Бен Афлек му дал на 10-годишниот син да вози Lamborghini автомобил – направил сообраќајка и го критикуваат дека е неодговорен родител

Бен Афлек му дозволи на 10-годишниот син да седне зад воланот на Lamborghini автомобил со вклучен мотор, по што момчето го врати во рикверц и удри BMW автомобил кој бил паркиран зад него.

Бен Афлек и Џеј Ло, заедно со 10-годишниот син на актерот – Семјуел – беа во посета на салон за изнајмување луксузни автомобили.

Џеј Ло, актерот и неговиот син ги разгледувале луксузните автомобили за изнајмување и Бен му дозволил на малиот Семјуел да седне зад воланот на жолт Lamborghini автомобил.

Наводно моторот на автомобилот бил вклучен и Семјуел почнал да го враќа наназад, па во тој миг удрил во BMW автомобил кој бил паркиран веднаш зад него.

На видео што се споделува на социјалните мрежи се гледа дека Семјуел седи на возачкото седиште и неговата врата е отворена. Веднаш до вратата стои Бен Афлек, а Џеј Ло седи на задното седиште.

Како што Џеј Ло седнува во автомобилот, Семјуел враќа во рикверц и го удира автомобилот зад него. Веднаш потоа Семјуел излегува од автомобилот за да ја види штетата.

Иако станува збор за навистина мал удар, се гледа дека малото момче е вознемирено, па во еден миг Бен го прегрнува за да го утеши.

На папарацо фотките се гледа и како актерот се расправа со еден од вработените во салонот, додека Џеј Ло гледа во нејзиниот телефон.

Инаку Семјуел е најмалото дете на Бен Афлек и неговата поранешна сопруга Џенифер Гарнер. Заедно тие имаат уште две деца – ќерките Вајолет (16) и Серафина (13).

Според TMZ, инцидентот настанал бидејќи автомобилите биле паркирани премногу блиску еден до друг, како и дека штетата е минимална. Но, многумина сепак го осудуваат Бен бидејќи му дозволил на 10-годишниот син да седне зад воланот.

Дел од коментарите на Твитер:

„Зошто возел неговиот 10-годишен син?“

„Секако дека ќе удри во друг автомобил, има 10 години“.

„Бен повторно пиел?“

„Не го обвинувајте 10-годишното дете, обвинете го 50-годишниот возрасен човек“.

Ен Хеч во стабилна состојба по сообраќајната несреќа

Холивудската актерка Ен Хеч доживеа тешка сообраќајна несреќа во Лос Анџелес откако со својот автомобил „удри“ во куќа, а како што пишува „Hollywood Reporter“, актерката моментално е во стабилна состојба.

Актерката доживеала несреќа кога удрила во куќа во населбата Мар Виста во Лос Анџелес. Автомобилот и куќата се запалиле, а огнот го гаселе 59 пожарникари, пренесоа американските медиуми.

Хеч веднаш била извлечена од урнатините и пренесен во болница.

Сепак, според последните вести кои излегуваат од Холивуд, актерката е во стабилна состојба, а нејзиниот претставник за медиуми изјави дека нејзиното семејство бара приватност.

„Нејзиното семејство и пријателите бараат да се молите за неа и да ја почитувате нејзината приватност во овој тежок момент“, рече тој.

Како што е познато, освен актерката никој не е повреден во сообраќајната несреќа, ниту пак е уапсен, а полициските детективи вршат натамошни увиди.

„Тешко ми е“: Никол Пелц се огласи по гласините за лошите односи со Викторија Бекам

Никол Пелц, сопругата на Бруклин Бекам, објави фотографија на Инстаграм на која со насолзени очи лежи во кревет и гледа во далечината. Заедно со фотографијата објави и емотивен текст кој странските медиуми го протолкуваа како одговор на гласините за нејзината кавга со нејзината свекрва Викторија Бекам.

„Понекогаш ми е тешко да го покажам тажниот дел од себе. Пораснав со седум браќа и сестри и двајца многу силни родители, а тоа ме направи силна. Затоа не дозволувам луѓето да ме соборат или повредат. Изградив ѕид околу себе за да се заштитам, што е особено важно во оваа индустрија“, напишала манекенката.

„Сите имаме денови кога некој не повредува и во ред е да се чувствуваме лошо. Само сакав да напишам нешто за тоа затоа што никогаш не ја покажав таа моја страна овде. Сакав да ја покажам. Ве сакам сите многу и ја ценам вашата поддршка“, додаде Пелц.

Во последните денови странските медиуми пишуваа дека Никол Пелц и нејзината свекрва Викторија Бекам се во лоши односи.

Page Six како можна причина за несогласувањето го навела тоа што Никол е љубоморна на вниманието кое секогаш го добива Викторија, поради што ја исклучила од свадбените подготовки кои се одржаа во април оваа година во Палм Бич, Флорида.

Холивудската актерка Ен Хеч доживеала сообраќајна несреќа, се наоѓа во критична состојба

Холивудската актерка Ен Хеч е тешко повредена во сообраќајна несреќа која се случила во предградието на Лос Анџелес.

Како што пренесува „TMZ“, таа изгубила контрола над возилото и удрила во гаража. Случајните минувачи се обиделе да ѝ помогнат, но таа одлучила да продолжи да вози. По неколку секунди повторно удрила во друга куќа, а нејзиниот автомобил се запалил.

Се претпоставува дека возела под дејство на алкохол бидејќи во автомобилот било пронајдено шише. Полициската управа на Лос Анџелес не дала дополнителни информации за несреќата.

„TMZ“ наведува дека Хеч е моментално во болница и се наоѓа во критична состојба.

Актерката претходно без „влакна на јазикот“ зборуваше за своите пороци.

„Пиев. Пушев цигари. Се дрогирав. Бев зависна од секс. Правев сè што ми паѓаше напамет за да заборавам на срамот кој го чувствувам“, изјави Ен минатата година во интервју за „ABC News“.

Таа додала и дека нејзините лоши животни избори се последица на тоа што во детството била сексуално злоставувана од нејзиниот татко Доналд Хеч.

Популарно