Тарантино: Повеќе нема вистински филмски ѕвезди во Холивуд

Квентин Тарантино тврди дека во Холивуд „нема повеќе вистински филмски ѕвезди“.

Додека ја промовира својата нова книга „Киношпекулации“ во поткастот на комичарот Том Сегура, режисерот добитник на „Оскар“ се насочи кон филмскиот универзум на „Марвел“ сугерирајќи дека ликовите на суперхероите станале попознати од актерите што ги играат.

„Дел од чудото на Холивуд, ги имате сите овие актери што се прославија играјќи ги овие ликови (суперхерои). Но, тие не се филмски ѕвезди. Нели?“, рече Тарантино и продолжи:

„Капетан Америка е ѕвезда. Или Тор е ѕвезда. Мислам, не сум првиот што го кажува тоа. Мислам дека е кажано милион пати, знаете, но како што знаете, овие ликови од франшизата стануваат ѕвезди“, рече режисерот.

Тарантино во неколку наврати во последните години зборуваше против филмовите на „Марвел“. Минатиот месец тој објасни зошто никогаш нема да режира филмови на „Марвел“.

„Треба да си платеник за да ги правиш тие работи. Јас не сум платеник. Не барам работа“, изјави тогаш за „Лос Анџелес тајмс“.

Режисерот еднаш изјавил дека модерната филмска ера е „најлошата во историјата на Холивуд“ и дека размислува да се пензионира, пренесува NME.

Поради овој потег можат да имаат проблеми со кралот

Сè што се случува во кралското семејство го привлекува вниманието на луѓето ширум светот, особено ако главни актери се принцот Хари и Меган Маркл.

Двајцата сега отворија нова веб-страница наречена „Сасекс“, која може да предизвика големи проблеми и нетрпение во кралското семејство.

Дали ќе го навлечат гневот на кралот Чарлс?

Двојката ја замени својата веб-страница на Archwell со веб-страница наречена Sussex.com која ги вклучува нивните биографии и список на нивните неодамнешни активности.

Изворите предупредија дека нивната употреба на титулата на Сасекс и на кралскиот грб за комерцијални цели може да предизвика поплаки од кралското семејство.

Проблемот е што тие двајца немаат право да ги користат овие титули бидејќи се откажале од своето потекло и кралските добробити. За потсетување, овој потег ја разбранува светската јавност, а се чини дека двајцата нема да престанат да го провоцираат кралското семејство.

-Ќе имаат реални проблеми со користење на титулата „Сасекс“. Тоа е кралска титула и ако има навестување на комерцијалност во неа, ќе згасне. Неверојатно е да не гледаат колку е неугледно, изјавил извор за Дејли Меил.

Сепак, извор близок до парот не гледа ништо проблематично во тоа.

-Принцот Хари и Меган се војводата и војвотката од Сасекс. Тоа е факт, рече тој.

Принцот Хари итно пристигна во Велика Британија

Принцот Хари итно отпатува од Америка за Велика Британија за да биде со својот татко.

Бакингемската палата вчера објави соопштение, во кое се наведува дека на кралот Чарлс му е дијагностициран рак, но не е прецизирано од кој вид рак боледува кралот.

Според извори блиски до семејството, кралот Чарлс лично ги известил своите синови Вилијам и Хари дека е болен, како и својата сестра и браќата, пред светската јавност да дознае за болеста.

Хари, кога дознал дека татко му е болен, итно организирал патување и синоќа полетал од Лос Анџелес, а денес пристигнал во Лондон.

Како што пренесува „Телеграф“, Хари пристигнал сам во Лондон, а неговата сопруга Меган Маркл останала со нивните две деца, принцот Арчи и принцезата Лилибет, во Америка.

Били Џоел повторно во акција со нов хит

Американскиот пејач, текстописец и пијанист Били Џоел го објави својот прв нов сингл по 17 години – Turn The Lights Back On.

Баладата, објавена во четвртокот, е првата оригинална песна на добитникот на Греми наградата по „All My Life“ од 2007 година.

Истата година следеше Christmas in Fallujah со Cass Dill. 13-тиот и последен студиски албум на Џоел, Fantasies & Delusions, беше објавен во 2001 година.

Џоел стана познат во седумдесеттите години на минатиот век, а е познат по хитовите како Piano Man, Uptown Girl и We Didn’t Start the Fire.

Тој неодамна на социјалните мрежи објави дека доаѓа нов материјал. Тој работеше на синглот со продуцентот Фреди Векслер. Во наредните месеци тој планира да настапи низ САД, како и во Кардиф, Велика Британија.

Популарно