Бритни Спирс прави пауза на социјалните мрежи по свршувачката

Американската поп sвезда Бритни Спирс најави дека прави пауза од социјалните мрежи за да ја прослави свршувачката.

39-годишната Бритни минатата недела објави дека ќе се омажи за нејзиното долгогодишно момче, а сега и свршеник, Сем Асгари.

Откако го избриша својот профил на Инстаграм, Спирс им рече на фановите на Твитер: „Не грижете се … наскоро ќе се вратам“.

Таа ги користеше своите профили на социјалните мрежи за да ги известува фановите за правната битка за ставање крај на 13-годишниот конзерваторски надзор, кој го контролира нејзиниот личен живот и финансии. Ваквиот надзор беше наметнат во 2008 година, кога се појави загриженост за нејзиното ментално здравје.

Според неколку американски портали, пејачката пред да го избрише својот Инстаграм-профил споделила објава на Инстаграм во која пишува: „Чекав 13 години за својата слобода“.

(Фото) Актерот веќе 3 години одбива да ја запознае својата ќерка

Поранешната девојка на Овен Вилсон го обвинила актерот дека никогаш не сакал да ја запознае нивната 3-годишна ќерка.

Како што пишува „Daily Mail“, Вилсон никогаш не остварил никаков контакт со својата ќерка, додека со синовите Роберт и Фин кој ги добил со две различни жени, има нормален однос.

„За жал, никогаш не ја запозна“, потврдила Варуни Вонгсвиратс, поранешната девојка на Овен, а претходно истакнала дека го преколнувала да го стори тоа, меѓутоа актерот одбивал.

„Помага финансиски, но никогаш не стануваше збор само за тоа. На Лајла ѝ е потребен татко. Иронично е како во филмовите глуми улоги на грижлив татко, а никогаш не ја сретнал сопствената ќерка“, заклучила Варуни.

За потсетување, Варуни и Овен беа 5 години во врска, а актерот во 2018 година направил тест за татковство кој потврдил дека тој е биолошкиот татко на малата Лајла.

Адел: „Свесно му го уништив животот на синот за јас да бидам среќна“

Британската пејачка Адел веќе некое време е во центарот на вниманието на медиумите ширум светот, со оглед на тоа дека неодамна сподели информации од приватниот живот за кој долго се шпекулираше.

Пејачката најави дека нејзиниот нов албум наречен „30“ излегува на 19-ти ноември, а во интервјуто кое го дала за престижниот магазин „Вог“ открила дека во новите песни ги опишала сите сомнежи кои ги имала во бракот со поранешниот сопруг Симон Конецки, омразата кон себеси, но и причините зошто се развела.

Имено, таа вели дека овој албум е создаден за нејзиниот син да сфати зошто таа го оставила неговиот татко.

„Мислам дека овој албум зборува за самоуништувањето, искреноста кон себеси и искупувањето. Но, спремна сум да ги слушнам реакциите на луѓето на мојата приказна. Со овој албум сакам да му објаснам на мојот син, кога ќе има 20-30 години, зошто самоволно одлучив да го уништам целиот негов живот поради својата среќа. Понекогаш е многу несреќен бидејќи неговиот татко и јас сме разведени. Тоа е жива рана за мене и не знам дали некогаш ќе може да закрепне од тоа“, рекла Адел.

За потсетување, кон крајот на април 2019 година беше објавена веста дека Адел и нејзиниот сопруг Симон Конецки се разведуваат, а парот го има 9-годишниот син Анџело Адкинс.

Пејачката признала дека одлуката за развод ѝ била претешка, но дека имала пријатели кои биле покрај неа и ја држеле за раце во ноќите кога неутешно плачела.

(Фото) Викторија Бекам во ТВ-интервју ги изненади гледачите со својот изглед

Поранешната „спајсица“ го привлече вниманието со настапот во емисијата „Добро утро, Америка“, но не со она што го кажа, туку со својот изглед.

Викторија Бекам (47) очигледно претерала со користење филери за усни и нејзиното лице изгледа непрепознатливо, пишуваат таблоидите.

„Изгледа како да има алергиска реакција“, „Што си направила со усните“, „Што ти се случило со лицето?“…, беа некои од многуте негативни коментари на социјалните мрежи.

А таблоидите беа многу поостри во своите коментари објавувајќи нејзини фотографии од блиско минато. „Викторија Бекам шокира многу гледачи со настапот во Good Morning America, но не со нејзините изјави – туку со нејзиниот изглед“.

Во емисијата модната дизајнерка говореше за совети за убавина, за „Спајс грлс“ и за нејзиното семејство, но многумина не можеа да го тргнат погледот од нејзиното лице.

Викторија очигледно го зголемила волуменот на усните, но се чини дека навистина претерала со филери.

Популарно