(Фото) Запознајте ја Ана, жената во која гледаа сите на доделувањето на „Златната топка“

Полскиот фудбалер Роберт Левандовски на овогодинешното доделување на Златната топка пристигна во придружба на својата убава сопруга Ана Левандовска, која блесна позирајќи со него на црвениот тепих и го привлече вниманието со своето секси издание.

Роберт и Ана позираа расположени пред фотографите, а таа со својот изглед целосно го засени прославениот сопруг и остави сè околу себе без зборови.

Ана за гламурозната прилика избра црн тесен фустан, кој ја истакна нејзината витка линија и топ форма, а токму неговата сопруга е најголемата поддршка на Роберт. Бидејќи работи како фитнес тренер и консултант за исхрана, таа е делумно заслужна за неговата успешна кариера.

Дипломирала на Кинезиолошкиот факултет, а ја претставувала својата земја на Светското првенство во карате. Покрај тоа, нејзиното знаење му помогна на Роберт да ја подигне својата форма кариера и на неколку нивоа повисоко.

– Најважни работи се тренинзите и квалитетната исхрана. Се воздржуваме од лактоза и производи од пченично брашно, сакаме да јадеме квалитетна риба, а понекогаш после тренинг пиеме сок од цвекло со цимет или кајен пипер, вели Ана во интервју за „Билд“.

Во 2016 година, таа лансираше и свој бренд „Food by Ann“, а нејзината компанија продава смути, енергетски пијалоци и додатоци во исхраната.

Ана и Роберт се венчаа во 2013 година во Полска по петгодишна врска, во 2017 година станаа родители на девојчето Клара, а во 2020 година девојчето Лаура.

Прекината е истрагата за сообраќајната несреќа, во која загина Ен Хеч

Полицискиот оддел во Лос Анџелес откри дека истрагата за несреќата нема да продолжи:

– Истрагата за сообраќајната несреќа што се случи на 5 август во Калифорнија, во која актерката Ен Хеч се здоби со смртни повреди, ќе биде завршена по вчерашната вест дека актерката починала. Од денеска нема да има дополнителни истражни активности за овој случај. Сите информации или записи побарани од властите пред овој пресврт ќе продолжат да се собираат и формално да се додаваат во случајот.“

Да потсетиме, актерката под дејство на психоактивни супстанци со својот автомобил влетала во гаража на двокатна куќа, која и припаѓала на Џенифер Дуранд, но била изнајмена од жена по име Мишел. По судирот избувнал пожар што ги зафатил куќата и возилото во кое била актерката, а во кој што биле уништени предметите на споменатата жена.

(Видео)ФБИ: Алек Болдвин сепак го повлекол чкрапалото на сетот, кога загина снимателката

Истрагата на ФБИ открила дека Алек Болдвин го повлекол чкрапалото на пиштолот по што загина камерманка на сетот на филмот „Раст“.

Болдвин случајно ја застрелал Халина Хачинс за време на снимањето на филмот во октомври 2021 година, но тврдел дека тој всушност не го повлекол чкрапалото. Сепак, новата форензичка истрага на ФБИ вели дека куршумите не можеле да бидат испукани од оружје без физичко повлекување на чкрапалото, пишува Sky News.

„Пиштолот не можеше да пука без тој да го повлече чкрапалото“, се вели во извештајот.

Во извештајот смртта на камерманката е окарактеризирана како „несреќен случај“.

„Смртта произлезе од прострелна рана во градниот кош. Прегледот на достапните извештаи за спроведување на законот не покажа убедливи докази дека огненото оружје намерно било наполнето со муниција во моментот на пукањето“, се вели во извештајот.

„Врз основа на сите достапни информации, вклучително и отсуството на очигледна намера да се предизвика повреда или смрт, начинот на смрт најдобро се класифицира како несреќа“, се заклучува.

Да потсетиме, Болдвин во октомври минатата година ја застрела камерманката Хачинс (42) додека, како што рече, вежбал со пиштолот за кој верувал дека е безбеден.

Актерот, кој беше и продуцент на филмот, претходно изјави дека не го повлекол чкрапалото и дека нема поим како вистинскиот куршум завршил на снимањето. Властите, исто така, ги обвинија продуцентите на филмот за кршење на безбедносните протоколи и ги казнија со 136.793 долари. Истрагата на Одделот за животна средина во Ново Мексико покажа дека режисерите „покажале рамнодушност кон опасностите поврзани со употребата на огнено оружје на снимањето“.

Актерката наскоро ќе биде исклучена од апаратите кои ја одржуваат во живот, се чека потврда дали нејзините органи ќе бидат донирани: „Нема да преживее...“

Актерката Ен Хеч моментално се наоѓа на апарати за одржување во живот, а семејството соопштило дека нејзиниот мозок е многу оштетен и дека актерката за жал нема да преживее.

Семејството на Ен Хеч дало изјава за јавноста за состојбата на актерката и при таа прилика соопштило дека „не очекува дека актерката ќе преживее“, со оглед на тоа што има голема повреда на мозокот.

Откако се случила незгодата, Ен доживеала голема повреда на мозокот, а сега се наоѓа на апарати кои ја одржуваат во живот. Се чека потврда дали нејзините органи можат да бидат донирани, пренесува „Daily Mail“.

„Сакаме да им се заблагодариме на сите за убавите желби и молитвите за закрепнувањето на Ен и да се заблагодариме на посветениот персонал и прекрасните медицински сестри кои се грижеа за Ен во Гросмановиот центар за изгореници во болницата Вест Хилс. За жал поради несреќата Ен претрпе тешка повреда на мозокот и останува во кома, во критична состојба. Не се очекува да преживее“, пишува во соопштението.

„Ен имаше големо срце и го допре секој кој ја сретнал со својата великодушност. Имаше и повеќе од неверојатен талент, сакаше да им пренесе на другите радост и добрина. Ќе биде запаметена по својата храбра искреност и многу ќе ни недостасува“, се додава во изјавата.

Полицијата во четвртокот за „CNN“ изјави дека Хеч била под влијание на опијати за време на инцидентот, но дека „потребно е дополнително тестирање за да се исклучат било какви лекови кои ги добила во болницата“, изјавила полицајката Ени Хернандез.

Хеч во петокот удрила со автомобилот во гаража во населбата Мар Виста во Лос Анџелес. Судирот предизвикал и пожар којшто се гасел еден час.

Инаку, Ен е позната по улогите во филмовите како што се „Psyho“, „Donnie Brasco“ и „Cedar Rapids“, а меѓу 1997 година и 2000 година била во љубовна врска со водителката Елен Деџенерис.

Популарно