Kристијан Голубовиќ летува во Охрид

Еден од оние кои летово одморот реши да го помине во Охрид е и добро познатиот српски криминалец, ѕвезда на реалните шоуа во соседството и поранешен член на Земунскиот клан Kристијан Голубовиќ.

Голубовиќ летувал во Охрид со својата девојка Кристина Спалевиќ.

Кристијан и Кристина на своите профил на Инстаграм споделуваат фотографии и видеа од тоа како си поминуваат во Охрид.

Пред некој ден особено внимание со фотографија привлече Кристијан, кој на бензинска пумпа позира покрај автомобил кој изгледа доста ретко и притоа напиша: Со овој мој кpш доаѓам во Македонија.

На еден од многуте официјални и неофицијални профили на Голубовиќ на Инстаграм, објавена е и фотографија на која положува свежо цвеќе на гробот на командантот на расфромираната единица за брза интервенција „Лавови“ Горан Георгиевски Мујо.

За Кристина вели дека неговата сродна душа.

Кристина и јас на сите им покажавме колку е голема нашата љубов. Кога излеговме од реалното шоу сите зборуваа дека ни три дена нема да сме заедно, а еве сега речиси една година. Кристина е мојата сродна душа. Ние во се согласуваме и затоа верувам дека бракот ќе ни преубав. Свршувачката е само формалност бидејќи ние се однесуваме како да сме во брак. Живееме заедно, интимните односи ни се супер, верувајте ми ништо не би менувал, изјави во една пригода Кристијан.

Кристина, пак, тврди дека не ни сонувала дека ќе влезе во врска со некој како Голубовиќ.

Kристијан и ја сме спој на неспоивото, а повторно во се согласуваме. Се случуваат такви работи. Одамна зборувавме дека може да се замислиме во брак и со деца, а сега верувам дека таа ситуација полека се исполнува. Ретко јавно зборуваме за плановите, но ова се убави случувања, па зошто да не ги споделиме за празниците, вели Кристина.

Падна во вода свадбата на Безос од 600 милиони долари!

Основачот на Амазон, Џеф Безос ги демантираше гласините дека ќе се ожени со Лорен Санчез на раскошна церемонија по Божиќ.

Во странските медиуми се прошири веста дека Безос наскоро се жени во Аспен и дека за венчавката ќе потроши околу 600 милиони долари (околу 576 милиони евра). Тој зборуваше за тоа.

На Икс, тој одговори на твитот во кој сподели напис за неговата наводна венчавка објавена од Њујорк Пост, кој цитираше извор на Дејли Мејл.

„Целата работа е целосно лажна – ништо од ова не се случува. Старата поговорка „не верувај се што читаш“ сега е повистинита од кога и да е. Лагите можат да го обиколат целиот свет пред да се дознае вистината. Затоа, бидете внимателни и не бидете лековерни“, напиша тој.

Уште две лица се под истрага за смртта на Лијам Пејн

На двајца вработени во хотелот „Касасур“ во Буенос Аирес, Аргентина, каде што, пред смртта, престојувал Лијам Пејн, им било кажано дека официјално се под истрага. Со тоа истрагата за неговата смрт се прошири на пет лица, пренесува аргентинскиот портал „Инфобае“ (Infobae).

Судијката Лора Брунијард донесе одлука истрагата за смртта на британскиот поп-рок пејач кој падна од третиот кат во хотелот да ја прошири со две лица, порачувајќи им да ангажираат адвокати и дека ќе треба да дадат изјави. Меѓу новоосомничените е рецепционерот Естебан Рејналдо Граси, кој се јавил на 911 кога се случила несреќата, а бил еден од тројцата мажи кои го носеле Лијам низ ходникот непосредно пред трагедијата.

Однесувањето на вработените и нивната одлука да не го остават пејачот во фоајето додека чекаат помош, покрена сомнеж. Вработените во хотелот ќе бидат сослушани следната недела, меѓу 17. и 19 декември, а наскоро се очекуваат и изјави од државните правобранители.

Инаку, три недели по смртта на поранешниот член на британскиот состав „Уан дајрекшн“ (One Direction), обвинителите ја отфрлија можноста за самоубиство како причина. Наводите говорат дека тој најверојатно бил во несвест кога паднал од балкон.

Популарно