Здравиот појадок е одлична работа – ве тера да слабеете, подолго ве држи сити и благодарение на него сте полни со енергија. Но, сето тоа важи доколку знаете што да јадете!

Консумирајте протеини

Она што се случува во вашето тело кога сте гладни е тоа што лачи грелин, кој е хормон на гладот, па затоа е добро да земате храна која е полна со протеини, на пр. јогурт, органски путер од кикирики, јаткасти плодови…

Зеленчукот е важен

Зеленчукот има многу придобивки за вашиот организам, а една од нив е тоа што помага во работата на цревата, па затоа секогаш во појадокот додавајте малку зеленчук, на пример спанаќ, кромид…

Вклучете ја маста

Нешто што ќе биде многу пријатно за вашето тело е да додадете здрави масти во вашата исхрана, кои ги има на пример во бадем, кокосово масло, авокадо итн. Сепак, внимавајте со овие намирници и не претерувајте!

Наместо слатки, јадете нешто солено

Доколку досега сте консумирале благо за појадок, во вид на снегулки и сл. тогаш обидете се да ја промените таа навика. Подобро би било да јадете нешто конкретно и солено, бидејќи преку храната ќе внесете доволно енергија во организмот, а патем и ќе го одржите шеќерот во крвта на добро ниво.

Кога сакаа да ja згуснат супата, гравот или некој сос, нашите мајки и баби правеа запршка, односно мешаа брашно со масло или некоја друга маст и го додаваа во јадењето.

Денес постојат поедноставни и поздрави алтернативи за згуснување на течните јадења „на лажица“, кои се полни со протеини.

Црвената леќа е најдобрата замена за нездравото пропржено брашно.

Таа е лесно сварлива мешунка која содржи околу 330 калории во 100 грама сува леќа и приближно 24 грама протеини од растително потекло.

Не е неопходно да се кисне со часови пред термичка обработка, како што е случајот со наутот или гравот, а потребни се само околу 15 минути за да се свари.

Колку леќа ви треба а згуснување јадење?

Употребете 100 грама сува леќа на 500 милилитри до 1 литар течност како вода или бујон. 

При варење таа ќе се впие доволно количина течност и ќе го згусне јадењето.

Можете и да ја измиксирате додека не добиете кремаста или густа течност.

Многу од луѓето по прележување на омикрон сојот пријавуваат еден проблем.

Омикрон сојот се пренесува најбрзо од сите досегашни соеви, па многу од државите ширум светот рушат врвни рекорди во бројките на новозаразени.

Симптомите на инфекцијата со овој сој, главно потсетуваат на симптомите на класичен грип и за среќа клиничките слики главно се полесни, а има и многу асимптоматски случаи.

Токму тие луѓе кои немале или имале благи симптоми не ни знаеле дека прележале омикрон сој, доколку еден симптом кој најчесто се појавува по прележување на инфекцијата не се појавил, а тоа е опаѓање на косата.

Имено, студијата „Хакенсан“ од Универзитетот во медицинскиот центар во Њу Џерси покажала дека токму тој проблем најчесто се појавува како последица на прележан омикрон сој, а зголеменото опаѓање на косата се појавува главно меѓу неколку седмици и три месеци по прележување на болеста.

„Поминав шест дена во болница поради коронавирусот, а неколку седмици потоа отидов дома, а косата почна да ми опаѓа во прамени. Беше ужасно“, вели Паула Дијаз, една од пациентките која се соочила со тој проблем. Британскиот институт за трихологија вели дека постојат и некои глобални истражувања кои се занимаваат со врската меѓу Ковид-19 и опаѓањето на косата.

„На пример во тие истражувања од училиштата за медицина при Универзитетот во Индијана се потврдило дека речиси третина од 1.500 учесници пријавиле опаѓање на коса како еден од долгорочните симптоми на Ковид-19“, велат од Институтот за трихологија.

Експертите велат дека постојат две главни причини зошто косата опаѓа по прележан Ковид. Првата причина е кога реакцијата на телото на вирусот ќе стане преактивна и ќе предизвика воспаление, иако личноста би требало веќе да закрепне од коронавирусот.

Втората причина е стресот затоа што е познато дека Ковид-19 предизвикува стрес, но и дека тој се поврзува со опаѓањето на косата.