За овој зачин се верува дека лекува многу различни болести и состојби

Кимот е самоникнувачка билка, а пред сè спаѓа во групата зачински билки. Египќаните први сфатиле колку е моќно семето од црн ким и од него правеле лековито масло.

Источните народи тврделе дека црниот ким ги лекува сите болести, освен смртта. Кимот содржи етерични масла, повеќе видови масни киселини и витамин Ц.

Според научните истражувања, црниот ким успешно може да уништи или ублажи 600 различни болести и состојби. За лекување можете да користите масло, да направите чај или да додавате семки од ким во салати или јадења.

Кимот има аналгетски, антибактериски, антивоспалителни и антивирусни својства. Благодарение на својот состав, успешно го лекува црниот дроб, ги исфрла токсините и ја подобрува работата на бубрезите, го регулира крвниот притисок и го држи холестеролот под контрола.

Кимот го подобрува апетитот, ја олеснува дигестијата, подуеноста и помага при грчеви во стомакот. Докажано е дека позитивно влијае на дијабетесот и намалувањето на шеќерот во крвта, а забележано е и позитивно дејство кај пациенти заболени од рак.

Поради силното антиоксидативно дејство врз имунитетот, кимот е особено делотворен кај луѓето кои примаат хемотерапија, бидејќи го забрзува закрепнувањето помеѓу третманите и го засилува нивното дејство.

Црниот ким исто така има силен ефект врз обновувањето на ткивото на белите дробови, врз прочистувањето на дишните патишта и подобрувањето на белодробните функции.

Чај од црн ким против бронхитис и кашлица

Помешајте една голема лажица црн ким, една мала лажица камилица и половина мала лажица анасон во шолја топла вода. Оставете да отстои 10 минути, процедете, засладете со мед и пијте го чајот неколку пати дневно.

Сируп против астма

Измешајте една мала лажица ситно исечкан црн ким, две изгмечени чешниња лук и две лажици мед. Секое утро на празен стомак земајте по една мала лажица од овој сируп во период од 3 недели.

Владата со препораки за топлотниот бран

Бремените жени и лицата над 60 години од утре до следниот четврток се ослободуваат од работни обврски, одлучи Владата на денешната онлајн седница. 

Поради топлотниот бран што ја зафати земјава се препорачува работодавачите да ги реорганизираат работните активности на градежните работници и на работниците кои работат на отворено, со тоа што ќе се избегне вршење на градежни и други физички активности на отворено во период од 11 до 17 часот.

На седницата, како што информира владината прес-служба, е донесена и одлука во детските градинки да не се  изнесуваат децата на отворено во период од 11 до 17 часот.

- Владата им препорачува на единиците на локалната самоуправа, Црвениот крст и центрите за социјални работи во регионите зафатени со топлотниот бран да пружат помош на осамени, стари, изнемоштени лица и на бездомници, a со оглед дека одредени ризични производствени и технолошки процеси може да претставуваат дополнителен ризик за здравјето на изложените работници, се потсетуваат работодавците на обврската за почитување на законските прописи од оваа област, се вели во соопштението од Владата.

Од Управата за хидрометеоролошки работи најавуваат дека од денеска до средината на следната седмица на повеќе места ќе биде активирано портокаловото ниво за опасност од високи температури. Исклучок ќе има в недела, кога, според синоптичарите, во попладневните часови ќе има изолирана појава на нестабилност со пороен дожд и грмежи.

Од Итната медицинска помош во Скопје во изјава за МИА потврдија дека поради топлото време деновиве имаа зголемен број на интервенции поради колапси на јавни места.

- Колабираат и помлади и повозрасни граѓани. Дневно имаме пријави за околу десетина колапси. Дали во автобус, дали на работно место... Имаме и пораст на повици од лица кои бараат совети телефонски, изјави за МИА доктор Рихад Реџепи од Итната медицинска помош.

