Меган Маркл извојува правна победа против британски весник

Издавачот на „Мејл он сандеј“ ја загуби правната битка за да ја поништи пресудата на Високиот суд дека ја нарушил приватноста на Меган Маркл со објавување делови од писмо што таа му го напишала на својот отуѓен татко.

Војвотката (40) го тужеше Associated Newspapers Limited (ANL), исто така издавач на „Мејл онлајн“, поради пет написи кои репродуцираа делови од „лично и приватно“ писмо до Томас Маркл (77) во август 2018 година.

Таа го доби случајот претходно оваа година кога судија на Високиот суд донесе одлука во нејзина корист без потреба од судење. Но, ANL поднесе жалба со образложение дека треба да има судење поради тврдењата на Меган.

Апелациониот суд во Лондон денес наутро ја отфрли жалбата.

Отфрлајќи ја жалбата, судиите на апелациониот суд сер Џефри Вос, Викторија Шарп и лорд Џастис Бин ја потврдија одлуката на лорд Џастис Ворби да донесе пресуда по скратена постапка, и пресудија дека војвотката има „разумно очекување за приватност“ во содржината на писмото.

„Тие содржини беа лични, приватни и не беа прашања од легитимен јавен интерес“, рече сер Вос во резимето на пресудата прочитана на глас.

(Фото) Едната нога на Хајди Клум е осигурена на повисока сума од другата

Германската убавица Хајди Клум во текот на гостувањето во емисијата на Елен Деџенерис објасни дека едната нога ѝ е осигурена на повисока сума од другата.

48-годишната манекенка во сегментот наречен „Хајди Бланкинг Клум“ ѝ кажа на Елен дека клиент ѝ направил полиса за осигурување од 2 милиона долари на нејзините нозе, а дека едната чини повеќе.

Германскиот супермодел рече дека едната нога ѝ е поскапа од другата додавајќи дека „чудни се работите што некои луѓе ги прават“.

Судијката на „Америка има талент“ алудира на претходна несреќа, во која ѝ била повредена едната нога.

„Кога бев млада, паднав на стакло и имам голема лузна“, рече Клум, која во емисијата носи розово здолниште и изгледа прекрасно како и секогаш.

„Ставив толку многу спреј-тен што не можете да ја видите во моментот“, се пошегува таа.

(Фото) Новата девојка на Канје Вест е плукната Ким Кардашјан

Џулија Фокс, новата муза на раперот Канје Вест, реплицира култен изглед инспириран од „Матрикс“ додека го прославуваше роденденот на синчето Валентино во Њујорк.

Додека таа продолжува да користи стилски совети од 44-годишниот рапер, ѕвездата на Uncut Gems беше лика и прилика на неговата отуѓена сопруга Ким додека вечераше во Лусиен во Ист Вилиџ, Менхетн, во неделата.

За забавата со својот син и пријателите, актерката облече долг црн кожен капут, соодветни панталони, ракавици и мали очила за сонце.

Овој црн комплет инспириран од „Матрикс“ можеби им изгледа познат на многу фанови на Ким Кардашјан бидејќи таа објави свои фотографии во многу сличен комплет минатиот месец.

Кавгата меѓу Бритни Спирс и сестра ѝ продолжува

Бритни Спирс тврди дека нејзиното семејство се однесувало со неа полошо од осуденик на смрт за време на т.н. конзерваторски надзор.

Ова изјава доаѓа во време на голема расправија со сестра ѝ Џејми Лин.

Поп-ѕвездата (40), која беше под посебен надзор од страна на нејзиното семејство од 2008 до 2021 година, тврдеше дека Џејми Лин не направила ништо за да ѝ помогне и дека се чувствува повредена од обвинувањата искажани од нејзината сестра.

Во текот на промоцијата на својата автобиографија Things I Should Have Said („Работи што требаше да ги кажам“), Џејми Лин изјави за „Најтлајн“ дека сестра ѝ ја заклучила во соба со нож во времето кога покажувала непредвидливо однесување, на што Бритни ја нарече ѓубре на социјалните мрежи.

Бритни се огласи на „Твитер“ со ново отворено писмо: „Џејми Лин, мислам дека твојата книга воопшто не е за мене. Реагирав грубо бидејќи очигледно ме повреди со работите што ги измислуваш за мене!!!“

Популарно