„Велат дека заработувам по 5.000 евра месечно, но тоа не е точно“

„Моите родители ми се најголема поддршка и ми помагаат, иако кога почнав да снимам класната ги викна на разговор да ги укори за моето однесување“ – раскажува 20-годишната српска инфлуенсерка Барбара Миленковиќ, позната како Барби Африка.

Србинката Барбара Миленковиќ во моментов има 3,7 милиони следбеници на ТикТок од целиот свет. Оваа 20-годишна девојка од Ниш има свои следбеници од Индонезија, САД и Франција, а во моментов учи и кинески јазик, затоа што е решена да ја освои Кина.

Таа во изјава за медиумите открива дека почнала да снима видеа уште во основно образование, а често била мета на потсмев кај врсниците.

Така во 8-мо одделение две девојчиња наместо презентации на училиште одлучиле да пуштат нејзино видео, по што сите ѝ се постмевале.

Таа објавува голем број видеа на кои танцува, пее, глуми или објаснува како се снима добар видео. Освен тоа, честопати знае да сподели и некој забавен трик или нешто ново што го научила.

Сепак, вели дека сака да биде позитивен пример за младите, па откако се запишала на факултет честопати знае да вклучи пренос во живо и заедно со нејзините следбеници да го следат материјалот што го учи додека таа молчи.

Верувале или не, се случувало и околу 3.000 луѓе заедно да учат со неа на ТикТок.

„Подоцна во средно училиште кога повторно почнав да се снимам, класната ја повика мајка ми и ѝ рече: ‘Вашето дете се снима, не ја знаат само во училиштето туку и надвор од градот’. Јас почнав меѓу првите да снимам за ТикТок. Тогаш сите снимаа за YouTube, а никој за ТикТок“ – раскажува Барбара.

И покрај негативните коментари од наставниците, Барбара открива дека нејзините родители ѝ се најголема поддршка – татко ѝ и помага на снимањата, а мајка ѝ и е менаџер.

На коментарите дека заработува и по 5.000 евра месечно, таа вели дека тоа не е точно:

„Среќна сум што можам да си дозволам да си купам некое парче облека или нешто за себеси без да барам пари од родителите, но не е точно дека заработувам толку пари“ – рече таа.

Барбара освен на ТикТок, редовно објавува фотографии и на Инстаграм во провокативни изданија и бикини.

Ен Хеч во стабилна состојба по сообраќајната несреќа

Холивудската актерка Ен Хеч доживеа тешка сообраќајна несреќа во Лос Анџелес откако со својот автомобил „удри“ во куќа, а како што пишува „Hollywood Reporter“, актерката моментално е во стабилна состојба.

Актерката доживеала несреќа кога удрила во куќа во населбата Мар Виста во Лос Анџелес. Автомобилот и куќата се запалиле, а огнот го гаселе 59 пожарникари, пренесоа американските медиуми.

Хеч веднаш била извлечена од урнатините и пренесен во болница.

Сепак, според последните вести кои излегуваат од Холивуд, актерката е во стабилна состојба, а нејзиниот претставник за медиуми изјави дека нејзиното семејство бара приватност.

„Нејзиното семејство и пријателите бараат да се молите за неа и да ја почитувате нејзината приватност во овој тежок момент“, рече тој.

Како што е познато, освен актерката никој не е повреден во сообраќајната несреќа, ниту пак е уапсен, а полициските детективи вршат натамошни увиди.

„Тешко ми е“: Никол Пелц се огласи по гласините за лошите односи со Викторија Бекам

Никол Пелц, сопругата на Бруклин Бекам, објави фотографија на Инстаграм на која со насолзени очи лежи во кревет и гледа во далечината. Заедно со фотографијата објави и емотивен текст кој странските медиуми го протолкуваа како одговор на гласините за нејзината кавга со нејзината свекрва Викторија Бекам.

„Понекогаш ми е тешко да го покажам тажниот дел од себе. Пораснав со седум браќа и сестри и двајца многу силни родители, а тоа ме направи силна. Затоа не дозволувам луѓето да ме соборат или повредат. Изградив ѕид околу себе за да се заштитам, што е особено важно во оваа индустрија“, напишала манекенката.

„Сите имаме денови кога некој не повредува и во ред е да се чувствуваме лошо. Само сакав да напишам нешто за тоа затоа што никогаш не ја покажав таа моја страна овде. Сакав да ја покажам. Ве сакам сите многу и ја ценам вашата поддршка“, додаде Пелц.

Во последните денови странските медиуми пишуваа дека Никол Пелц и нејзината свекрва Викторија Бекам се во лоши односи.

Page Six како можна причина за несогласувањето го навела тоа што Никол е љубоморна на вниманието кое секогаш го добива Викторија, поради што ја исклучила од свадбените подготовки кои се одржаа во април оваа година во Палм Бич, Флорида.

Холивудската актерка Ен Хеч доживеала сообраќајна несреќа, се наоѓа во критична состојба

Холивудската актерка Ен Хеч е тешко повредена во сообраќајна несреќа која се случила во предградието на Лос Анџелес.

Како што пренесува „TMZ“, таа изгубила контрола над возилото и удрила во гаража. Случајните минувачи се обиделе да ѝ помогнат, но таа одлучила да продолжи да вози. По неколку секунди повторно удрила во друга куќа, а нејзиниот автомобил се запалил.

Се претпоставува дека возела под дејство на алкохол бидејќи во автомобилот било пронајдено шише. Полициската управа на Лос Анџелес не дала дополнителни информации за несреќата.

„TMZ“ наведува дека Хеч е моментално во болница и се наоѓа во критична состојба.

Актерката претходно без „влакна на јазикот“ зборуваше за своите пороци.

„Пиев. Пушев цигари. Се дрогирав. Бев зависна од секс. Правев сè што ми паѓаше напамет за да заборавам на срамот кој го чувствувам“, изјави Ен минатата година во интервју за „ABC News“.

Таа додала и дека нејзините лоши животни избори се последица на тоа што во детството била сексуално злоставувана од нејзиниот татко Доналд Хеч.

Популарно