Вил Смит: Богатството не е доволно за среќа

Вил Смит гостуваше во шоуто на Нетфликс „На мојот следен гостин не му треба вовед“, чиј водител беше Дејвид Летерман. Шоуто беше снимено пред Оскарите, па не се зборуваше за инцидентот, а Смит го сподели своето искуство со дрогата и како дошло до неа“.

Летерман спомна анегдота од книгата на Смит во која тој го опишува разговорот со Џејмс Њутон Хауард, кој работел на музиката за филмот „Јас сум легенда“. Во разговорот беше споменато дека филмот заработил 77 милиони долари во првиот викенд од прикажувањето, на што Смит одговорил: „Се прашувам што можевме да направиме за да заработиме 80 милиони“.

„Во тој момент почнав да сфаќам дека тоа е суптилна болест. Кога се фокусирате на материјалниот успех, ништо не е доволно. Не сум разговарал со никого 14 дена. Тоа ми помогна да сфатам какво лудило се случува во мојата глава. Бев на врвот на материјалното богатство. Мислам дека природата на човештвото е да разбере дека материјалниот свет е недоволен за да ја одржи нашата среќа“, кажал Смит.

Тој исто така додал: „Невозможно е да го заштитите нашето семејство. Тоа е илузија. Безбедноста е илузија. Мора да научиме да живееме со сознанието дека сè може да исчезне за една секунда. Ако го знаеш тоа, како можеш да бидеш среќен?“, се запрашал Смит.

(Фото) Роналдо „фатен“ во клубот направи нешто на што сите млади треба да се угледаат

Кристијано Роналдо е на одмор со својата девојка Георгина Родригез со која ги помина последните денови на јахта на Ибица.

Португалскиот напаѓач неодамна ја заврши својата натпреварувачка сезона, откако беше дел од португалскиот тим на натпреварите од Лигата на нации одиграни претходно во јуни.

Откако вчера дел од тимот на Манчестер Јунајтед се сретна и го одработи првиот тренинг под команда на новиот селектор Ерик тен Хаг, отсуствуваа неколку играчи, меѓу кои и Кристијано Роналдо, кој имаше продолжена пауза поради одиграните натпревари во националниот тим.

Да потсетиме, одличниот Португалец реши да помине релаксирачки денови на Ибица со семејството.

Португалецот исто така поминал време во клубот, синоќа, со својата девојка Георгина Родригез, пренесува The Sun. Тие двајца беа неразделни и во многу моменти беа фатени во нежни гестови еден кон друг.

Изворот забележува и дека фудбалерот не консумирал алкохолни пијалоци, а навиката ја усвоил откако татко му починал поради проблеми со зависноста. Дефинитивно, уште еден доказ за големата посветеност на Роналдо и одличен пример за младите.

Георгина Родригез не била толку „внимателна“ и била фатена како пие алкохол.

Во моментов иднината на Кристијано Роналдо во Манчестер Јунајтед е доведена во прашање, но најновите вести од Англија најавуваат дека тимот од Олд Трафорд не ја разгледува можноста да го пушти Португалецот да си замине, бидејќи тој е неопходен за новиот тренер Ерик тен Хаг.

(Фото) Шакира не ја тргнува насмевката од лице, фатена на плажа со непознат маж

Пејачката Шакира е фатена со непознат маж на плажа, а сите забележале дека не ја тргнува насмевката од лицето.

По разделувањето со фудбалерот Пике, пејачката била често нерасположена, но изгледа дека сега нашла причина за насмевка.

На плажа во Шпанија таа го покажала своето згодно тело, затегната во костим за сурфање, во друштво со непознат маж.

Македонскиот јутјубер Стефан Лазаров ја пoкажа неверојатната трансформација

Познатиот македонски јутјубер, Стефан Лазаров, на својот Инстаграм профил објави фотографии од трансформацијата на своето тело, по што доби многу позитивни коментари од своите следбеници.

Инаку, Лазаров речиси секојдневно ги информираше, а воедно и ги мотивираше своите следбеници на социјалната мрежа Инстаграм за својата напорна работа на промената на неговиот физички изглед, но тој за тоа вели дека физичката промена за него не е најголемиот успех.

Лазаров на Инстаграм сподели две фотографии со своите следбеници, од кои едната е направена пред неколку месеци и другата е онаа на која трансформацијата на неговото тело е и повеќе од очигледна.

Лазаров под објавените фотографии напиша:

„Седам...размислувам што да пишам... а што би пишале вие на слика на која се гледа цела мака, убавина, промена и задоволство.. Лево го гледате дечкото кој постојано наоѓаше изговори.

Многу работа, јутуб, немам време, ај да пивнеме, ај од утре...а десно? Десно ја гледате најдобрата верзија од мене..

И не се радувам само за изгледот. Тоа е најнебитно во овој случај. На секое поле се подобрив. Продуктивноста, среќата, борбеноста, одговорноста, тие се сега моите најдобри пријатели. Сакам јавно да му кажам фала на мојот брат @pakigram кој ми го промени животот. Направи да се запознаам со шампионот во мене. И покрај сите приоритети и обврски , 135 дена бев како војник. Не промашив ниту еден ден, ниту еден саат, минута, секунда...

А сега е време за нови цели, нови визии, нови предизвици. Фала на сите што верувавте во мене и ме поддржувавте. Јас си го сменив животот, сега на ред е некој од вас“.

Популарно