Кралицата Елизабета и останатите членови од кралското семејство се плашат од новиот потег на Хари

Џет Сет

на 1.2022

Принцот Хари оваа година треба да ја промовира својата книга во која вети дека ќе ја изнесе вистината за својот живот, а членовите од неговото семејство се во страв од тврдењата кои ќе бидат изнесени во неа.

Според странските медиуми, принцот Хари оваа година би требало да ги објави своите со нетрпение очекувани мемоари, а еден од кралските експерти смета дека поради промоцијата тој и Меган Маркл би можеле да изнесат некои нови шокантни тврдења за времето поминато во кралското семејство.

Во следните 12 месеци членовите на британското кралско семејство ќе бидат доста зафатени, не само затоа што кралицата ќе го прослави платинестиот јубилеј, туку оваа година ќе биде клучна за принцот Хари, кој ќе ја објави единствената вистина за својот живот.

Веста дека ќе објави книга, наводно предизвикала голем страв кај членовите на кралското семејство, но датумот на објавување сè уште не е објавен и не е потврдено што точно ќе има во книгата.

Но, според „Mirror“, се шпекулира дека таа би можела да зборува за врската меѓу Хари и неговиот татко, принцот Чарлс и неговиот брат принцот Вилијам, за тоа како тој го напуштил кралското семејство и за наводниот расист од дворецот.

А според кралскиот експерт Кејти Никол, Хари и Меган планирале да откријат уште неколку сочни детали кои би можеле да предизвикаат дополнителна тензија во дворецот.

„Книгата без сомнежи ќе биде полна со поинтимни и пошокантни откритија, бидејќи Хари немаше да добие неколку милиони фунти аванс без да вети некои сочни детали. Мислам дека Хари и Меган ќе имаат внимателно осмислена промоција, која ќе ја направат неколку месеци пред да биде објавена книгата. Ќе има уште шокантни нови тврдења, можеби најголеми досега. Сигурна сум дека кралицата е многу загрижена поради тоа и дека членовите на кралското семејство мора да бидат подготвени на сè“, изјавила Кејти за магазинот „Closer“.

Хари ја најави својата книга уште минатата година и вети дека таа ќе биде вистинска и целосно точна приказна за неговиот живот.

„Ова не го пишувам од перспектива на принц, туку како човекот што станав. Носев многу капи низ годините, буквално и фигуративно, и се надевам дека раскажувајќи ја мојата приказна, низ подемите и падовите, грешките и научените лекции, ќе покажам дека без разлика од каде доаѓаме, имаме повеќе заедничко од што мислиме“, рекол тогаш.

На Хари Стајлс му испратила 8.000 писма, но тоа не е сè: Опседната обожавателка заврши во затвор

Џет Сет

пред 4 дена

Бразилката Мира Карваљо (35) е толку опседната со британскиот пејач, Хари Стајлс (поранешен член на групата „One Direction“) што го оставила партнерот дома и го пропатувала целиот пат до Лондон.

-Но, тоа не е сè. Мира му испраќала на Хари писма, свадбени честитки, а бидејќи за само еден месец испратила дури повеќе од 8.000 писма, Бразилката завршила во затвор, пишува „The Sun“.

Таа е осудена на 14 недели затвор и се изјаснила за виновна за следење.

-Хари беше навистина потресен. Тој само сака да продолжи нормално, но секако дека е загрижувачки за него, неговото семејство и неговиот тим, изјави извор близок до Стајлс.

Таа доби забрана да се приближува до Стајлс дури 10 години и да присуствува на кој било настан, односно концерт, каде што е тој.

Да потсетиме, фановите на споменатата група некогаш беа познати по претерувањето кое се граничело со демнење, па еднаш ги хакираа и безбедносните камери на лондонскиот аеродром за да ги видат своите идоли.

Еден од најпосакуваните ергени во Холивуд ќе стане татко

Џет Сет

пред 7 дена

Можеби еден од најпосакуваните ергени во Холивуд, Хенри Кавил откри дека го чека своето прво дете со неговата девојка Натали Вискузо.

Глумецот ја потврди среќната вест за „Аксес Холивуд“ (Access Hollywood) на премиерата на својот нов филм „Министерството за неџентлменско војување“ (The Ministry of Ungentlemanly Warfare).

– И јас и Натали сме многу, многу возбудени за тоа, изјави Кавил (40).

Кавил и Вискузо се во врска речиси три години. Во јавноста, првпат се појавија на црвениот тепих на премиерата на „Енола Холмс 2“ во 2022 година. Натали работи како директорка на холивудската телевизија

Видео: Хју Хефнер е погребан до Мерлин Монро- причината е бизарна

Џет Сет

пред една недела

Многу фанови деновиве се сеќаваат на поранешниот шеф на Плејбој, а една од најбизарните работи што ги правел во животот се однесувала на Мерлин Монро. Имено, неговата желба била да биде погребан покрај познатата актерка.

Хефнер почина во септември 2017 година, а неговите посмртни останки се наоѓаат во криптата на гробиштата на Меморијалниот парк на селото Пирс Брадерс Вествуд во Лос Анџелес - веднаш до Монро. Тој платил 75.000 долари во 1992 година за да биде погребан покрај холивудската ѕвезда, иако парот никогаш не се запознал. Хефнер тврдеше дека таа е најзаслужна за успехот на Плејбој, а тие биле на иста возраст, поради што чувствувал „двојна врска“ со неа.

Хефнер одлучил години пред смртта да биде погребан до неа. „Верувам во симболични работи. Да се помине вечноста покрај Мерилин е премногу слатко за да се избегне“, изјавил тој за Лос Анџелес Тајмс во 2009 година. Хефнер ја направи Монро икона на Плејбој откако тој купи неколку нејзини голи фотографии кои таа се согласила да ги направи кога немала пари.

Кога потврдил дека платил 75.000 долари за да биде погребан до актерката, феминистките истакнале дека Хефнер ги објавил нејзините разголени фотографии без нејзина согласност и не ѝ платил ни пара. Всушност, кога се согласила да се фотографира во 1949 година, за нив ѝ платиле само 50 долари, а потоа побарала од фотографот да се обиде да ги замагли за да не биде препознатлива.

Хефнер подоцна платил 500 долари и ги објавил на централно место во првото списание Плејбој. Во 2011 година, Хефнер му рекол на Пирс Морган: „Таа всушност беше во класата по глума на брат ми во Њујорк. Но, реалноста е дека никогаш не ја запознав. Еднаш разговарав со неа на телефон, но никогаш не ја сретнав. Таа замина, за жал , пред да дојдам овде“, призна тој.