(Фото) Сталоне објави романтична фотографија со сопругата

Глумецот Силвестер Сталоне објави романтична фотографија со сопругата Џенифер Флавин во време кога се зборува дека ќе се разведуваат.

„Прекрасно“, напиша глумецот на фотографијата, а потоа објави уште една со ќерките.

„’Повторно сте заедно? Се надевам да. Па тоа е прекрасно. Убаво е да ве видиме заедно. Прекрасно семејство. Се надевам дека ќе ја промени одлуката за развод. Не можам да разберам сега, се разведувате или не. Прекрасен пар сте’“, му напишаа во коментарите.

Сталоне првин ги негира шпекулациите што се ширеа во јавноста дека се разведуваат поради нивното куче, но потоа призна дека имале несогласувања за тоа кој да го чува.

За потсетување, Џенифер на 19 август ги поднесе документите за развод, а бракот го опиша како неповратно скршен. Го обвини Сталоне за намерно расфрлање и трошење на брачниот имот. Извор за „Пејџ сикс“ рече дека подоцна тоа е лага.

Џоел Рич со британски шарм го освои срцето на Џони Деп

Светските медиуми пишуваат дека Џони Деп е во врска со негова поранешна адвокатка, но тоа не е Камил Васкез, како што се шпекулираше.

Британката Џоел Рич, која го застапуваше Деп во Британија пред две години во судскиот процес за клевета против весникот „Сан“, го освои срцето на холивудскиот актер. Тимот на Деп ја загуби судската битка, но, очигледно, поразот не влијалел на неговите чувства кон адвокатката, пишува „ТМЗ“.

Рич е омажена, но моментално е во процес на развод. Таа и нејзиниот отуѓен сопруг имаат 2 деца.

Рич не беше дел од тимот на судењето во Вирџинија што извојува победа над поранешната сопруга на Деп, Амбер Херд, но таа беше присутна во судницата за поддршка, според „Ју-ес викли“ кој прв ја објави сторијата.

(Фото) Алек Болдвин и сопругата станаа родители по седми пат

Хилари Болдвин и нејизниот сопруг, актерот Алек Болдвин повторно станаа родители.

Јога инструкторката (38) објави дека со актерот (64) станале родители на нивното седмо дете, ќерката Илариа Каталина Ирена.

-Таа е тука. Ние сме возбудени да ве запознаеме со нашиот сон кој се оствари, Илариа Каталина Ирена, објави парот. Хилари додаде и дека бебето е родено на 9 септември, а двете се среќни и здрави. Во однос на останатите шест деца, Алек напиша дека тие денот го поминуваат заедно со новиот член.

(Видео) Новата колекција на „Гучи“ ја презентираа 68 пара идентични близнаци

На модната ревија за колекцијата пролет/лето 2023 наречена „Твинсбург“, модниот бренд Гучи ангажирале 68 пара идентични близнаци.

Пред почетокот на ревијата, директорот на „Гучи“ Алесандро Микеле истакнал дека ја посветува на неговата мајка Ералда и нејзината сестра, близначката Џулијана.

-Две извонредни жени кое своето сестринство го одбележаа со конечен печат. Живееја во исто тело. Исто се облекуваа и чешлаа, вели тој.

Секој пар близнаци на сцена се појавил независно, одвоени во ѕид од огледала во средина и оделе по пистата во исти модели.

Оваа ревија била подготвувана со месеци и биле вложени големи напори за да се пронајдат толкав број идентични близнаци кои ќе ги носат моделите.

Необичната модна ревија на „Гучи“ предизвика големо внимание во Милано.

Популарно