Македонскиот јутјубер Стефан Лазаров ја пoкажа неверојатната трансформација

Познатиот македонски јутјубер, Стефан Лазаров, на својот Инстаграм профил објави фотографии од трансформацијата на своето тело, по што доби многу позитивни коментари од своите следбеници.

Инаку, Лазаров речиси секојдневно ги информираше, а воедно и ги мотивираше своите следбеници на социјалната мрежа Инстаграм за својата напорна работа на промената на неговиот физички изглед, но тој за тоа вели дека физичката промена за него не е најголемиот успех.

Лазаров на Инстаграм сподели две фотографии со своите следбеници, од кои едната е направена пред неколку месеци и другата е онаа на која трансформацијата на неговото тело е и повеќе од очигледна.

Лазаров под објавените фотографии напиша:

„Седам...размислувам што да пишам... а што би пишале вие на слика на која се гледа цела мака, убавина, промена и задоволство.. Лево го гледате дечкото кој постојано наоѓаше изговори.

Многу работа, јутуб, немам време, ај да пивнеме, ај од утре...а десно? Десно ја гледате најдобрата верзија од мене..

И не се радувам само за изгледот. Тоа е најнебитно во овој случај. На секое поле се подобрив. Продуктивноста, среќата, борбеноста, одговорноста, тие се сега моите најдобри пријатели. Сакам јавно да му кажам фала на мојот брат @pakigram кој ми го промени животот. Направи да се запознаам со шампионот во мене. И покрај сите приоритети и обврски , 135 дена бев како војник. Не промашив ниту еден ден, ниту еден саат, минута, секунда...

А сега е време за нови цели, нови визии, нови предизвици. Фала на сите што верувавте во мене и ме поддржувавте. Јас си го сменив животот, сега на ред е некој од вас“.

Ен Хеч во стабилна состојба по сообраќајната несреќа

Холивудската актерка Ен Хеч доживеа тешка сообраќајна несреќа во Лос Анџелес откако со својот автомобил „удри“ во куќа, а како што пишува „Hollywood Reporter“, актерката моментално е во стабилна состојба.

Актерката доживеала несреќа кога удрила во куќа во населбата Мар Виста во Лос Анџелес. Автомобилот и куќата се запалиле, а огнот го гаселе 59 пожарникари, пренесоа американските медиуми.

Хеч веднаш била извлечена од урнатините и пренесен во болница.

Сепак, според последните вести кои излегуваат од Холивуд, актерката е во стабилна состојба, а нејзиниот претставник за медиуми изјави дека нејзиното семејство бара приватност.

„Нејзиното семејство и пријателите бараат да се молите за неа и да ја почитувате нејзината приватност во овој тежок момент“, рече тој.

Како што е познато, освен актерката никој не е повреден во сообраќајната несреќа, ниту пак е уапсен, а полициските детективи вршат натамошни увиди.

„Тешко ми е“: Никол Пелц се огласи по гласините за лошите односи со Викторија Бекам

Никол Пелц, сопругата на Бруклин Бекам, објави фотографија на Инстаграм на која со насолзени очи лежи во кревет и гледа во далечината. Заедно со фотографијата објави и емотивен текст кој странските медиуми го протолкуваа како одговор на гласините за нејзината кавга со нејзината свекрва Викторија Бекам.

„Понекогаш ми е тешко да го покажам тажниот дел од себе. Пораснав со седум браќа и сестри и двајца многу силни родители, а тоа ме направи силна. Затоа не дозволувам луѓето да ме соборат или повредат. Изградив ѕид околу себе за да се заштитам, што е особено важно во оваа индустрија“, напишала манекенката.

„Сите имаме денови кога некој не повредува и во ред е да се чувствуваме лошо. Само сакав да напишам нешто за тоа затоа што никогаш не ја покажав таа моја страна овде. Сакав да ја покажам. Ве сакам сите многу и ја ценам вашата поддршка“, додаде Пелц.

Во последните денови странските медиуми пишуваа дека Никол Пелц и нејзината свекрва Викторија Бекам се во лоши односи.

Page Six како можна причина за несогласувањето го навела тоа што Никол е љубоморна на вниманието кое секогаш го добива Викторија, поради што ја исклучила од свадбените подготовки кои се одржаа во април оваа година во Палм Бич, Флорида.

Холивудската актерка Ен Хеч доживеала сообраќајна несреќа, се наоѓа во критична состојба

Холивудската актерка Ен Хеч е тешко повредена во сообраќајна несреќа која се случила во предградието на Лос Анџелес.

Како што пренесува „TMZ“, таа изгубила контрола над возилото и удрила во гаража. Случајните минувачи се обиделе да ѝ помогнат, но таа одлучила да продолжи да вози. По неколку секунди повторно удрила во друга куќа, а нејзиниот автомобил се запалил.

Се претпоставува дека возела под дејство на алкохол бидејќи во автомобилот било пронајдено шише. Полициската управа на Лос Анџелес не дала дополнителни информации за несреќата.

„TMZ“ наведува дека Хеч е моментално во болница и се наоѓа во критична состојба.

Актерката претходно без „влакна на јазикот“ зборуваше за своите пороци.

„Пиев. Пушев цигари. Се дрогирав. Бев зависна од секс. Правев сè што ми паѓаше напамет за да заборавам на срамот кој го чувствувам“, изјави Ен минатата година во интервју за „ABC News“.

Таа додала и дека нејзините лоши животни избори се последица на тоа што во детството била сексуално злоставувана од нејзиниот татко Доналд Хеч.

Популарно