА СРЦЕТО

Кај постарите лица, работата на срцето слабее со годините, а самата гравитација предизвикува водата  да се акумулира во долните делови на телото. Оток во стапалата и нозете најчесто се јавува кај постари луѓе кои се движат релативно малку.

ДЕХИДРАЦИЈА

Во почетната фаза на дехидрација, телото почнува да собира вода за подоцна. Овие резервоари на вода најчесто се глуждовите, зглобовите, па дури и долниот дел на стомакот. Пијте најмалку 1 до 2 литри вода на ден, а кога е многу топло уште повеќе.

КАКО ДА СИ ПОМОГНЕТЕ

Откриваме мали трикови што можете веднаш да ги примените :

  • · Подигнете ги нозете на ниво над срцето (или барем во иста рамнина),
  • · Јадете повеќе протеини (го поттикнуваат  отстранувањето вишокот вода),
  • · Избегнувајте стоење, седење или шетање подолго време,
  • – Пијте диуретици (во консултација со вашиот лекар),
  • · Вежбајте 30 минути на ден (аеробното вежбање ја стимулира циркулацијата),
  • · Конзумирајте повеќе витамини и минерали од храната,
  • · Намалете го внесот на солта во исхраната,
  • · Намалете ја телесната тежина ако изврши притисок врз нозете,
  • · Користете производи кои ќе ви овозможат инстант олеснување, ќе ве ослободат од болката поврзана со оток и ќе ги намалат проширените вени.

Поради ова луѓето што престануваат со пушење се дебелеат

Сигурно сте забележале од лично или од туѓо искуство дека поголемиот број од луѓето ја зголемуваат нивната телесна тежина откако ќе ги остават цигарите.

Грчките научници потврдиле дека кај лицата кои неодамна престанале да пушат е потребно повеќе време да се намали нивото на грелин (односно хормонот на глад) во желудникот.

По оброкот, кога сме јаделе доволно, доаѓа до намалување на овој хормон и тогаш мозокот добива сигнал дека сме најадени.

Меѓутоа, доколку нивото на грелин останува покачен подолго време, подолго ќе јадеме и на тој начин ќе внесеме поголема количина на храна.

Токму поради ова откако ќе се престане со пушење се зголемува апетитот и со самото тоа дневното внесување на калории, поради што најчесто доаѓа до зголемување на телесната тежина.

Ослободете го вашето тело од собраните токсини, исфрлете го песокот и камењата од бубрезите

За подготовка на овој напиток ви се потребни само 2 состојки. Истражувањето покажало дека секоја 20-та личност пати од камен во бубрегот.

Кога поминува низ уринарниот тракт тоа може да биде многу болен процес. Меѓутоа, благодарение на само една намирница, од каменот во бубрег може да се ослободите за краток временски период.

Просото во медицината се користи одамна, а неговите дејства врз нашето тело се многубројни.

Просото е хранлива и здрава намирница која му годи на нашето тело. Што се однесува до каменот во бубрег, просото делува така што ги разградува камчињата, песокот и талогот во бубрезите. Исто така тој успешно ги чисти бубрезите од токсини.

За подготовка на овој напиток ќе ви бидат потребни следните работи:

- 200 грама просо;

- 2 литри вода;

- поголемо тенџере;

- стаклена тегла.

Подготовка:

Навечер измијте го просото во топла вода и оставете го така да отстои цела вечер, па следното утро просото ставете го во тенџере.

Загрејте 2 литри вода, па прелијте го просото. Затворете го тенџерето и оставете да отстои еден ден. Навечер процедете ја течноста и ставете ја во стаклена тегла, па затворете ја теглата.

Овој напиток пијте го секој ден (во временски период од 10 дена), најмалку една чаша дневно.

Храна од која ќе имате енергија во текот на целиот ден

Многумина од нас веднаш штом се разбудат сакаат да се расонат и да го зголемат нивото на енергија со кафе или чај. Меѓутоа, многу експерти не препорачуваат топли пијалаци наутро, туку денот да го започнете со чаша вода, па суво овошје, па по еден час може да следи и кафето.

За да имате постојано енергија мора редовно да јадете, тоа значи барем 5 мали и внимателно одбрани умерени оброци на ден. Ако се прејадете, брзо ќе почувствувате надуеност, непријатност во стомакот, па дури ќе се чувствувате поспани.

Нутриционистот Вибха Пури за PinkVilla наведе неколку намирници кои ќе ви помогнат во текот на целиот ден да бидете енергични.

Банани

Богат извор се на калиум, витамин Б6 и сложени јаглехидрати. Бананата може да послужи како гориво за тренинг или извор на енергија за вршење на секојдневните обврски. Освен витамин Б6, содржат и витамин Ц кој е силен антиоксиданс бидејќи ги штити клетките од слободните радикали. Исто така, воој витамин помага при апсорбиција на железото и во создавањето на колаген.

Може да јадете банани за појадок или како ужина пред тренинг.

Јајца

Белките се богати со протеини кои не одржуваат силни и активни во текот на денот.

„Јајцата во изобилие содржат аминокиселина наречена леуцин која помага во разградување на мастите за создавање константна енергија“, вели Пури.

Јаткасти плодови

Општо е познато дека јаткастите плодови се неверојатен извор на јаглехидрати, влакна и омега-3 масни киселини. Оревите, индиските ореви и бадемите се најдобар извор. Учествуваат во зголемувањето на нивото на енергија и го одржуваат човекот неуморен во текот на денот.

„Сите јаткасти плодови, кога се консумираат со кој било млечен производ, го зголемуваат нивото на енергија, задржувајќи ја во текот на денот“, објаснува Пури.

Риба

Масната риба е богат извор на омега масни киселини. Лососот и туната се најдобар извор. Богати се со витамин Б12 кој со фолната киселина делува на регулација на црвените крвни клетки и го подобрува железото.

„Подобри црвени крвни клетки значат подобра енергија и помалку умор“, додава Пури.

Популарно