(Видео) Рада Манојловиќ во депресија по раскинувањето

Иако за тоа се шпекулираше со месеци, Рада Манојловиќ дури неодамна призна дека ја раскинала долгогодишната врска со колегата Харис Берковиќ.

Дали има нова љубов, како изгледа и што прави сега кога е сама, тимот на „Папарацо лов“ реши да провери.

Чекале четири дена Рада да го напушти станот што неодамна го купила, па екипата на оваа емисија дури отишла во нејзиното родно место, но и таму не ја најдоа.

Четвртиот ден Рада излезе од станот и замина директно на снимањето на емисијата „Магазин ин“.

Се шпекулира дека пејачката поминува низ многу тежок период, дека е во депресија и многу ретко го напушта домот.

Видео:Неверојатна приказна на триесетгодишната Кристина Филипс

Триесетгодишната Кристина Филипс, на која за време на операција и симнале 20 кг масни наслаги само од едната нога, денес изгледа сосема поинаку.

Кристина Филипс (30) од Мисисипи била една од најдебелите жени на планетата. На 22-годишна возраст внесувала повеќе од 7.000 калории дневно и достигнала тежина од 338 килограми.

Две години не излегувала од дома, едвај станувала од креветот, а секој пат кога ќе направела неколку чекори низ собата чувствувала дека ќе се задуши. Во еден момент, таа одлучила да го промени својот живот од корен и ослабела неверојатни 243 килограми.

Кристина се прославила со учеството во американското реално шоу во кое е претставен животот на девојките кои тежат повеќе од 200 килограми.

Вината за проблемите со својата тежина таа ја префрла на својата мајка и тогашниот сопруг, кои ѝ дозволувале да се прејадува и ѝ купувале брза храна. На крајот побарала помош од лекари кои ѝ објасниле дека толкава количина масни наслаги може да се отстранат само со операција. Меѓутоа, за да може да ја оперираат, морала да ослабе.

Нејзината трансформација започнала во 2014 година, кога лекарите ѝ направиле операција на желудникот, но тоа не било доволно, па морале хируршки да ѝ ги отстранат масните наслаги од одредени делови на телото.

Како што тогаш пишуваа американските медиуми, хирурзите ѝ отстраниле по 20 килограми маснотии од секоја нога.

По операцијата и закрепнувањето, Кристина продолжила да слабее и во следните години изгубила две третини од својата некогашна тежина. Сепак, тоа ѝ донело нови здравствени проблеми. Таа со денови одбивала да јаде, плашејќи се дека ќе ја врати тежината.

– Секогаш кога ќе видев дека иглата на вагата покажува дека сум се здебелила, престанував да јадам неколку дена. Се плашев дека повторно ќе останам заробена во куќата и дека нема да можам да живеам нормално – искрена беше Кристина.

Додека слабеела, се појавиле низа други проблеми. Немала поддршка од сопругот, постојано се расправале поради што била депресивна и имала проблеми со анксиозноста.

Парот на крај се развел, а Кристина не се откажала од својата цел.

Во меѓувреме, таа повторно се заљубила и родила два сина. За среќа, внимавала што јаде за време на бременоста за да не се здебели премногу. Денес таа е среќна и насмеана млада мајка,  на социјалните мрежи прикачува фотографии со својот нов изглед и на многумина кои се борат со истиот проблем им служи како инспирација.

Подгответе вкусна чорба со зеленчук и куркума

Чинија топла чорба ги радува сите во студените денови. За да подготвите чорба од зеленчук по овој рецепт, нема да ви треба многу време или многу пари, а ќе добиете многу вкусна чорба.

Состојки:

1 мал целер

2 средни моркови

2 средни компири

1 мал праз

грст фиде

3 супени лажици маслиново масло

1,5 литар вода

1/2 лажичка куркума

1/2 лажичка лук во прав (или 1 свежо чешне лук)

1/2 лажичка црн пипер

За запршка:

2 полни лажици јогурт

2 лажици брашно

1 жолчка од јајце

Подготовка:

Исечете го целиот зеленчук на парчиња и пржете го во маслиново масло 3-4 минути. Додадете вода и варете. Наместо вода, можете да користите пилешка супа. Додадете ги тестенините и варете додека не омекне. Додадете зачини.

Во посебна чинија изматете ги јогуртот, брашното и жолчкате. Се меша со 2-3 лажици сварена супа и се додава во супата. Се вари кратко и се трга од шпорет.

Само три делови од телото треба да ги миете секој ден

Докторот и дерматолог Сенди Скотнички предупредува дека пречестото миење на телото од глава до пети со сапун и вода може да доведе до разни кожни проблеми, како што се егзема, сувост и други кожни болести.

Наместо тоа, таа вели дека е доволно да се фокусирате само на одредени делови од телото – пазувите, препоните и стапалата.

Со неа се согласува и докторката Робин Чуткан, која објаснува дека ако го измиете целото тело со сапун, можете да ги уништите корисните бактерии.

-Факт е дека на нашето тело му требаат одредени бактерии, а доколку ги отстраниме со постојано чистење на кожата, ја губиме заштитата и сме поподложни на надворешни влијанија кои можат да бидат многу штетни. Она што е важно секојдневно да се мие се пазувите, препоните и стапалата. Доволно е да го исплакнете остатокот од телото со вода, дури и ако сте го одработиле тренингот пред туширање, објаснува Чуткан.

Една студија од 2018 година, чии резултати беа објавени во списанието Science Advances, покажа дека одредени видови бактерии кои живееле на кожата на испитаниците се поврзани со помал ризик од рак на кожата во споредба со луѓето кај кои бактериите не биле пронајдени.

Популарно