Напредок во третманите за епилепсија со длабока мозочна стимулација

Момче со потежок облик на епилепсија е првиот пациент во светот на кого му е вграден новиот уред за контрола на напади, директно во неговиот череп и чија состојба е значително подобрена, објави Би-би-си.

Операцијата е направена во октомври 2023., како дел од испитувањето во болницата „Грејт Ормонд стрит“ во Лондон, во соработка со Универзитетот на Оксфорд. Оран Ноулсон тогаш имал 12 години. Момчето од Сомерсет има Ленокс-Гасто синдром, вид на епилепсија отпорен на стандарден третман којшто се развил на тригодишна возраст. Операцијата траела околу осум часа. Оттогаш, тој има напади кои се движеле од 20 до неколку стотици секој ден.

Невростимулаторот којшто испраќа електрични сигнали длабоко во мозокот, ги намали дневните напади на Оран за 80 отсто.

Неговата мајка Џастин изјави дека сега Оран е посреќен и има многу поквалитетен живот.

Оран е вклучен во проектот „КАДЕТ“ – низа испитувања што ја проценуваат безбедноста и делотворноста на длабоката мозочна стимулација за потешките видови епилепсија.

Инаку, епилептичните напади се активираат од абнормални изливи на електрична активност во мозокот. Целта на уредот, којшто емитува постојан пулс на струја, е да ги блокира или прекине тие абнормални сигнали.

Овие три сосови го спречуваат слабеењето

Сосовите се одлични за додавање вкус на јадењата, но за жал, не сите се добри за нашето здравје. Висококалоричните опции како мајонез и други сосови може да содржат големи количини на калории и нездрави масти. Ако ги консумираме премногу, тоа може да влијае на нашиот метаболизам предизвикувајќи зголемување на телесната тежина и други здравствени проблеми.

Сепак, знаењето кои сосови да ги избегнуваме може да ни помогне да направиме подобар избор и да го одржиме метаболизмот под контрола. Диететичарката Крутика Нанавати и фармацевтот Елејн Чикет предупредија на три сосови кои треба да ги избегнуваме или барем да ги ограничиме.

1. Мајонез

Мајонезот првенствено се прави од масло, жолчки од јајце и оцет или сок од лимон. Маслото што се користи често е богато со нездрави масти, особено со заситени масти. Јадењето премногу заситени масти може да доведе до воспаление и да го зголеми ризикот од метаболички проблеми.

„Зачините со висока содржина на масти и калории, како што се преливите за салата на база на мајонез или сосот од тартар, можат брзо и лесно да придонесат за прекумерен внес на калории“, предупредува Чикет за SheFinds.

2. Кечап

Кечапот е полн со додадени шеќери. Приближно 15 милилитри може да содржи околу четири грама шеќер, често во форма на сируп од пченка со висока фруктоза. Редовното консумирање храна богата со шеќер може да доведе до скокови на нивото на шеќер во крвта, предизвикувајќи телото да произведува повеќе инсулин. Со текот на времето, ова може да придонесе за отпорност на инсулин и метаболички синдром, што може да го забави метаболизмот.

„Кечапот е често натоварен со сируп од пченка со висока фруктоза и други шеќери, кои го зголемуваат шеќерот во крвта и промовираат воспалителни реакции“, вели Нанавати.

3. BBQ сос

Многу комерцијални BBQ сосови содржат адитиви, конзерванси и вештачки ароми за подобрување на вкусот и продолжување на рокот на траење. Овие додатоци може да го нарушат здравјето на цревата, влијаејќи на рамнотежата на добрите и лошите бактерии во дигестивниот тракт.

BBQ сосот често се користи како маринада или сос за натопување, што го прави лесно внесувањето премногу калории. Овие скриени калории може брзо да се соберат, што доведува до севкупно зголемување на дневниот внес на калории и потенцијално зголемување на телесната тежина.

„Многу сосови за скара содржат високо ниво на шеќер и конзерванси кои можат да предизвикаат воспаление и да придонесат за несакано зголемување на телесната тежина“, заклучи Нанавати.

Популарно